桂花村@北角

好似又有一排無寫為食野，貯埋一大堆「開餐照」都係時間拎返出來寫下以免唔記得！

早排聽友人話喱間桂花村的上海菜幾正，上網睇下食評又真係幾有讚無彈的。終於喱日夾到時間出去食，店裏的裝修很有五、六十年代懷舊味！今時今日好多茶餐廳食肆D台都擺得好密，喱間又冇喎，至少坐得算幾舒服，不會同鄰台背貼背，而且環境清靜方便傾下偈。



食上海菜好多時都會點喱味紅燒獅子頭（$39），喱間都算整得幾好味，屬中上水準，肉質鮮嫩juicy，唯一要挑剔的可能是size比較細吧！



除了獅子頭外，友人仲叫了醬爆雞丁（$38），味道同樣也不俗。兩味客飯皆配湯和飯，本來都幾飽，不過最後仍加單叫了小籠包和水餃麵。埋單計人均才$60，算是抵食之選，基爾決定擇日再來encore試埋其餘幾味經典上海菜。

桂花村
北角英皇道473號地下

同場再講多一次「例牌飯堂」潮客，最近一次去係同colleagues食開年飯，睇下個餐牌大中小點好似都加晒價喎！好彩有大食大結果都係叫滿台……



甜品桂花糕和椰汁糕是每次必叫之選，上次都有叫的滷水併盤和手撕雞都有encore，值得一提是手撕雞有大量海蜇墊底，海蜇用麻油和wasabi撈過好好味，下次來要再叫！