2018年3月2日 星期五

舊金山居閑話@Golden Gate:下

眨下眼過完新年又來到元宵佳節,相信好多blog友都忙住去花前月下有影皆雙……你冇乜節目?梗係唔信啦!無理由架喎,你幾好丫,點會無人……不過唔緊要啦!不如就跟基爾繼續行橋去。



上次行完橋面,今次繼續行埋橋底。橋底究竟有咩好行呢?梗係有啦!如果去到一定要記得去行下喎!睇上圖就知風景係靚得令人心動的級數。



唔知有冇人好似老餅基爾咁睇過希治閣的《迷魂記》(Vertigo, 1958),如果有就肯定對金門大橋底的尖兵堡(Fort Point)好有印象,因為當年女主角金露華(Kim Novak)就是由這裏海邊一躍跳入海中,男主角占士史釗活(James Stewart)無懼風高浪急即時飛身落海英雄救美,這幕希治閣經典場面令金門橋底的尖兵堡即時成了人氣景點,至今已逾半世紀。



至於Fort Point的歷史比這齣希治閣經典懸疑驚慄片還要早100年,最遠可追溯至19世紀美國的南北戰爭時代。這座由紅磚修築而成的古老城堡建於1862年,當時是防守三藩市峽灣區一帶的重要軍事堡壘。現時已改建為Fort Point National Historic Site博物館。



行完金門橋的Presidio要塞區之後,見天氣唔錯就繼續駕車過埋大橋,去到對岸的馬林岬角(Marin Headlands),從山上以另一角度觀賞這條深紅大橋。原來唔少識途旅人都會駕車來山上喱邊賞風景,就好似上太平山要去盧吉道走走一樣。這處觀景台停車場其實地方唔算太大,幸好沒有太多旅遊巴來這裏,否則條山路仔一定大塞車。



除了睇大橋和海灣風景之外,基爾發現仲可以睇埋山坡的岩石層。如果中學有讀過Geography的請舉手,記唔記得金門峽灣喱邊係位於乜野板塊?上圖山坡見到的沉積岩紋埋顯示千萬年前這裏原是位於太平洋海底的沉積岩,後來經過地殼變動才升出海面成為高山。



從這裏遠眺山坡下面,原來仲可以見到一處遠古的印第安遺址,聽說以前是印第安人的浴場云云,地點就位於一望無際兼浪濤洶湧的太平洋海岸邊。基爾突然醒起之前去秋田青森果度都有唔少海邊溫泉,望落同喱度真係有少少似曾相識之感!(有興趣可翻看:2Q12瀛遊東北@椿山

46 則留言:

  1. 講開海邊嘅溫泉浴場,我就諗起紐西蘭都有一個,個名叫做hot water beach。啲人會喺沙灘裏掘窿,待啲熱水湧出來,如果太熱就加些海水,咁就即時變成了私家浴缸!

    回覆刪除
    回覆
    1. 係喎紐西蘭都係地震帶,我諗都幾多溫泉區.....
      唔知會唔會有人在沙灘整溫泉蛋呢?

      刪除
    2. 咁我又唔知呀? 沖熱水浴就可以,溫泉蛋我諗就唔得....

      刪除
    3. Check過地圖原來都幾近Auckland喎!
      我無去過喱度,之前剩係去過Rotorua睇地熱噴泉.....

      刪除
  2. 回覆
    1. 唔知係咪特登保留果邊啲自然生態呢?

      刪除
  3. 不過個女主角背浮住等男主角救有啲搞笑 :P

    回覆刪除
    回覆
    1. 如果你有留意段片,可以發現由一九五幾年到依家,海邊果度風景竟然係無乜大改變,我覺得好神奇,有點時光倒流回到粵語長片年代咁^^
      如果在HK肯定早已填晒海起晒豪宅面目全非了:P

      刪除
    2. 香港都好難搵到啲天然風光做題材,周圍都係樓 @@

      刪除
    3. HK都係影樓最有特色啦,你見咁多人去海山樓就知...XXXD

      刪除
  4. gael兄寫blog都要諗埋開場白喎…
    第一幅相好靚,相信當中的美景很宏偉壯觀!!

    回覆刪除
    回覆
    1. 森兄果然有留意到,畀個叻你先....XXD
      如果有時間不妨留意埋電影片段,果度啲風景經歷了60年都沒太大改變,像時光倒流!

      刪除
  5. 迷魂記我睇左N次, 絕對係經典

    回覆刪除
  6. 嘩'金門橋.身處其中感受一定好興奮!

    回覆刪除
  7. 迷魂睇過但已經唔記得左,金門橋景色依舊。

    回覆刪除
    回覆
    1. 我覺得幾好睇㗎,又有好多五十年代三藩市靚景,好多部份是在那裏取景拍攝.....

      刪除
  8. 金門橋好少睇到橋底風光,基爾照顧週到呀!

    回覆刪除
    回覆
    1. 好彩你無打錯字,嚇得我丫...wakakakaka....

      刪除
  9. 咁記得套戲,點解唔跳下橋啫,雖則冇乜美等你救😏

    回覆刪除
  10. 我都係諗跳橋先。 最近無乜好劇,睇下舊戲先

    回覆刪除
    回覆
    1. 舊戲其實有好多經典電影都無睇過呢,可以當作新戲睇:P

      刪除
  11. 都有自知之明,口水多就分兩碟出,不過味道就...

    回覆刪除
    回覆
    1. 唔啱JJ口味呀?!
      咁我諗諗下次寫D食飽飯夜嗎嗎出去行個圈果類.....XXD

      刪除
  12. 第一張相好似係明信片見過.

    回覆刪除
  13. 元宵只有同香港來嘅朋友一齊食飯咋。

    回覆刪除
  14. 識睇一定睇橋底~咁樣睇仲靚~~
    我覺得係山上面睇都好靚!唔同味道~

    回覆刪除
    回覆
    1. 好似你去冰島咁,瀑布頂瀑布底都睇晒^^
      如果有時間都可以來這邊望下個遠景,都唔錯嘅,而且遊人少好多...

      刪除
  15. 睇戲見過,影得好壯觀,天氣好藍天配紅好搶眼

    回覆刪除
    回覆
    1. 年尾去係好天朗氣清,很充沛的加州陽光^^

      刪除
  16. 記唔記得金門峽灣喱邊係位於乜野板塊?---->如果是百萬富翁,呢條問題應該都至少值幾萬的,而我...會選擇拎錢走。=P

    回覆刪除
    回覆
    1. 以前讀Geography有讀過,如果無還到畀老師的話應該係太平洋板塊,太平洋板塊大部份也是在海底,只有美國西岸少部份是陸地,包括加州......多請小U的幾萬奬金先wakakakakaka....

      刪除
    2. 前題是我是陳啟泰扮的。

      刪除
    3. 小U明顯比陳生更有公信力啦.....^0^

      刪除
  17. 嘩!好好天呀!我當時去大霧到乜都睇唔到

    回覆刪除