一年容易又過了立冬，之前聽開New Age的舊碟不如又繼續聽埋之前提過一提的Enigma，總算感覺似增添了一點點冬日浪漫氣氛。不說不知這隊成立於上世紀九十年代的電子樂團最初原來是由一對夫婦組成，其後陸續有不同音樂人加入參與，過去已經出過七張專輯。
基爾不太清楚Enigma近年仲有冇出新碟或者開show，但相信他們已不太活躍於樂壇了吧！印象中之前買某些精選碟時好似有混雜了他們的作品，當中令人印象最深的相信就是他們初出道時一炮而紅的Sadeness，就連林憶蓮的愛上一個不回家的人之意亂情迷remix版也沿襲了其元素。
事實上樂團成員過往也參與過不少電影配樂（引用其樂曲的也非常多），他們的作品也因為不時滲進了chants或聖詩之類，所以特別有種濃濃的宗教色彩。在這張圖書館借來的精選碟中，基爾較喜歡的包括有Modern Crusaders和Return to Innocence，前者加入了中世紀布蘭詩歌的成份，中學有讀過History的話實記得crusaders的歷史；後者有印象以前曾是某航空公司的廣告歌，翻查資料時才知原來也是1996年美國阿特蘭大奧運會的開幕曲，唔怪得咁熟啦！
基爾其實對classical沒太多認識（平時也不常聽也沒有這方面的造詣），只知道不少歐洲古典樂章也汲取了宗教詩歌贊歌的元素，所以順帶也找來這張Simply the Best Classical Anthems來回味一下。話時話，完全忘記了當初點解會咁有taste買了這張CD，或許是當年尖沙嘴HMV執笠清貨大減價去掃貨時唔覺意買了吧！依家再仔細聽返原來都算是執到筍野喎！
在這雙CD合輯當中果然收錄了好多耳熟能詳一聽就知曉的星級古典樂章，例如包括相信人人都會聽過的貝多芬Symphony No.5及No.9；好有春天氣息的威爾第Allegro from Spring；柴可夫斯基的Scene from Swan Lake（立即想起了Natalie Portman的黑天鵝）；仲有Bizet的Overture from Carmen（不知為何以前電視台的遊戲節目或馬戲團經常用來做配樂）……其實間中聽聽classical當見識一下也不錯！
現在上網聽歌太方便，都好少買CD，你呢啲係珍藏。
回覆刪除依家其實都好難搵到間唱片店逛下XXD
刪除話時話我都好耐無買過唱片了,無乜值得花錢買:P
刪除珍藏，也是一份濃厚的情感。
回覆刪除有好多歲月的記憶吧^^
刪除平時出街就求其啲,屋企我都係鐘意聽CD多啲.
回覆刪除我都係,出街就多數聽電話啲歌就算,費事帶咁多立雜野:P
刪除貝多芬 ~ Symphony No.5及No.9；
回覆刪除威爾第 ~ Allegro from Spring；
柴可夫斯基 ~ Scene from Swan Lake
Natalie ~ Portman 黑天鵝
Bizet ~ Overture from Carmen
大夫~劉以達....XXD
刪除古典音樂...你尾段提到的人名我都係知貝多芬同柴可夫斯基咋。
回覆刪除春天和卡門也好耳熟能詳好經典,你一聽應該都會記得^^
刪除這些 all in one 的唱片，令classical music 普及化，很有幫助。
回覆刪除雜錦碟都幾好,可以有個初步的認識^^
刪除尖沙嘴HMV執笠清貨大減價時我都有份去掃貨！
回覆刪除以前四層高可以行足大半天都唔嫌悶XXXD
刪除同埋頂層(賣classical唱片)果條馬蹄形樓梯都好典雅,是唱片店的經典
我都有珍藏CD，不過珍藏左之後不再攞出來聽^_^反而上網歌多左，好方便﹗
回覆刪除都係,上網一click即聽好方便,search也容易不用逐隻碟去找^^
刪除十字軍東征我記得係借宗教名義去侵略
回覆刪除人類歷史都係充滿互相侵略:P
刪除1996年美國阿特蘭大奧運會>>奧運前一年，曾經陪家姐去揾工，印象好深！
回覆刪除好喜歡喜歡swan lake音樂，一聽到就開心。
在美國揾工？有冇做奧運義工？
刪除黑天鵝套戲有冇睇^^
佢當年畢業咁咪襯嗰度工作機會因奧運而多咗，所以一試囉。結果又真係搵到喎，但冇做到，因為喺LA有另一個offer。
刪除oic......多了工作選擇也不錯呢^^
刪除都係老歌好聽.
回覆刪除wakakaka....是經典歌XXD
刪除我覺得依家好難買碟喇!
回覆刪除澳門都好難搵..有都貴貴的..
但為了心愛的濕爬..我都係會買~
澳門一時間諗唔起邊度會有唱片店.....
刪除舊區果啲好似都有黑膠賣
賭場果邊商場會唔會有??
音樂，帶給人歡樂！
回覆刪除有治癒情緒作用!!
刪除話時話，好少去圖書館借CD聽~~
回覆刪除不妨去試下借,因為圖書館都收藏了不少舊CD,依家可能街外無得賣的
刪除不過先決條件是你仲有沒有CD機^^