2017年12月12日 星期二

散策郵誌@哥本哈根:下

上次講開哥本哈根郵誌,因為驚寫得太長太冗氣會悶親街坊,咁一於分上下兩集。有時間想再望望基爾那些丹麥舊郵票可以click返去睇上集,如果唔係就繼續跟基爾行埋餘下的陳年行程吧!


可能由於時近萬聖節,超市有好多南瓜賣;行街街行到累,不能少的當然仲有去買件cake食下

行街之餘,為食基爾當然仲有去睇下超市和糕餅店之類有乜好野食。在丹麥買野最方便之處就係當地貨幣克朗匯價幾乎同港幣係1:1(上網check過好似依家仲係),買野就唔洗拎個電話出來計一餐咁煩!當年一個大南瓜都只係30蚊;普通一件蛋糕或麵包由幾蚊到十幾廿蚊都有,視乎餡料而定,如果買3-4件會平幾蚊!


四圍無聊行街街,見到喱架好香艷的粉紅色車,應該不是的士吧


舊城區的馬車遊,看來不太多遊客光顧,價錢相信都幾貴

唔記得上面喱度係咪近市政廳,有馬車畀遊客坐,10月中哥本哈根天氣已經幾凍(唔記得係咪大約十度八度左右),坐馬車遊舊城其實都幾食西北風不太好受,夏天暑假時可能生意會好一點。


舊城區都幾多野睇,很喜歡這種華麗的大噴泉

左上圖係咪歌劇院?如果有去過就話畀基爾知……唔記得係咪正值weekend喎!看照片中有唔少街頭表演添,望落好似都好熱鬧咁(這一part完全係零記憶,好似無去過咁)!


市政廳果個大廣場都幾靚,又有另一款大噴泉,造型似隻馬都幾特別

遊客去親歐洲城市,係咪多數都要去下市政廳大廣場度睇下?Check返google map睇返先知哥本哈根的皇宮、市政廳廣場同埋美人魚像仲有嘉士伯啤酒廠和新港等旅遊區其實都幾集中!街上仲見有雙層巴士,北歐城市當中係咪算少見?同埋印象中當地都幾鬼多人踩單車代步……


終於hea蕩到去Nyhavn新港運河

新港運河區好似都係去親哥本哈根必定會到此一遊的名勝,就好似去香港例必要去維港海邊打卡一樣。當年基爾見到運河邊那一列五顏六色七彩繽紛的丹麥屋都真係幾興奮,仲有專登走去睇下安徒生果間故居。


外貌像座古老莊園大宅的迪禾尼花園Tivoli建於1843年,是現存世上第二古老的主題樂園(好奇上網check下咁最古老第一位係邊度,原來都係在丹麥,位於Klampenborg有430幾年歷史的Bakken遊樂場)


由於臨近萬聖節,主題公園大門口加裝了節日裝飾插滿巫師掃帚,仲吊了大南瓜在拱門上


哥本哈根的中央火車站,本身也是幢宏偉的歷史建築


來到丹麥又點可以唔去睇美人魚像,睇完就要上大船過大海了

睇返D陳年老照片,其實當年基爾都仲幾年輕力壯,留在哥本哈根大約兩三日都行了不少地方喎!在外港的美人魚像當然不能不去,仲見唔少操國語人士爬上去同佢合照,認真嚇親(唔知點解喱個畫面又幾深刻,時至今日寫blog時仲記得)!

48 則留言:

  1. 我那次就是住在Tivoli附近的酒店,夜晚可以聽到D人玩的叫囂聲。

    回覆刪除
  2. 好香艷的粉紅色車,我諗起已故名人周啟邦先生伉儷,他們的粉紅色車和金色名車,很難忘那浪漫的粉紅色車。
    我都希望有機會到此一遊!

    回覆刪除
    回覆
    1. 記得有次電視台採訪周氏伉儷家居,他們也有個金馬桶,原來還有粉紅色車......這是個人喜好,只要他們enjoy就ok吧^^
      丹麥粉紅車睇返張相好似是model公司的廣告,唔知係咪呢?

      刪除
  3. 其實相片的好處,就係一睇就可以回憶返當時的情景…
    當地的餅店都有幾多蛋糕款式~

    回覆刪除
    回覆
    1. 森兄都講得啱呀,影像比文字可帶來更多回憶,所以森兄寫blog都要post多啲相^^
      糕餅面包我諗係佢地幾主要的糧食吧....

      刪除
    2. Gael兄言下之意…即係話森blog冇乜相睇啫……
      話明小品文梗係以文章為主~~

      刪除
    3. 咁間中post啲森作品都唔錯嘅^^

      刪除
  4. 粉紅色的車一般人好像很少買來開.

    回覆刪除
    回覆
    1. 唔知係咪廣告車呢?用粉紅色可以eye-catching一啲吧^^

      刪除
  5. 唔通著短袖T, 戴帽個位就係你??

    回覆刪除
    回覆
    1. 當然不是啦,咁凍......XXXD
      那是街頭表演者^^

      刪除
  6. 回覆
    1. 似唔似以前曲奇餅罐上面果個....^^

      刪除
  7. 雖然地方細細,但係有唔少值得睇嘅地方!

    回覆刪除
    回覆
    1. 都幾多歷史文化地方可以參觀,值得一遊呢^^

      刪除
  8. 北歐人都喜歡喝酒,我記得週末在哥本哈根行街,遇到酒鬼走來氣弄我們,不過,為免吃眼前虧,沒有和他們理論,走為上策。

    回覆刪除
    回覆
    1. 我諗歐洲人一般去飲幾杯都係日常聯誼活動吧!
      不過最好就唔好飲醉惹事生非啦,酒量淺唔太識飲果啲都係要有節制好一點!!
      遇上醉酒佬一定係走為上策啦^^

      刪除
  9. 唔知點解喱個畫面又幾深刻<--🤣
    好耐無睇過基爾寫遊記了,好開心~ 要記低佢呀!十年前的剩餘記憶都寫出嚟啦,唔寫會無埋了😅

    回覆刪除
    回覆
    1. 係啊銀哥心水清,真係好耐無外遊所以無乜新野寫囉:P
      睇返啲相都會記得一點一滴,有時一啲特別回憶會比較深刻吧^^

      刪除
    2. 你下一篇即講我係心水清嘅卜友,wakaka~
      一講,你就即去,又有遊記睇了~

      刪除
    3. 銀哥明顯係其中之一啦!XXXD
      我冇你地去咁多地方喎!:P

      刪除
  10. 唔少操國語人士
    爬上美人魚同佢.....

    回覆刪除
  11. 粗口恭喜你港姐有架深少少
    斜倚石欄頻悵望⋯⋯

    回覆刪除
    回覆
    1. 女仔揸都仲還可以,男人就會畀人笑似傻豹XXXD
      都唔係丫,心情都幾開心.....係凍少少啫wakakaka....

      刪除
  12. 好多人踩單車名環保
    依家可能唔上爬上去,騎上去^^

    回覆刪除
    回覆
    1. 咁我諗歐洲人環保意識係高好多嘅^^
      咁又唔知喎,係咪好似依家加咗個圍欄唔畀人爬上去?

      刪除
  13. 睇落啲cake好吸引喎,相信好好味道喇.

    回覆刪除
    回覆
    1. 歐洲人餅店整cake係咪通常有一手.....

      刪除
  14. 我回來了~~~~
    哥時去丹麥係自由行架?我都覺得我依家好老...好幾日日本行幾行就話好攰.....

    回覆刪除
    回覆
    1. 今次有無帶埋你支私家魔杖去影靚相^^
      喱次有點特別算叫做一半自由一半團咁囉:P
      不過日本勝在多野食,行街行到累咪去食下野歇下腳囉XXD

      刪除
  15. 見到美人魚啦:)
    去到點都要打一打卡~

    回覆刪除
    回覆
    1. 係呀果陣去到都有去睇^^
      熱門景點嘛!

      刪除
  16. 丹麥的美人魚像真係名揚國際,塑造的外形又確係幾靚。

    回覆刪除
  17. 2013年到過,看了你的相片,也勾起我一點點回憶!

    回覆刪除
  18. 是。
    另外blog 那張嘜頭相,也是在丹麥拍的。

    回覆刪除
    回覆
    1. 你講起我好似又有少少印象,在你fb/舊yahoo看過吧^^

      刪除