好耐無去觀塘食野，喱日相約友人來到apm，發現大堂除了被播世界盃的大電視和宣傳攤位霸佔晒所有空間之外，樓上幾層的食肆數月間幾乎已來了一次大執位大換血……
位於1樓的這間Made in HK門面有點似走懷舊茶餐廳路線感覺，以前來時唔太覺眼，友人話喱個位就係以前的紅螞蟻，見係新野就入去試試吧！
話雖是茶記格局，但入得大商場自然價錢也非舊區茶記可比，order了兩個set lunch連加一其實已經逾$200幾蚊，唔算平，幸好味道還可叫做ok的！上圖是餐湯忌廉湯和餐麭，一人竟然有兩個麭，食完已飽了兩三成；另一set的前菜則選了無咁heavy的雜菜沙律。
主菜分別點了焗青蘋果豬排飯和燒雞扒意粉，原來豬扒除了配蕃茄芝士菠蘿之外，同青蘋果一齊煮味道也不錯，雖然飯和意粉的份量不算大，但可能之前已啃下了兩個餐麭所以都幾飽。最後值得一提係窗外的觀塘市貌，同apm入面一樣已有很大轉變，舊樓拆掉後又陸續有新建築物、馬路和小巴站出現，舊日的足跡似乎已所剩無幾了！
Made in HK Restaurant
觀塘創紀之城5期apm1樓13號舖
觀塘創紀之城5期apm1樓13號舖
香港的商場都係久不久又大翻修，但都差不多係果的商鋪，做生意為給顧客好印象和爭取生意額，在門面上不遺餘力，我從另一個角度睇，很浪費。
回覆刪除Stella:係呀一租約期滿好多時都大換血~~~有時候都覺得幾唔環保呢!!!
刪除哦～ 原來 Made in HK 係食西餐，仲以為係 serve 茶餐廳嘅 menu...
回覆刪除Joice:佢個門面係懷舊茶餐廳feel^^
刪除復活假時去APM 樓上間越南泰國菜算OK。不過有機會入來機場高爾夫球場食泰國菜，好好食！
回覆刪除Hermit:泰菜果間都食過一次,都ok架!
刪除幾時呀?!!等你約^0^
餐廳有先見之明，因為主餐份量唔大，所以預先用兩個麭填飽你。
回覆刪除Hamby:long time no see~~~~~~還以為搬blog後失去了聯絡^^
刪除照計應該唔會咁架喎,如果唔夠食佢寧願你叫多個餐啦kakakaka
我好蠢，搵左好耐先揾返你同毛豆!!
刪除Hamby:有緣始終可以搵返嘅~~~^^
刪除白頭sir幾好嘛^^
Thank you so much for your thoughtfulness. We're doing good. I am looking forward to visiting the bloggers more. Have a great day!!
刪除Hamby:你都繼續寫下新blog啦,等我可以睇下你地冰雪國度的最新生活狀況嘛^^
刪除我唔鍾意食商場的餐廳食肆，無風味。
回覆刪除Samwei:不過依家大熱天時,都係匿係商場入面好D,喱幾日係超級熱,如果行街或幫襯街邊檔,驚未食完已經全身濕晒XXXD
刪除我都好眼力,一睇就知呢個位以前係紅螞蟻.
回覆刪除王子:第時返來去懷緬下kakakaka
刪除次次返都行apm架啦.
刪除王子:近你呀?
刪除咁真係搵搵地笨喎！塞兩個包落肚乜都飽晒啦～～
回覆刪除不過租金貴，難免食肆用啲“哪渣招”！！
森:喱個方法其實都唔錯,塞咗兩個包食唔到其他野,分分鐘有助減肥架XXXD
刪除哈哈…一聽就知gael兄好少減肥~~真正要減肥連兩個有澱粉質的包都要減啵!!
刪除係呢…早前你話想買bio-kill, 最後搵到嗎??
森:如果剩係食包其他乜都唔食,我諗都有效架喎XXD
刪除最後在百記買咗,仲剛好有特價,買回家試過真係幾有效喎,用來噴在布上抺牆,啲小昆虫即時雞飛狗走,幾有效!!!!而且無色無味,無殺他C果啲咁攻鼻~~~
森兄下次仲有咩好介紹記得通知聲^^
係啦~~應該百記有得買!!我都係試用階段, 佢講的無味環保,應該對人身體較少傷害...傳統殺虫水好難聞, 聞得多壓縮氣體都唔好!!
刪除你都係啦,除咗美食之外,有好用實用都單聲呀!!
森:初頭都係諗住冷門野大型超市未必有售,所以先去問藥房,點知原來藥房冇但超市反而有,仲算係幾平添^^
刪除係呀以前噴殺虫水通常都係勁大味,而且好耐唔散,噴完都有啲驚影響健康架~~~喱隻無味心理上好似安心少少XXD
有呀,盡量加返少少啦,喱排都係齋寫食野同旅行野都開始有少少單調,搞到少了好多blog友來探我了~~~~~:P
觀塘好快就大變身面目全非了.....
回覆刪除Wan:有好多青蔥歲月回憶都無晒><
刪除紅螞蟻執左? 我都真係好耐無去APM了....
回覆刪除蜻蜓:加咗好多新店,food court唔同咗樣,有時間去行個圈囉^^
刪除焗青蘋果豬排飯幾得意
回覆刪除MD:味道又幾夾架,唔駛食來食去都係芝士菠蘿咁悶囉^^
刪除俾人幫你荷包減肥呀！幾好吖！
回覆刪除JJ:我荷包不嬲都極瘦架喎,個人減啲仲好XXD
刪除荷包瘦係因為你床下底多寶貝啫！
刪除JJ:無乜架咋喎~~~垃圾居多XXD
刪除舊區逐漸被改變，重睹舊貌，只得靠相片！
回覆刪除摩:香港個賣點就是要不斷發展,不斷起新樓促進樓市><
刪除btw,隨時恭候啦^0^
唉⋯今時今日食野邊有得平丫!
回覆刪除銀:舖租貴丫嘛><
刪除真喺好耐無去觀塘喇！
回覆刪除Ka:咁去行個圈囉^^好多野都拆晒唔同晒了
刪除係咪真係有蘋果味?
回覆刪除mandu:少少甜但唔太濃的
刪除青蘋果豬排飯，未試過，會是什麼味道呢？
回覆刪除愚:其實蘋果味唔太突出,少少酸甜架咋
刪除就快成個觀塘都變成大商場囉！
回覆刪除Lam:絕對會呀,連路都會改晒,第時去分分鐘蕩失路XXD
刪除很久沒有嚟呢度了 , 紅螞蟻都做咗好耐但都要結業 , 唉生意真難做 .
回覆刪除ak:喱類中檔餐廳其實依家都幾難經營,畢竟競爭大,舖租又貴!!!
刪除商場食店真係成日轉, 呢期都見唔少呢種以港式食品作號召餐廳, 不過價格就比平常價升左唔少 ...
回覆刪除魚:喱間「港式」其實只係個包裝而已,價錢當然不會是老式茶餐廳冰室價^^
刪除D商場基本上一到租約期滿就大洗牌
我有時都經過apm,不過就好少係到開餐,價錢真係唔平架!
回覆刪除andy:依家下面裕民坊那一帶的食肆都拆晒,所以更多人湧上apm食野添啦!價錢不平,始終商場租貴吧!
刪除