2020年3月18日 星期三

遺忘的唱盤時光@Phil Collins

聽過一輪東洋殿堂級樂手的舊唱片後,又係時候轉轉口味,不如今次又聽返一些80年代的英倫風經典如何?



提起80's英倫樂壇的天王級歌手,除了即時會想起「大姑媽」Elton John又或者Eric Clapton、David Bowie、Sting之外,可能仲會記得Phil Collins這名字吧!至於這張Hits精選碟,翻查資料原來推出於1998年,而基爾這張金裝版應是2008年出品。



這系列的金裝復刻版CD當年應該幾受歡迎,除了Phil Collins之外,仲先後推出過Madonna、Bread、Peter Paul and Mary、Frank Sinatra、Eagles和Enya等經典的復刻精選碟,可能唔少「資深」樂迷blog友都買過當中一兩張收藏吧!



講返Phil Collins,基爾左思右想當年究竟係咩情況下識得去聽佢D歌咁有taste呢?諗了一輪才醒起可能係那些年讀中學時代興過一輪「聽歌學英文」,在學校的English Centre借過他的碟來聽點知一聽就上癮,後來仲去唱片舖買返他的CD來回味添。


這張金碟據聞當年銷量也頗驚人,而Phil Collins也是繼Paul McCartney和Michael Jackson之後,第3位全球唱片總銷量超越1億張的殿堂級歌手。而收錄在這張金CD當中的經典歌也是含金量十足,包括上面這首A Groovy Kind of Love(1990年柏林演唱會),仲有One More Night、Two Hearts、Another Day in Paradise、Do You Remember、In the Air Tonight、True Colours等都是曾經登上英美流行榜No.1金曲。


幾乎漏了基爾心水中的心水Against all Odds,上面特別找來Phil Collins在1985年倫敦溫布萊球場舉行的群星Live Aid(為非洲大饑荒籌款的16小時馬拉松式經典演唱會)演出片段。而Against all Odds本身也大有來頭,Phil Collins就憑這首來自電影《危情》的金曲問鼎過1984年度奧斯卡最佳電影原創歌曲獎(同屆競逐的還包括Ghostbusters和經典音樂劇Footloose,可惜最後都不敵《紅衣女郎》Stevie Wonder唱的I Just Called to Say I Love You)。


其後於1988年度奧斯卡頒獎禮,Phil Collins再憑《痴情大丈夫》(Buster)中的演出兼主唱Two Hearts爭奪小金人,卻又不敵《打工女郎》Carly Simon唱的Let the River Run而飲恨。最後,他終於要等到1999年度第72屆奧斯卡,始憑卡通片《泰山》中的You'll Be in My Heart成功捧走金像獎,總算達成了多年的心願吧!

76 則留言:

  1. 我都鍾意聽佢,但又未至於要擁有佢嘅碟。

    回覆刪除
    回覆
    1. 依家在HK搵間唱片店逛逛都不容易呢😅

      刪除
  2. Phip Collins, Elton John,Eric Clapton,老左的David Bowie和Sting我都鍾意。

    回覆刪除
  3. 我比較小聽英文歌,啲CD都係用來試HiFi多 :P

    回覆刪除
    回覆
    1. 依家好多歌手都話出hifi碟唔知D聲係咪靚D呢?

      刪除
  4. 佢嘅聲線好特別,另人印象深刻!

    回覆刪除
    回覆
    1. 係喎!
      你講開又真係以前果批歌星的聲線和風格都各有特色的...反而依家比較千篇一律!

      刪除
  5. 我熟悉的英文歌,比這些更舊的

    回覆刪除
  6. 英文歌好少買個人專輯,多數買些熱門雜錦歌,例如unchained melody, eternal flame等等
    Phil Collins只係識佢的經典another day in paradise

    回覆刪除
    回覆
    1. 這張金CD當年都幾經典收錄了好多佢的代表作所以都值得買下來
      那些年逛尖咀字母總店都經常搵到大減價筍碟呢!

      刪除
    2. 現在個個都要留在家中,聽返啲珍藏歌就啱晒!!
      疫情來到,gael兄唔好周圍去喇!!哈哈

      刪除
    3. 宅家中除了睇電視電腦手機打機之外都無乜其他特別娛樂吧!可能聽歌聽CD都唔算係太熱門的選擇了!
      其實我都好少周圍去
      除了返工才出門吧😅

      刪除
  7. 雖然我不是很熟悉這些歌手, 但你的分享我打開來听, 很好聽!
    感覺以前歌比現在好聽好多, 香港也一樣, 現在香港樂壇已死。

    回覆刪除
    回覆
    1. 這張CD幾好聽我間中都會拎出來重播^^
      香港樂壇要重回盛世年代不容易呢!

      刪除
  8. True colors 我反而記得 Cyndi Lauper 個版本

    回覆刪除
    回覆
    1. 哩首歌都幾多人重唱過同Without You有得揮😆

      刪除
  9. 聽下歌仔...咁又一日,有音樂陪伴時間會好過d

    回覆刪除
  10. 英國過去亦有很出色的樂隊與歌手, 例如~The Beatles.他們在1970年解散,其後有兩位仍然活躍在樂壇。覺得舊歌金曲很多都是很動聽,Carpenters兄妹樂隊,妹妹的嗓音很動人。她和Patti Page是不同的,當年的party多少人沉醉在:The Tennessee Waltz她的歌聲裡。男歌手有更多的代表作:
    Unchained Melody;Raindrops keep falling on my head...等等。

    回覆刪除
    回覆
    1. The Tennessee Waltz 是Patti Page所唱。

      刪除
    2. 談起經典金曲看來秋葉姨也頗多心水^^
      記得有空要分享下你的珍藏啊!
      Carpenters和披頭四之前在31台也有播關於他們的特輯節目不知秋葉姨有沒有看?另外還有介紹Bee Gees和ABBA的两集也好看,了解更多他們以前的威水歷史呢!
      不記得有没有買過Patti Page的碟,有空要去找找^^
      不過Tennessee Waltz就好多金曲精選碟都有收錄應該不少人也聽過吧!

      刪除
    3. 你說得不錯! 在很多的經典金曲裡,都有我很喜歡的歌曲。
      記得幾年前,我有在blog上載過一盒CD碟, 裡面有數十首金曲。不過現在youtube上聽歌都很方便,大多都有歌者的風姿可見。
      Patti Page除了上述的歌,她的“The doggie in the window”十分有趣。
      此外覺得Paul Anka很有才華,他十多歲便自編自唱了一首“Diana”因此一舉成名。The longest day 更膾炙人口,他的好歌很多,很多歌星的名曲都出自他的手筆。

      刪除
    4. Carpenters和“披頭四”鼎鼎有名,雖然他們己失去另一半的成員,但是當年成就輝煌,久不久就會有電視台介紹,可是我沒有看到。

      刪除
    5. 這輯介紹外國樂壇巨星的紀錄片幾精彩
      不知港台星期六或日会否重播不妨留意下^^

      刪除
    6. 你說得對!
      依家有纲上聽歌確實方便好多了
      至少不用花時間慢慢在唱片店逐張揀
      只要在纲上打上歌名就輕易找到想聽就聽
      仲有MV可看實在方便^^
      Paul Anka的Diana也很經典
      也因為這歌買了他的CD,認識更多他的舊歌!

      刪除
    7. 據說“Diana”是Paul Anka在十多歲時,寫給一個暗戀的女孩子的成名作。他還有一首“Cinderella”也是寫給一個女孩子的,也很熱門。
      在他的 21 Golden Hits 裡:Put Your Head On My Shoulder; Tonight My Love, Tonight;My Home Town;還有The Longest Day 都是很動聽的歌曲,令人百聽不厭。

      刪除
    8. 現在Paul Anka 已經年紀老大,但仍然到處義唱,積德行善。隨時都可以編唱一首歌曲出來,十分了得。

      刪除
    9. 聽你娓娓道來確實有點想再找找他的唱片來重聽^^
      我記得好耐以前也有買過他的精選碟...
      你上面說的幾首名作我也有點印象呢!
      看看這个周末有多點空閑時間就可聽下
      隨時可編歌我之前也聽說過
      以前一輩的歌手可能跑慣江湖四處登台演出
      不少也有這種天才本領呢!

      刪除
    10. 原來也有不少人都懂得在台上隨時編歌來唱的嗎 ? 有咁多 ?
      我只聽過台灣的張帝~隨口可以唱一首臨時編的歌;也聽說過Paul Anka也有這種本領。還未聽過有第三位喎。

      刪除
    11. 我記唔到歌名, 你講完又有印象 ^^

      刪除
    12. 秋葉姨:係呀之前看電視台的懷舊金曲節目也聽過張帝即席表演,好犀利!
      我意思係以前唱慣酒廊歌廳的前輩歌手,每晚都有唔同客人點唱,所以真係中英日西意文歌甚至大戲都要識少少先賺到錢養家!!

      刪除
    13. 小月:我好多時都係咁,聽到旋律自然會醒起首歌,之後先再慢慢去搵:P

      刪除
    14. 基哥好 ! 其實一個有作曲寫歌經驗的創作歌手,即席唱作一首歌不太難。但在一般歌手來說,都是一件不太容易的事。
      聽過張帝現場唱的即席歌,主要是在歌詞最後的一個字來押韻。
      其實可以在家先預設大概的歌詞,到時在現場加一些即景的內容也可以的,主要都是有些新意,博得觀眾開心吧了。

      刪除
    15. 小月好 ! 其實歌名是不難記的,歌名大都是在一首歌詞裡面。歌者都會反反覆覆地唱出那些句子,於是就把這個句子拿來作歌名吧了。
      反而覺得近代的流行曲,很多都好像夢囈一樣,我感覺得印象沒有那麼深刻。

      刪除
    16. 我諗如果是國語確實是比較容易
      廣東話有九聲要啱音協韻就一定容易
      林敏驄以前有時有些搞笑改編歌純搞笑也有趣考急材!
      可能每個時代有不同流行元素吧
      如果叫巴赫莫札特來聽流行曲可能也是像夢囈😅

      刪除
    17. 聽古典音樂,或是在歌劇院表演的聲樂歌手,是另外一個層次,不可同日而語。貝多芬的《命運》交響曲,和《田園》交響曲都很動聽,前者激昂後者溫柔,不會令人悶倒。莫華倫的男高音也很醒神。
      差點忘了林敏聰這個音樂人,他的急才和應變才能真是很了得! 可惜他沒有再發展。

      刪除
    18. 古典音樂我就無乜研究😅
      秋葉姨有空就多多分享下吧
      林敏驄我諗依家都無乜再寫歌了

      刪除
  11. 最愛呢d舊歌, 我唔知phil collins 有過幕前演出, 揾返出來睇先.

    回覆刪除
    回覆
    1. 不過我都唔明點解宜家d 歌做唔到以前咁紅

      刪除
    2. 我都唔知!
      都係上纲找資料時才知呢!
      畢竟現在娛樂模式多样化,可能真的有時間認真聽歌的已不多吧!

      刪除
    3. 其實新一輩歌手係咪都已經好少出碟?
      好多時就在纲上發表就算
      不用再出實體CD

      刪除
    4. 係少咗出碟, 不過好聽既新歌好似無乜

      刪除
    5. 編曲大部份都一式一樣所以没有太多可留下深刻印象吧!
      有時間中有些改編歌都幾好
      至少可帶來新意^^

      刪除
  12. 只聽過佢幾首大熱作品而已

    回覆刪除
  13. 呢啲歌真係百聽不厭,其實我細個時都無聽外語歌習慣,但去到美國生活,“外語”忽然變成日常用語,就多咗機會接觸到。:)

    回覆刪除
    回覆
    1. 係喎你比較近美國可能留意到更多英美新歌
      有空寫D介紹我聽下喎!

      刪除
    2. 最近少了出街行街聚餐之類
      會唔會多了留在家煲劇或者聽下CD呢?

      刪除
  14. 香港電台第二台8點成日都播英文老歌.

    回覆刪除
    回覆
    1. 有聽呀!恬淡情懷丫嘛^^
      五晚唔同主持介紹的舊歌各有風格
      由此都可認識不少老牌歌手呢

      刪除
    2. 如果想聽新D果类英文歌
      就多數要聽周六的数榜節目吧!

      刪除
  15. 聽英文歌,另一個得意地方是會發覺原來以前不少中文歌都是來來自英文原曲的,不過換上新中文歌詞。

    回覆刪除
    回覆
    1. 八十年代都好多改編歌
      以前出好多Favourites in Original果類精選碟呢!

      刪除
  16. 我都係中學時候聽英文歌多~
    依家比較少聽~

    回覆刪除
    回覆
    1. 英文金曲都係聽阿媽哥D多~

      刪除
    2. 依家集中聽湿扒已花了不少時間呢^^
      其實舊歌我都係當新歌聽
      有時甚至比好多依家的新歌更有新意XXD

      刪除
  17. 肥人未出世呀...無事我返出去先啦..哈哈!!

    呢排肥人HOME OFFICE, 都搵番哥哥既歌出黎聽下...舊歌真係百聽不厭呢~

    回覆刪除
    回覆
    1. 唔緊要啦當新歌聽聽也不錯的
      又唔係叫你唱唔洗咁驚喎XXXD
      在家工作一路聽住歌都愜意輕鬆的!

      刪除
  18. 全部都唔識答唔到嘴@@
    賣到一億張唱片真係好誇張@@

    回覆刪除
    回覆
    1. 都係好耐好耐以前的歷史故事了....XXD
      所以昔日的唱片公司成行成市可以養活好多家庭

      刪除
  19. 地球停擺...
    讓大家有時間...
    在家裏整理舊物...
    聼聼舊歌...

    回覆刪除
    回覆
    1. 希望你唔會受好大影響
      依家有冇home office呢?
      家裏聽歌其實都幾relax,平時未必有這份閒情吧.....^^

      刪除
  20. 即刻有改編 ^^
    https://www.youtube.com/watch?v=ct0mFDnQg6E

    回覆刪除
    回覆
    1. 幾得意喎!!
      變成抗疫歌,一定流行人人識唱^^

      刪除
    2. 越來越多
      https://www.youtube.com/watch?v=nmUXntGlqFI

      刪除
    3. 二次創作應會越來越多吧!

      刪除
  21. 回覆
    1. 當年應該都几多人買了這CD
      事實上都好聽又抵買!

      刪除