如果對懷舊玩具有興趣的話，今次喱套「香港玩具︰1940至1960年代」應該是必買的了，當中會唔會有D你當年都玩過呢？（想像到好多人會即時話：冇！連見都未見過喎）
如果真係未見過咁就要繼續睇下基爾介紹了……據首日封背面的簡介，原來二戰後40-50年代美國玩具商為了降低成本，逐漸將生產線轉移至亞洲，造就了香港玩具業的興起，到了60年代玩具業與電子、紡織及塑膠業已成為香港四大工業支柱。
實不相瞞，今次郵票上喱6樣玩具基爾細個時都有玩過：膠鎚仔（$1.70）雙星報喜的經典道具，用來扑人會發出唧唧聲；紙公仔（$2.20）雖然係男仔之家但基爾都有玩過幫公仔著衫，另外仲玩過塑膠煮飯仔……
水槍（$2.90）夏天至愛的玩具，因為可以玩水，大熱天時特別消暑；膠劍仔（$3.10）雖然唔知有乜咁好玩，但一班小朋友圍埋一齊互片贏晒人地D劍仔會好有成就感；黃膠鴨（$3.70）好多人的沖涼恩物；鐵皮青蛙（$5）除了青蛙之外仲有隻鐵皮雞仔，會一路跳一路啄地。
除了這些之外，基爾印象中細個時仲擁有過幾架Tomica車仔和紅巴士、寶馬遙控車、回力車、積木砌圖、可以組成動物園大巡遊規模的塑膠動物公仔、豆槍、叮噹小露寶和Gundam黃金戰士機械人等等，後期當然還有些遊戲機，不過依家大部份都送晒畀人無再收藏了。講返今次套郵票，原來是採用了亮漆印刷效果，唔怪得咁有立體質感。最喜歡是那個鴨仔特別版郵戳，非常cutie！
香港玩具︰1940至1960年代
發行日期：2016年6月8日
發行日期：2016年6月8日
那些年童年玩具雖然簡單，但玩的人可以發揮無限創意，樂在其中！
回覆刪除我都係鍾意玩D有創意的玩具,好似無咁快玩厭
刪除自幼家貧無咩玩具架, 劍仔好似係阿哥家姐留低
回覆刪除以前玩具珍貴,好多都係阿哥家姐玩完傳比細佬妹再玩^^
刪除60年代? 冇奶油喎,我玩過嘅！
回覆刪除唔出奇喎我全部都玩過XXXXXD
刪除我細個通常都係玩車仔同膠劍，大個D就踢西瓜波了
回覆刪除對呀,以前好多都係成班人一齊玩的玩意,最大好處係唔駛點用錢都可以玩大半日XXXD
刪除我只係玩過膠鎚仔@@
回覆刪除今次我買左幾版鴨位收藏，哈哈~
我都估到你一定去買黃鴨,你係super fans^^
刪除呢個機會咁難得，唔知幾時先再有鴨仔啦>.<
刪除才剛剛出過應該都無咁快再出啦卦:P
刪除呵呵 ~ Sky 原來應是同你一個年代的^^
回覆刪除唔出奇喎XXD
刪除我比較深印象嘅係跳橡筋繩，椰菜娃娃，呼拉圈，仲有搖搖
回覆刪除橡筋繩和跳大繩都有玩,仲有拎支棍打果隻康樂棋
刪除搖搖成日會fing到自己好痛XXXD
仲有扭計骰和扭計蛇,好經典,都係汽水廠出品
我諗這些是更加早期的香港玩具，我一樣都未玩過。
回覆刪除咁細個時有冇玩煮飯仔?
刪除我見你廚藝好了得係咪自少訓練有數?^^
黃膠鴨仔果款郵票幾cute！
回覆刪除好多人都係特登買喱一張
刪除呢套郵票好似好搶手,想買去到郵局已經冇晒...
回覆刪除相信有些舊版的玩具,而家在舊攤檔仲可以搵到~~
可能因為集體回憶效應,通常喱類玩懷舊的題材都幾搶手,下次要預訂啦^^
刪除至少水槍一定有啦,不過就現代化好多射擊力強好多XXD
香港以前喺玩具生產世界前列
回覆刪除哩套郵票見證玩具王國時代的結束紀念，
我見過哩咐啲玩具，玩過下，無買亦無擁有。
對呀,話係四大工業之一,都幾犀㗎
刪除路霸兄好似都係從事玩具設計有關工作喎,我有冇記錯?
買這款郵票套摺好似有劍仔送！
回覆刪除我冇買套摺所以唔知呀,不過好似依家有D老牌士多都仲有得賣劍仔
刪除我係我fb都見有個香港朋友有買左~~真係幾靚~~~~~
回覆刪除當中你有玩過幾多樣?
樣樣都有玩過呀^^
刪除我地既兒童時代d玩具真係好玩~
刪除你會羨慕依家d小朋友既玩具嗎?
我又唔會羨慕依家小朋友喎,雖然係物資豐足啲多啲玩具,但佢地都無時間玩,好可憐呀~~~!!
刪除香港玩具系列，好正！
回覆刪除唔錯㗎
刪除我最喜歡黃鴨仔和玩具槍的設計。
刪除有冇沖涼時玩過?XXXD
刪除嘩!~童年時光盡回味!
回覆刪除集體回憶^^
刪除叮噹, 小露寶 <3
回覆刪除DS+DB可能唔知乜嘢係小露寶XXD
刪除^0^
刪除這款郵票，設計幾好！
回覆刪除小時候，比較少買玩具。但這些玩具都有玩過！
阿摩一定係比較早熟唔多玩玩具^^
刪除那時候家裏沒有甚麼多餘錢可以買玩具！
刪除依家自己搵到錢可以補償下囉hahaha...
刪除我見過哂,但係我只鍾意著衫紙公仔,仲係自畫自製添!
回覆刪除自畫自製夠晒創意,自己畫乜都得...
刪除咁細個時寫我的志願有冇寫過做fashion designer?
以前邊識 designer，當畫畫o者，寧願起間石屋仔，呢個願望唔知會唔會實現 lu！
刪除你唔記得我鍾意Lego ?
刪除Lego 係我賺錢後買俾自己，18歲前未識Lego .
刪除JJ果然係有鴻圖大志,細細個已經諗住做業主XXD
刪除記得呀,但好少見到你post啲得意傑作出嚟丫嘛:P
刪除lego以前係歐洲貨,好貴,要有錢人家先買得起
刪除業主!!!你又曲解 !
刪除有人生目標都唔錯丫XXD
刪除以前d玩意真多，我都好鍾意同紙公仔著衫換衫架! 常跳橡筋繩，少跳大繩。
回覆刪除後來玩搖搖，甚至“的得球”最刺激! 我玩“扭計骰”就唔多掂啦。
膠鎚仔打人唔痛又有聲，真係幾好玩!
到了砌樂高的時代，都可以砌出一隻大輪船。
紙衫公仔真係幾hit,勝在夠平又可以千變萬化
刪除的得球唔知係乜喎@@扭計骰我都唔多掂,通常都扭唔返還原XXD
細個無錢買lego咁hi-class,通常都係砌啲國產嘢,但砌城堡和宇宙飛船都ok,創作力十足XXD
“的得球”係繼“搖搖”之後出的一種玩意，都唔知邊個買番屋企? 搖搖只得一個容易玩啲。但係“的得球”係兩粒大的實心黃波波，要一手擰住相連嘅兩條繩，用力拋出去，使繩尾嘅兩球相撞，發出得得聲! 難度很高，但係我無師自通，玩得好好。
刪除初時練習嘅時候，打得隻手好痛! 後來用布包住手腕嚟練，就練得好好嘞。我家二佬都話唔好玩! 因為太多人打傷手，所以好快就冇得賣啦! 砌國產積木都幾好玩。打鐵片琴同埋玩小小的玩具琴，真係可以敲到一首短短嘅歌仔架。
lego 係親戚送嚟的。
你講起又有少少印象,好似係兩球相撞時好鬼嘈嘅XXXD
刪除玩具琴我都玩過,可以彈到首生日歌^^
哈! 原來基哥細時都玩過玩具琴，重彈到首生日歌，好嘢噃! ^0^
刪除**
123 4455 345 3423；123 4455 354 3421。
這首“快樂家庭”好易彈架咋。^-^
kakakakakaka.....好耐無見過喱種數字譜,我仲記得
刪除hahahahaha...細個嘅玩具琴係無高低音，只能彈這首。
刪除到咗小學畢業了，我儲錢在生日那天，買了一個較大的，就有高低音啦! 可以彈多些時代曲。
咁喱個咁有紀念價值嘅玩具琴有冇一值保留至今呢?
刪除因為爸媽搬了幾次家，所有玩具都不知不覺地不見了啦!
刪除嗚......嗚......想起就傷心!
無辦法啦唯有依家珍惜所有^^
刪除多年前所購的一具梧桐木所造的古箏，已經荒疏了。看來要從新去拜師學藝了。
刪除過去已不可追! 幾年前曾經送了一具兒童電子琴給一個單親家庭的孩子，希望給人帶來喜樂。
你以前學過有基礎,我諗練多啲好快可以上手返^^
刪除咁都幾有意義喎,至少個琴可以重新發揮到它的作用
以前我在生日所買的木琴，已經隨著搬家不見了。
刪除後來我買的兒童電子琴很大型，無暇去玩了，問到有人喜歡，就送了出去。是的，讓它重新發揮到它的作用。
有空練古箏時不妨又拍段片擺上blog^^
刪除已重新報名再學，未上課。不敢獻醜。
刪除重新出發,加油^^
刪除這些郵票好值得買喎 , 得閒攞出來看看以前玩過的玩具 , 真賞心樂事 !
回覆刪除有好多集體回憶^^
刪除喂喂, 睇完好興奮喎, 懷舊有共鳴呀 ^0^
回覆刪除膠鎚仔、幫公仔著衫、膠劍仔, 鐵皮青蛙印象中好細個時玩過
積木, lego, barbie呢幾樣嘅印象深刻好多, 係大少少時玩嘅
其實揀喱幾樣嘢應該都算幾經典呀,Venus老公應該都一定有玩過^^
刪除唔知會唔會繼續出埋其他幾個年代的玩具呢?
以前都有儲郵票,好耐無留意啦. 印象最深反而係膠劍仔
回覆刪除其實係似前跟本無乜玩具玩,而喱樣又平又襟玩,所以受歡迎囉,以前都係興一大班小朋友一齊玩集體遊戲,依家就多數在家打機
刪除所以多咗自閉
刪除wakakakaka....不過依家多咗聯群結隊出街捉精靈^^
刪除Gael,以前都有集郵,現在沒有了.
回覆刪除細個時有冇玩過喱啲玩具?^^
刪除