遺忘的唱盤時光@趙學而

唔得閒搞D舊郵票住，咁不如又聽陣歌仔先，今次喱隻舊CD都係會不時拎返出來聽的心水之選。

趙學而這個名字對好多人來說可能已經漸漸淡忘了，有冇人記得佢做過「娛眼」之外仲有冇拍過咩劇？仲有係以前飛圖年代的洗腦式廣告，女歌手中除了梁雁玲之外就經常聽到趙學而D歌（講起梁雁玲必然又會諗返起軟硬首《廣播道fans殺人事件》）！



喱張1997年7月推出的《Home Collection》精選碟可說是趙學而早期在飛圖年代的小總結吧！基爾當年買應該都係貪佢夠多歌，幾乎一諗起趙學而的歌，都收錄在碟裏了，例如當年大熱的每隔兩秒、尋開心、我恨我是女人和尋人等等，仲有好多係聽過有少少印象的，其實佢唱快歌也不錯呢！近年佢比較主力出國語粵語翻唱碟，證明仲有市場，基爾幾喜歡佢翻唱版本的歡樂今宵和幻影，有空不妨click去聽下。