風從寶島來@九曲洞

鴻儒駕羽登臨
茶舍如雲衢之殿堂
高論如百丈飛瀑，瀉入滔滔珠江
夢一樣的茶香
九曲迴腸，在魂魄裏蕩漾

會合返民宿老闆專車後，一行人逕往九曲洞步道，再續這次太魯閣行山旅程。九曲洞其實比較接近之前行過的慈母橋和燕子口，全長1220米，幾乎全是在山腰開鑿出來的隧道。



九曲洞步道是橫貫公路最長的隧道，也是來太魯閣峽谷必遊的一段步道，它依高山深壑而開鑿，向下俯瞰則是急湍的立霧溪，兩岸山壁緊峙，鬼斧神工與險峻的地勢令人讚嘆。



於步道沿途山勢實在太險要，全年經常都會有碎石由山上碌下來，之前也試過有強國遊客被大石碌中送院。初頭基爾都諗住邊有咁橋丫，如果被碌中都要返黎買六合彩啦！不過再睇睇步道旁的這堆亂石，全部都係之前由山上碌落黎的，即時都有少少驚，仲頻頻望上山坡睇睇係咪真係會咁「好彩」先……



絕到唔係講笑，在步道的起點已有工作人員在派頭盔，入山全程都要戴上，戴左頭盔之後真係有少少似去地盤開工look咁！



頭再看剛才行過的那段貫穿山腰開鑿而成的步道，你就知佢點解叫做「九曲洞」了吧！