可能因為食左成個燒雞釀飯關係，感覺好似都幾飽，不太適宜即刻返酒店沖涼訓覺，一定要去散陣步先得，順便去夜遊一下澳門的舊街小巷……
由食肆行返出來已經見到這條恍如電影場景的樓梯街，在昏黃街燈下真的很有點戲劇味道，事實上又真係有人坐在樓梯級上閒聊隊啤吹水喎！
澳門夜晚的舊區小巷多野睇之餘，仲幾多街邊檔賣野食涼茶之類，如果晚餐未食夠亦可以順道買少少生果返酒店食，又或者再打個冷都得……
夜色中以喱座古色古香的Mercado Municipal雀仔園街市最搶眼，正門標示了建於1939年，原來是戰前的歷史建築，係咪同紅街市一樣咁大年紀？可惜夜晚早已收市關了門，睇唔到裏面係點樣。
繼續沿住條馬賽克石砌小路向前行，無耐就會見到葡萄牙總領事館同埋斜對面喱一欄西式古建築，上網check返先知原來依家活化了成為餐廳云云，荷蘭園這一帶有幾幢這類20世紀初的新古典主義風格歷史建築物，有些活化成為圖書館和歷史檔案館，也有些保留用作政府機構的辦公室。
之前搭巴士塞車又兜路真係怕怕，其實澳門勝在地方細細，好多時用雙腳行就最悠閒愜意，沿小街行下睇下影下開心過坐車，可以更貼地睇到D民生面貌。眨下眼基爾又行到來上圖右喱間似十足荒廢古老大宅的Teatro Capitol舊國華戲院，原來它比雀仔園街市還要古老，落成日期可追溯到1931年4月，成日想入去八卦下但夜媽媽貢入去唔知會唔會畀人老笠呢？
安全起見就在大門外裝下就算……再向前無聊閒蕩多一陣，原來不知不覺已經來到最熟悉的議事亭前地一帶了，轉角位又見到外貌建築似教堂的女媧廟。這一帶又熱鬧返因為沿街大多都係遊客手信店，成日好奇想問樓上那些舊樓係咪都仲有人住架呢？但大部份又唔見有人開燈咁喎！值得一提係仲見到上圖喱間歷史好悠久的大聲公涼茶舖，基爾好似上個世紀第一次來澳門果陣都有幫襯過，佢個舖位依家係咪應該都升值好幾千倍了吧！
第一!
回覆刪除話雖夜晚, 都有人行喎!
唔知會唔會畀人老笠呢？
刪除蘭:今次咁醒嘅?定還是咁啱咁夜瞓又有時間巡blog....XXXXD
刪除澳門啲手信店都開到成十一二點好好生意:P
大夫:夜嗎嗎都係行啲安全地方好
刪除澳門最吸引就係果啲橫街小巷。
回覆刪除澳門地細
刪除用雙腳行
悠閒愜意
EE:係呀,可以見到多啲地道野,影相也美
刪除大夫:得閒介紹啲好地方來行下喎
刪除行大夫傳
刪除或者小鄧子傳也可XXD
刪除我好似上次有去過呢個街市食野
回覆刪除Really~~~~~!!係咪多粥粉面奶茶咖啡菠蘿油果啲?
刪除澳門的建築物和地磚都很可觀，感覺像到了外國。
回覆刪除地磚很有點南歐風味,保留舊日色彩才有旅遊價值
刪除搵日都想去澳門行下.
回覆刪除對,近近地同家人去走一趟食下野也不錯的
刪除Night walk in Macau appears to be a good choice.
回覆刪除是重點節目wakakakaka.....
刪除荷蘭園,我記得個名.
回覆刪除睇返啲相有冇少少印象
刪除完全冇興趣
回覆刪除無貓頭鷹賣XXD
刪除真喺好怕去澳門，又多遊客，阻車搶錢多負面新聞，但對我嚟講，見食物幾有新鮮感，港珠澳大橋起去，會去睇下！
回覆刪除到時坐過境巴士唔知會唔會平少少,依家啲船好鬼貴:P
刪除食飽飽行下都唔錯呀, 涼涼地又少d人嘛~
回覆刪除平時食飽飯落街散下步都健康呢^^
刪除點解冇雀仔睇架 :P
回覆刪除咁夜一定係飛晒返屋企啦XXD
刪除閒遊澳門係一種享受。
回覆刪除都係飲下食下行下咁囉^^
刪除澳門D舊城區橫街窄巷好有70年風味！
回覆刪除有種時光倒流感覺^^
刪除澳門真係好易行。下次反而想試下去澳門搭巴士無目的地咁游個車河
回覆刪除其實如果唔趕時間,搭巴士也幾好,不過記得要買張澳門八達通會平好多^^
刪除夜晚的澳門街道顯得格外寧靜，夜遊都係一個唔錯的體驗…
回覆刪除明顯無日間咁多人,無咁大壓逼感XXD
刪除都好，起碼行得舒服…
刪除森兄康復返之後不妨去走走^^
刪除我覺得去旅遊，行吓街好多成晚坐賭場啦。=P
回覆刪除咁都好多人係專程去賭場嘅XXD
刪除好多--->原本想打「好過」的=P
刪除其實都好多人要靠個賭場食飯嘅我諗XXD
刪除有無吃大街小巷D小食呀? 我中意去D無咁多人而偏僻D街道行, 感受舊澳門氣氛。
回覆刪除無呀,因為之前食了個很飽的葡餐^^
刪除真係好耐無去過澳門，消費越來越貴。
回覆刪除勝在夠近近地囉^^
刪除又行得幾仔細喎~
回覆刪除你食飽飽行出黎哥條樓梯街我成日都會行過~~~XXD~
唔怪得知有咁多腳毛.....wakakakakaka!!!
刪除我覺得果個view幾啱你地去影下甫士相呢^^
見到磨XXXXD.....有無俾風吹起?XXD
刪除但我又真係從來都無係哥度影過相喎~~~
wakakakaka.......驚驚XXXD
刪除咁下次再去要去影張靚相啦^^
早20多年前，我亞姨就係住係大三巴石仔路，即現在Like對面一個叫葉家圍的地方，不過當年無咁多遊客，每年暑假我們都會住幾日。現在應該都仲有人住，不過我亞姨都過左黎香港了
回覆刪除正喎暑假過去住幾日一定玩得好開心,有冇成日走上去炮台果邊玩^^
刪除果一帶D舊洋樓仲保養得好好,樓底高又有大露台,如果要維修唔知政府係咪有得補貼呢又?
細個就成日去，宜家好少了，而且樓都係租的。不過門面就無改變，內面好似起過，這樣的建築是澳門的特色
刪除原來如此......我之前都聽聞係門面保留下來,但內裏就是重建過的呢
刪除我也喜歡遊走小巷橫街
回覆刪除有地膽帶路一定更佳^^
刪除朝早的雀仔園更精彩!
回覆刪除係呀好多野食^^
刪除夜蒲反對派點會去… 呀！兼職打更巡夜。
回覆刪除有咁筍兼職一定請你先啦,你經驗老到好多XXXXD
刪除包青天只一個，佢先會睇清楚咩人做咩事！
刪除送多個烏盆畀你實習下wakakaka....
刪除N 年沒有到過澳門 , 這裡還是那麼懷舊 , 難得舊建築物保養得咁好 , 反觀香港把大部份有歷史價值的建築物都拆拆 , 真可惜 !
回覆刪除HK地價貴,人都就來無掟企,何況古蹟丫.....:P
刪除嘩！散步都散步得好仔細喎～ 裡面係點？問小T啦～🤣
回覆刪除佢無答喎.....XXXD
刪除前幾年去澳門行過大半日，搭免費的賭場大巴，和市上的巴士。
回覆刪除行大三巴、博物館，教堂和橫街窄巷。好在有老友幫手拿手信。下次去氹仔行吓都好噃。
係呀坐賭場車最方便快捷啦^^
刪除咁睇來你都行過好多景點喎,澳門的教堂特別值得去逛逛.....
我依家都盡量唔買咁多手信,因為都食唔晒wakakaka
依家一上碼頭就係去搭賭場巴士，落咗車入賭場行一轉，然後出番嚟。都不知幾方便。
刪除其實都唔係行咗好多地方。夜晚上錯車去咗關閘，拿拿臨再去搭過去新口岸買票上船。好日都唔去一次，梗係要買多啲豬肉乾，送人與自奉啦。如果冇人陪，我都唔會去啦。
好多人都係咁,因為真係快趣方便好多呢^^
刪除好彩都趕得切船,如果唔係又要買過張船飛了,都幾貴:P
豬肉乾都好食丫,近年又興多樣豬肉紙,脆果隻,有冇食過?
一日遊使乜買定來回票吖，唔會去太夜啦。老友都有親戚有地方住，不過是太疲倦，要回老家休息才會安樂。 她有事未辦妥，送咗我去碼頭，就回到親戚家處過夜。
回覆刪除什麼豬肉紙，好似聽過,但未曾吃過喎。
原來如此,我還以為是來回票,如果係單程票就唔驚會走船^^
刪除有親戚有地方住又幾好,因為澳門啲酒店都幾貴:P
豬肉紙是脆薄片果隻,似薯片咁香脆