之前睇blog友寫過荃灣有條食街好多野食，喱日約了久未聚舊的中學同學，正苦思有乜好去處之際，腦中就浮現了「荃興徑」3個字……
問過與會人士全部無異議，咁一於去睇下有乜好野食囉！原本諗住在千色等，貪可以涼住冷氣逛住等，但搭巴士途中收到whatsapp又話直接去先到先霸位，咁基爾就直接在大河道落車行過去會近D。
去到荃興徑由街頭行到街尾都唔見熟悉的身影，電聯後才知團隊原來仍在千色，結果基爾在三十幾度濕熱高溫下兩頭撲，無可避免地要化成水人了！Anyway，好彩上面喱個椰青焗海鮮飯（$88）都幾正，D飯泌滿椰青味幾清新，幾有消暑感覺。
由千色沿行人天橋行返去荃興徑那邊，一直覺得D天橋起到好核突礙眼，但總算叫做方便唔駛過咁多條馬路……來到「食街」主要想試blog友話幾抵食的泰特色泰國餐廳（因為有八八折！）為免勁多人等位，所以5:45pm已入坐，入面一台客都冇喎！不過半個鐘左右後已經七八成full了。
除了原個椰青飯之外，仲叫了水晶晶海南雞半隻（$68）和三式彩椒炒蟶子（$68），兩味都幾大蝶份量好足，唔會因為係特價menu菜式而將貨就價「縮水」咁老土，味道亦都確實唔錯。飯後仲有馬豆糕和椰汁糕送，實在沒什麼可挑剔了吧！後來留意睇睇個menu，才發現這間泰特色原來與基爾之前食過下午茶餐的那間水晶晶泰國餐廳係同一個老闆。
泰特色泰國餐廳 Thai Special Restaurant
荃灣海霸街91-93號荃好景大廈1樓及地下F鋪
荃灣海霸街91-93號荃好景大廈1樓及地下F鋪
為食水基去咁遠食野，係咪仲有前傳後傳？
回覆刪除為食水基係乜水~~~?!!XXXD好搞笑的名字....
刪除係呢輯相嘅主題囉。
刪除我仲以為係咩汽水機之類XXXD
刪除呢餐飯又食一個禮拜喇！
刪除好嘢梗係要慢慢食先夠滋味丫嘛^^
刪除荃灣由地鐵站行出來, 好似全用天橋連起
回覆刪除係呀,堅離地kakakakaka....
刪除泰國餐啱晒我呀,不過未試過哩間
回覆刪除食金坊泰國多次都唔錯
喱間都係隔兩三個鋪位,好近金坊
刪除下次都可以去試下金坊,不過都係要早少少,最好六點前入座就唔駛大熱天時等位
馬豆糕和椰汁糕^^超吸引吖~
回覆刪除我嫌佢少得滯,多少少更好kakakaka..:P
刪除印象中到荃灣都係快閃，好似未試過食飯... hmmm
回覆刪除下次如果去行完街都可以去試下啦...
刪除嘩 ! 去到荃灣食泰菜咁特別 ?!
回覆刪除睇blog友推介㗎咋:P
刪除荃灣真係幾多野食，我鍾意食上海野，食酸辣粉，食粥。
回覆刪除我也愛小籠包生煎包鍋貼豆沙鍋餅,酸辣湯也愛但不能多飲:P
刪除化成水人咪好囉,唔使做雞。。。濕水雞.
回覆刪除咁…做隻水鴨喇！可以"水過鴨背"！
刪除哈哈哈…
化成水都係正常嘅,谷住仲易中暑,散唔到熱!!!!王子遠戍奧國和蕃已久,過慣涼夾爽天氣,應該一早忘記hk夏天濕熱有幾厲害XXD
刪除勁喎kaka~~~~你以前係咪做過成語動畫廊?kakakaka....
刪除哈哈！椰青焗海鮮飯可以不用洗碗！
回覆刪除喱樣真係超正,其實在家也可自家製,放入的海鮮又可以自己選擇愛吃的~~~~~最緊要唔駛洗碗,慳功夫又環保XXXXD
刪除何解要兩頭撲?!!有Whatsapp喎?!!...
回覆刪除就咁睇都覺得個椰青焗飯幾正, 啲飯入口咪好清甜?!
食肆競爭大唔敢太縮水…佢哋驚啲客冇下次~~
佢地唔太識路,都係我一個唷好啲,最驚兩邊人互換位置更費時:P
刪除真係幾啱夏天食,感覺清新!!正!!
都啱,依家舖租勁,食肆不易經營,至少無藥房咁好做kakakaka....
水晶晶海南雞比較吸引我！
回覆刪除但我有啲驚佢啲雞油飯,超肥:P
刪除I also note that there are few large thai restaurants in Tsuen Wan which appears to be likened by Tsuen Wan residents.
回覆刪除係囉我都覺荃灣依家都幾多泰菜館,可能可以媲美九龍城,九龍城果D感覺比較貴
刪除海南雞好味嗎？個樣唔錯^^
回覆刪除都ok,但我唔係好敢食雞皮,食之前會撕走層皮,都驚畀人鬧浪費:P
刪除浪費? 雞皮咁肥我都一定唔食㗎^^
刪除係囉,食完驚去跑十個圈都未必消耗到呢XXD
刪除XXDDD
刪除你都同意呢~~~~~XXDD
刪除荃灣近年變化都很大，亦勁多餐廳菜館。
回覆刪除可能近元朗天水圍屯門,假期時深井汀九果邊都多人出荃灣搵食
刪除也合理，那一面也實在好多人搬入去住。
刪除背山面海豪宅區^^
刪除講價錢，對我來說也真是豪宅區，哈哈哈
刪除基本上全港九都係豪宅區kakakakaka....
刪除望落都幾對辨~正~
回覆刪除哥d椰子焗飯成日都覺得好好味~~~因為好入味~~~~
都幾多菜式有discount,感覺算係幾抵食:P
刪除真係幾有椰青味,如果愛飲椰青果陣味,應該都會喜歡這個飯吧
抵啦~我見你話都無話因為有discount而細碟~咁已經好難得囉~
刪除我係澳門都有食過類似既飯~超清香~~~~~
澳門近排我食過原個椰皇布甸......超!級!正!
係啦好憎果啲將貨就價的餐廳......
刪除澳門應該都有好多好食泰菜啦一定^^
椰皇布甸聽落都吸引:P
澳門依家都有好多差左好多....食頭幾次好..食食下就會加價又細份左仲要唔好食先衰~
刪除我地之前食哥間就唔錯~~6個人食左18樣野哥次~~~真心好食~~~不過我近排呢~要戒下口~~唔可以好似以前咁任性咁食~
無計啦依家遊客多,雖然係「加價又細份左仲要唔好食」但依然可以生存到:P
刪除係呀要全力養好身體先,因為你都快要出發啦,要回復100%健康開開心心飛過去影靚相架嘛^^
很少到荃灣，很少吃泰菜……
回覆刪除夏天多走兩步，都會揮汗如雨，所以沒必要，不會貿然上街！
今次唔中阿摩心頭好:P
刪除對,市區人煙多更熱也易煩躁,我也愛留在深山裏享受寧靜
見你食我都流晒口水，諗諗吓都好似好耐未食過泰國野了，搵日去我附近間正野食吓先!
回覆刪除我仲以為你話搵日去泰國食添^0^
刪除荃灣超級多人, 食店也很多.
回覆刪除我到荃灣那裡都去買餃子回家~~
其實應該係話全香港都實在太多人XXXD
刪除通常幫襯邊家買餃子?
X豐囉!! 我細細個就食啦.....
刪除未食過喎,有空去試下:P
刪除我都鍾意食泰國菜, 呢間睇個賣相唔錯喎
回覆刪除基爾真好, 寧可化成水人都去接朋友, 俾我就坐定定等喇
味道也不錯,感覺上抵食^^
刪除我最驚係過到去佢又走開咗唔知去咗邊,撲空一場最慘,寧願叫佢企定定等我囉:P
Gael,多謝你的好介紹.
回覆刪除唔駛客氣~~~如果去開果頭又有興趣都可一試^^
刪除我覺得呢到食環境多啲,泰國菜都係九龍城正宗啲,
回覆刪除坐得舒服呀!!!
刪除依家好多因為租貴都係舖仔細細坐得好逼,喱間啲卡位就坐得好舒服好正,傾偈唔怕太嘈.....
九龍城我近期都比較少去呢
我喺個頭出入，但好伯去個條街，
回覆刪除太多人......，哩間泰菜睇落OK，
荃灣出名多嘢食，我like日本菜小店，喺四坡坊。
如果早啲去唔驚喎,唔算太多人....
刪除我覺得ok,下次有機會可以試埋金坊對比下!!!
日本菜係放題定係點菜?
果頭都有好多雲南米線之類,係咪依家興?也可能係利潤較高吧
我都好想食泰國菜！
回覆刪除你果邊多唔多呢?
刪除我下星期一陪爺爺返泰國呀～因為我食素，不太熱衷拍攝食物，今次試下先^^
回覆刪除泰國流唔流行食素?
刪除有空影啲素食菜式來看看^^