2018年3月28日 星期三

舊金山居閑話@San Jose

來到異鄉這邊絕少機會出夜街,一來固然因為無車牌,二來住果邊附近都無乜夜蒲宵夜好去處(唔通去超市同7仔蒲咩),唯一係聖誕前某晚去了一趟San Jose,逛逛那個有點似年宵的Christmas in the Park!



基爾第一次來San Jose,看來這是個甚為熱鬧的城市,不說不知原來它位居全美城市排名中的第10位(按人口計),比第13位的三藩市還要高,在加州之中也是僅次於南部的LA和San Diego位列第三大城。唔知係咪因為近十幾年Silicon Valley的高速發展,令San Jose排名飆升?



雖然早已是夜幕低垂(在家食飽晚飯先出動),但來到市中心地區依然是車來車往,突然一輛電車就在面前飛馳而過,幾乎來不及按動手機快門。



找到駐車場泊好車,要先穿過幾條大街才來到上圖喱間位於市中心的Fairmont酒店。翻查資料才知原來這是個有逾百年歷史的老牌酒店(比希爾頓還要老牌),最早可以追溯到19世紀80年代。



酒店大堂除了很有古典味的裝潢外,臨近聖誕關係仲擺放了一大座很想咬一口的朱古力薑餅模型屋,前面還有張寫了「Please Don't Touch」的溫馨提示卡片,好彩唔係寫中文的!



酒店出面仲擺左個carousel,望落好似都幾多人排隊去玩,突然間覺得好有荔園feel(請不要問荔園係乜),唔知係咪特登為個Christmas market而設的期間限定呢?聖誕新年過後多數會搬走吧!



唔好以為只有MK先有桂林夜市,唔係講笑原來喱度一樣有,酒店外的大街就擺滿了小食車仔檔,唔知會唔會有咖喱豬皮豬紅蘿白魚蛋牛雜賣呢?



睇小販的面口應該大部份係墨西哥拉美裔人士吧(聽到D人講gracias)!所以如果要篤魚蛋牛雜就應該無行了,可能賣雞蛋仔waffle夾餅又或者taco果類車仔檔會唔會有多D機?不過上圖的熱狗檔就肯定係最多,天氣咁凍食個熱辣辣熱狗其實都幾暖笠笠,最重要係價錢也不貴。



唔好成日掛住食,快D行埋過去對面公園行陣先啦!嘩……真係成個公園都擺滿晒聖誕樹喎!基爾咁大個仔(or佬)都未見過咁密集的聖誕樹群,開眼界了(仲有少少睇到眼花)。



睇返佢網上official個網頁介紹,原來這個位於聖荷西市中心Plaza de Cesar Chavez Park的聖誕市集已經有成37年歷史云云,每年由Thanksgiving之後一直去到New Years Day,而且係Daily 9:00am-Midnight。(朝早來睇燈飾咁潮?)上圖是公園裏的表演舞台,有band show睇,不過基爾路經時剛好中場表演完D人散左水。



細心睇公園裏D聖誕樹裝飾分左做中學區和小學區,原來好多都有學校名,全部都係附近的中小學學生或社區組織負責設計,有點比賽味道。



除了有聖誕樹不可少之外,每個攤位仲有聖誕老人、鹿車、雪人、馬槽、耶穌聖母等公仔,有好多仲會有機動設計(公仔會識郁)。上圖喱個直情有個旋轉木馬添喎!



上面喱個仲堅,聖誕老人唔係坐鹿車,而係坐住架大龍船來派禮物(直情就係端午節果種龍舟),仲有好多綠色小矮人來幫手派,係咪好有氣勢。左下圖是售賣聖誕帽聖誕襪之類的攤檔。



話明係聖誕市集,仲有幾個聖誕老人出來搞下氣氛同遊人合照selfie一下,幾盞鬼!左下圖果間係聖誕老人屋,入面有個聖誕老人會同小朋友影相和傾偈,收益好似部份會撥捐慈善機構。



好似好耐都未試過咁夜仲係街蒲,臨走時都有D眼訓到眼矇矇,連張相都影到有點似夢迷離感覺!

40 則留言:

  1. 講開熱狗,我覺得美國人真係好捧場,有時我諗仲比漢堡包多人鍾意,知點解? 記得以前有一個熱狗名係叫yankee dog,即係個york字,就同Uncle Sam 代表us一樣!

    回覆刪除
    回覆
    1. 熱狗檔三文治pizza檔其實都幾多,佢地啲快餐文化都幾博大精深XXXD
      原來如此,係因為熱狗個名夠親切感吧^^

      刪除
  2. 咁gael兄有冇乘機掃街呀??食吓地道嘢…

    回覆刪除
    回覆
    1. 無呀,早知唔食飯早啲出去掃街啦XXXD

      刪除
  3. 火樹銀花,聖誕節的氣氛真係好!
    吃熱狗,我最怕醬汁唔啱口味,就難嚥了!

    回覆刪除
    回覆
    1. 番鬼地方聖誕都係幾熱鬧嘅^^
      唔好見佢係車仔檔,佢都有好幾種醬汁揀的呢

      刪除
  4. 聖誕節對佢地黎講係大節嘛, 一定多野睇

    回覆刪除
    回覆
    1. 所以點都要出去行下佢個聖誕market見識下囉^^

      刪除
  5. San Jose 住的是高質專業人士,依家SJ的樓價升要巴巴聲。不過住的是非白種人。

    回覆刪除
    回覆
    1. 我眼見就幾多日韓華裔人士住果邊

      刪除
  6. 回覆
    1. 無啊....因為果晚係食飽飯先出去行個圈咋:P

      刪除
  7. 肥人成日都覺得外國既聖誕氣氛係濃厚好多架!

    回覆刪除
    回覆
    1. 係㗎,美國人一般十一月尾thanksgiving已開始過節了^^

      刪除
  8. 喜歡過聖誕節的人去到就真係開心啦!

    回覆刪除
  9. 咁都幾熱熱鬧喎~我都無試過行呢d~~~(新加坡哥d唔算~)
    仲有咁多檔仔賣野食~~~~可惜你飽飽無試~~~~~

    回覆刪除
    回覆
    1. 有冇行過歐洲果啲?我諗都係好熱鬧的....
      齋睇下望下都開心嘅,食我就一般般啦^^

      刪除
  10. 題外話,其實你0係美國果時,有沒有槍傍身的?

    回覆刪除
    回覆
    1. 咁就梗係無啦,我又唔係去做實Q.....wakakakaka....

      刪除
  11. 這裡冇香港聖誕咁多人,但也算熱閙,氣氛剛剛好。

    回覆刪除
  12. 去一頭半個月探親先有人車你去
    係香港連夜街都冇得去

    回覆刪除
  13. 夜浦的金山阿伯,日頭去捧餐呀!kaka..

    回覆刪除
  14. 我喜歡美國的熱狗,可以自選醬汁。

    回覆刪除
    回覆
    1. 芥末醬和薄荷醬其實也挺不錯呢

      刪除
  15. 幾熱鬧!
    聖荷西……我想到一齣快將上映而我又想看的電影!

    回覆刪除
    回覆
    1. 是什麼類型的電影?
      咦~~~~咦!阿摩沒趁長假外遊呢?!

      刪除
  16. 係異國過聖誕感覺係唔同啲~
    見到咁多聖誕榭特別有feel~
    好正丫~

    回覆刪除
    回覆
    1. 感受下人地啲大節氣氛囉^^
      佢地有農場專種聖誕樹,好似我地過年前會有桃花場賣桃花年桔咁...

      刪除
  17. 外國聖誕節~感覺濃厚氣氛好多!

    回覆刪除
  18. 天寒地凍食凍野真是一流~
    個個寫咗咁耐blog全都變晒「佬」了🤣

    回覆刪除
    回覆
    1. 都有例外嘅,銀哥仲好青春無敵喎.....^0^

      刪除
  19. 唔知點解外國好多旋轉木馬,街上、商場、Market都有,但香港就愈來愈少

    回覆刪除
    回覆
    1. 係呀外國唔少小型遊樂場或者期間限定夏天果啲,好多時都有旋轉木馬,可能番鬼愛懷舊吧^^
      HK一來無咁大地方擺,二來我諗無乜人做維修所以越來越少見....

      刪除