遠端橈骨骨折康復治療

臨近除夕，基爾回望可說是經歷了「不平凡」的一年……好多有心的blog友經常問候基爾隻手康復進度如何，在此再三多謝，其實都好得差不多，就寫篇交代一下！

月初去醫院覆診後，醫生已經話條骨基本上接合了，毋須再返去接受物理治療和覆診云云，上圖左就是鑲嵌在手腕橈骨上的鋼片，不會再除出來。之前去日本旅行，過海關時都有點擔心金屬探測會被「咇咇咇」，幸而最後都冇！



雖然醫生話好得七七八八，不過依家隻手間中仲會有點酸軟，尤其係拎重野之後，所以在公司都唔係太敢換蒸漏水樽。



物理治療師之前畀了本康復治療天書給基爾，可以在家時按住本書的圖解指示去做運動，原來遠端橈骨係老人家最常跌斷的腕骨，上圖幾款動作都有做過，當中以「抹台」動作最困難，最初幾乎完全做唔到，現在基本上已經無問題了，希望新一年大家都健康愉快過每一天！

聖誕前奏之巴別橋

不要誤會！其實巴別穚與巴別塔完全無關係，純粹是聖誕前一次離島BBQ活動而已。

由於一度取消了的渡輪服務又再重新復航，以基爾來說還是搭船比較方便，不過全日只剩3班船，所以還是預鬆少少交通時間，提前20分鐘已來到碼頭等候。



這天天氣確實不錯，友人這個新會所又確實不能不給5粒星，環境很美之餘，「海珏」這名字也改得出色，無敵靚景觀又真有點天崖海角的味道，不枉基爾抱恙也來赴會。



喉嚨欠佳還是賞景攀談為主食野次要，爐具新淨之餘，也只設兩座咁大把，絕對可以盡情享受清清靜靜無人打擾（至少沒有東奔西跑尖叫的過度活躍小朋友）的perfect環境，間中只有遠處海峽傳來的貨輪汽笛聲……



兩個多小時隨住悠閒的食下野傾下旅行經很快趣就過去了，之後在會所四周逛逛，就出去馬灣舊村那邊行多陣。上圖右是一幢新建的村屋，外型簡約得來窗框又顯出有心思的歐陸味，dream house之選！



舊村其實都已經行過好多次，目前正準備清拆中，反而芳園書室未行過，之前列作古蹟後因為要進行大規模修葺而關閉，最近才重新開放，活化為馬灣水陸居民博物館。



去到先知原來這間小小的書室竟然要收入場費，見入面其實都無乜特別野睇所以都無入去，只在前園行陣影影到此一遊相就算了。其實之前去馬灣公園裏的馬灣古蹟館都毋須收費，而且都幾多古物睇，包括有唐代和清代古窯等，有興趣可翻看「香港速遊」裏的馬灣系列網誌。



再去舊村海邊行多陣，欣賞一下來得比較早的冬日夕陽吧！雖說這裏的日落不及大澳和白泥出名，但其實馬灣日落景也有很濃的水鄉漁村風味，而且沒有上面兩處龍友聖地咁多人，感覺多一份恬靜味，很值得來一看！



由於在輝記book了台但又未夠鐘，還是先返回會所hea陣繼續聽人傾下旅行經，喱邊間會所就比較多facilities，其實如果唔駛出外面返工，齋住喱度真係幾正的呢……發完夢之後都係時候出返去輝記開餐，由於之前已經寫過，所以今次不詳細寫乜咩食了，有興趣不妨翻看「食探出巡」裏的輝記網誌吧！Anyway，返屋企前仲行了一轉百佳，見到有上圖右喱款SpongeBob零食唔知係咪聖誕特別版呢？

聖誕前奏之曬陳皮

踏入秋冬，天氣變得格外乾爽，有冇留意早排街邊經常見到公公婆婆們都一窩蜂地走到公園曬陳皮呢！擺出來的陣勢其實都幾壯觀……

基爾家中煲老火湯和紅綠豆沙糖水時都會落陳皮，不過真係食米唔知價，聽基爾媽講靚的陳年果皮非常值錢云云，所以襯天氣好，基爾在家中都要學下點曬先得。



一般人會就咁拎一大袋落街曬，不過要搬來運去又要落街睇住唔好畀人偷實在無咁多時間，如果家中陽光夠也可用繩吊成一串掛在窗前曝曬和風乾，只要紮緊中心的十字位就不怕跌了，這也是一門功多藝熟的手藝，要練多D以免失傳！



近日天氣變冷又係流感高峰期，基爾其實早已不幸中招，上月底一直咳到依家，睇過多次醫生都係反反覆覆搞唔掂，身邊友人紛紛獻上各式偏方，其中川貝燉橙又好似幾方便，只需一個橙切去頂蓋，再塞入稍為盅碎的川貝就可以蓋上落鑊燉15分鐘，稍放涼後即食。除了食燉橙外，仲去睇了中醫……anyway，在中西醫夾擊下似乎已有點起色，希望可以快D好返晒！



由於間歇請了幾日病假，在家休養其間無事做就主力睇下書吧！早前看了上冊的《海邊的卡夫卡》，不知為何下冊非常搶手，等了好耐終於到手，很想知道故事主人翁田村最後會點……幾乎忙了早前還吃了黃師傅的榴槤cheese cake，雖然基爾不太食榴槤，但齋食個餅底都very good喎！