俄羅斯謎旅程之二

俄羅斯出名多靚人，今次旅程豈非眼福不淺？

Sorry！如果大家為了睇靚人而去俄羅斯一遊的話，或許會失望而回了。可能平時見得太多俄羅斯的靚女網球手、體操運動員甚至溜冰選手之類的，會有錯覺以為俄羅斯盛產靚人吧！事實上，返港後亦不斷有人問我﹕「有沒有見到古妮高娃、舒拉寶娃呀！」諗返轉頭，真係無見過喎！連稍為接近的都唔多覺眼，真可惜呢！然而翻看旅途中拍下的照片時，竟發現由莫斯科飛赴聖彼德堡前，在上圖這個國內線機場外，竟掛了一幅米絲堅娜（Anastasia Myskina）的超巨型海報。

米絲堅娜是誰？相信不愛看網球的人，或許聞所未聞。這名曾於2004年贏過法國公開賽女單冠軍的俄羅斯女將，當年世界排名一度高踞第2位，可惜由於長期的傷患，現時排名已跌至126位（截至今年6月），真係影都無埋！究竟為何她在俄國依然人氣高企呢！話時話，去俄羅斯咁多日，我真係未見過一張半張古娃高娃或舒拉寶娃的Poster喎！

米絲堅娜靚唔靚女，真係見仁見智啦！不過若她站在「雙娃」面前，一定不算是大美人囉！不過單憑她在大熱天時打波依然經常化濃妝上陣，而且mascara都沒絲毫脫色這一點，Shiseido、Revlon、Clinique、Estee Lauder、Lancome、Loreal……等等都應該爭相跟她簽代言人合約啦！至於若論她的球技，真係不提也罷！我敢100％肯定若給她再打一次法網決賽，也一定無法再這樣時來運到。

那麼米絲堅娜到底憑什麼在俄國至今仍人氣高企呢！答案可能是﹕她是地道的由俄羅斯人訓練出來的大滿貫得主。相對於「雙娃」這些在美國長大、由美國網球學校培訓出來的「洋貨色」，米絲堅娜的成就（雖然不高）更獲得國民認同。



說回俄國靚人，出名的確實也有不少，不過原來僅屬少數而已。相對於歐洲各大城市中最懂扮靚之道的巴黎人及米蘭人來說，俄羅斯一般平民百姓的衣著打扮幾乎可以用「娘爆」來形容（公平一點，應以樸實形容）。從上圖這個評審基準可見，接近古妮高娃、舒拉寶娃以至t.A.T.u.水平的靚女，合共只佔35％左右，古絲妮素娃一類的「大嬸style」則佔大多數。男子組方面，擁有波波夫、卡菲尼哥夫俊臉的也不多見，大部分都屬簡察斯基的「大漢style」，以至葉利欽一類的巨無霸肥佬居多。聽聞這是與俄國人大多愛吃薯仔和喝伏特加的飲食習慣有關，到底是否屬實就不得而知，但大部分莫斯科人都真的欠缺笑容（你可以話佢地係cool啦），某程度上已經被扣了一點分數，可能這就叫做「鐵幕遺風」吧！