2020年4月8日 星期三

蕉坑獅子會:下@西貢

上回逛了獅子會自然教育中心的前半part(為免篇幅大長就分上下集吧),今回繼續寫埋下半場看看園內仲有咩特別野睇下!



4:28pm │ 另一處最想去睇睇的仲有這個Lotus Pond,之前看blog友的網誌也會經常來逛逛,最初走來走去都找不到,後來才知原來是在茶室後面,都幾隱閉喎!



4:29pm │ 冬天來到荷花池邊,其實都預了沒什麼睇頭吧!不過這個荷塘的環境感覺確係幾天然,不似市區公園那類咁人工化。如果初夏再來獅子會一遊,要記得來這荷塘賞花。



4:32pm │ 之後再迤行返出去茶座外面的花圃,見有工作人員在摘楊桃樹;另外仲見到不太常見的貓鬚草,還有在花墟也見過的狐尾天冬。



4:36pm │ 唔浪費時間了!火速走返過去自然教育中心那邊,因為想去看看上圖這間漁館展廳。



4:37pm │ 漁館入面就長這樣……主要介紹本地漁業的發展,基爾比較有興趣看看香港水域一帶會有咩海洋生物棲息呢?



4:38pm │ 這隻大海龜的標本好栩栩如生!展廳本身的設計其實都幾colourful幾靚,資料亦頗豐富(可惜沒太多時間逐一仔細睇),不過可能因為快要關館所以遊人也不多,好似成了專為基爾開放的私人展館咁!



4:43pm │ 趁佢仲未熄燈閂冷氣「拉閘放狗」,又去睇下館裏收藏的珊瑚化石先,展櫃設計得靚喎!



4:45pm │ 另外再去看看關於漁業發展的模型,其中的漁船模型真係做得幾靚,似去了模型店參觀咁。



4:47pm │ 漁館隔籬這間地質化石展館同樣未閂門,一於又入去八一八。入面同樣靜蠅蠅無乜人,最搶眼的是展櫃內的這條娃娃魚化石。



4:49pm │ 其他仲有一些古生物的化石可看,這裏其實還有不少西貢附近地質公園的簡介,睇完展覽還可即時搭返車出去實地視察也無妨。



4:51pm │ 見有人入去貝殼館,咁基爾又跟埋入去參觀。大門口有石油公司標誌,可能係有份出錢建館吧!



4:52pm │ 貝殼館入面就長這樣!有好多唔同展檯分門別類咁展示出各類型貝殼,一時間可能會睇到眼花咁多……



4:53pm │ 貝殼類動物會唔會係全世界最多唔同品種的生物?真係唔同大細唔同咩花款都有,上圖這款叫日本旋梯螺的品種又幾特別喎!



4:54pm │ 除了品種多到睇唔晒之外,值得一讚是展櫃的佈置擺設亦頗見心思,完全唔會覺得亂糟糟。



4:55pm │ 比恐龍年代還要早出現的鸚鵡螺原來都幾大隻,這裏展出的貝殼全部都好完整,有些表面花紋還保持得好鮮艷光滑亮麗。



4:57pm │ 看到扇貝,不其然會想起粉絲蒸帶子(又掛住食?咁快肚餓了?)……這裏見到的都沒有崩崩裂裂的貨色,應該不是隨意在海灘邊或酒家廚房後欄拾回來的。



5:35pm │ 睇完貝殼館出來,差不多全部展館都陸續閂門了,為免阻人收工還是走吧!因為懶行,所以選擇搭小巴返去西貢市集,準備吃了晚飯才回家(西貢勝在食肆選擇多)



5:38pm │ 這間旺泰之前都食過幾次(重溫),每次來西貢如果食埋dinner先走通常都係幫趁佢,假日來到經常都其門如市非常墟陷,所以這天也不敢怠慢早早來食頭圍唔駛等位。上圖是例必會order的泰式拼盤。



5:57pm │ 另外仲簡單叫了幾味,包括有泰式燒雞翼、柚子沙律和海南雞飯,全部都不錯吃也不太辣,埋單約三百蚊左右也不太貴;美中不足是座位較逼,假日客太多要自己去斟水,食飽了也要即走以免阻住下檯客。



6:45pm │ 通常假日傍晚五六點都係西貢巴士站的人潮高峰期,為免同人逼車還是繼續四圍逛多陣夜街先返歸吧!行行下行到滿記,咁一於食埋甜品啦!基爾通常喜歡吃芝麻糊,這碗黑芝麻糊黑糯米($32)是冬日甜品心水之選。另外還叫了杏仁蛋白($40)和榴槤班戟(二件$36),基爾試了一啖杏仁蛋白也不錯吃。



7:01pm │ 另外店裏還有見佢張貼了綠豆仙草芋圓($42)的海報(有點台式風味,不知是否期間限定),初頭以為好大碗但原來只有普通飯碗size,確有點失望。埋單計齊頭百五蚊,今時今日食個甜品都不便宜了!

54 則留言:

  1. 我記得細個去大陸嘅街市見過娃娃魚,但我一直都唔肯定堅定流因唔知街市檔販有冇呃我地。^^”

    原來西貢除咗海鮮,泰國菜都咁正架,好鬼想食呀!

    回覆刪除
    回覆
    1. 我都好似唔知去海洋公園定其他博物館之類見過活生生的娃娃魚,感覺似是有腳的魚頗有趣
      除了九龍城原來西貢也有不少地道泰菜食肆

      刪除
  2. 回覆
    1. 如果閒日去没太多遊人也算愜意!

      刪除
  3. 荷花池到花期會有不少龍友拍攝和寫生的畫友。

    回覆刪除
    回覆
    1. 原來如此!
      咁到時一定好熱鬧呢

      刪除
  4. 果個荷花池,舊年都無咩荷花,真係讓人失望,今年唔知會唔會種返!

    回覆刪除
    回覆
    1. 如果多D荷花会比較有睇頭吧
      之前見你影志蓮果D也很清雅

      刪除
  5. 西貢的泰菜不錯,價格也合理,不過,甜品就太貴,好少幫襯。
    上星期行荷花池已經清理乾淨,希望今年花會長得好!

    回覆刪除
    回覆
    1. 泰菜那間也不錯
      唯一係假日去到要等位
      坐位也較逼不太好坐
      食飽就立即要走不能慢慢坐
      對!甜品有點貴呀!
      我看你blog也有寫,希望今年荷花开得燦爛D

      刪除
  6. oooo... 乜原來西貢有個咁正嘅公園吖~
    突然想食西貢嘅菠蘿包添

    回覆刪除
    回覆
    1. 係呀如有時間入開西貢也不妨去走走享受閒情
      係咪真用菠蘿整果隻?

      刪除
    2. har... 有用真菠蘿整嘅?邊間?
      我食個間都系一般菠蘿包,但個菠蘿皮真系好酥脆 (亦都唔平)

      刪除
    3. 好似之前有見人地介紹過但我唔記得邊度😅
      菠蘿包我没特別偏愛但知好多人都愛吃呢

      刪除
  7. 回覆
    1. 有!因為議會中仲有功能組別...

      刪除
  8. 閒遊以甜品作結,身心俱滿足!😊

    回覆刪除
  9. 地方好清靜,有好多野睇。 我哋真係錯過左好多好地方。

    回覆刪除
  10. 我以前學影相成日去獅子會影相,這幾年對影相興趣大減,因器材太重,很久都沒去獅子會啦,西貢好多食店,泰國嘢都吾錯喎,不過疫情嚴重,好多地方都去得,唯有睇大家分享。

    回覆刪除
    回覆
    1. 對!那裡戶外地方大很有點外遊feel所以都幾適合影相有好多打卡位如喜歡攝影確不錯
      依家攝影器材先進有些手機拍攝效果也不錯
      我很多時懶都很少用相機了
      影相就隨心隨意吧!有時反而會有驚喜

      刪除
  11. 有d咁嘅地方,我去西貢咁多次都唔知,下次去一定要去埋睇下^^

    回覆刪除
    回覆
    1. 由市中心慢行過去約半個鐘左右
      厘邊好似冇咁多人
      碼頭邊就非常人山人海😅

      刪除
  12. 以前同事喺波菠蘿輋住就經常去玩,自從無做份工好耐都無去過西貢...

    回覆刪除
    回覆
    1. 依家無飛機搭咁唯有去郊外走走吧^^

      刪除
  13. 我都好懷念以前西貢食肆的食物。現在一個人都好少周圍去了。
    凡是近海的地方,都多見有貝殼賣。在長洲大街、基隆的九份老街、泰國的shopping mall都有可觀的具殼可以買到。顏色這麼鮮艷,真懷疑是否上了色 ?

    回覆刪除
    回覆
    1. 待疫情過去後也不妨到郊外走走
      長洲我也見有不少貝殼賣但我估多數是外来貨
      博物館裏陳列的我估應不是人工上色吧

      刪除
  14. 這類天氣不冷不熱,郊遊過後食少少東西也相當寫意…

    回覆刪除
    回覆
    1. 復活节長假期以往都是外遊高峰期
      今年算是很特別的一年了人人宅在家最安全呢

      刪除
    2. 今年可能真係少了空氣污染所以多D机会看到藍天白雲天气也涼非常怡人

      刪除
  15. 地質化石展館,我之前到獅子會時應該錯過咗呀。

    回覆刪除
    回覆
    1. 遲啲不妨去逛逛
      之後再去東壩看六角柱石

      刪除
    2. 展館好似五点閂門要看要早一点去

      刪除
  16. 都幾多野睇喎~~
    我依家都好想食泰國野~~

    回覆刪除
    回覆
    1. 唔錯啦一場去到順便逛下^^
      係咪你果邊D食肆都冇開?

      刪除
    2. 你果邊疫情较平穩唔知會唔會快D解封
      到時可多D出街食下野

      刪除
  17. 荷花池,魚館展廳,貝殼館,化石展館,出乎意料多野睇!要慢慢磨都可以喎~

    回覆刪除
    回覆
    1. 那裡有很广闊的戶外空間農地
      也有不少展覽館應該大人小朋友也適合遊逛吧!
      可以夠hea大半天也沒問題啦^^

      刪除
  18. 獅子會都幾多野睇~
    GEAL真識食,由日頭食到夜晚~

    回覆刪除
    回覆
    1. 復活節長假有冇出去行下山^^
      之前未有疫情前就會多D出街食嘢
      依家就極少啦!

      刪除
    2. 好耐冇行山啦,哈哈~
      而且早兩日要返工:(

      刪除
    3. 看新聞話龍脊也塞人呢
      若太多人墟冚也有点掃興吧

      刪除
  19. 大門口有石油公司標誌,可能係有份出錢建館吧!<-- 貝殼石油贊助返貝殼館幾得意喎🤣

    回覆刪除
    回覆
    1. 石油公司同馬會資金充足很多時會有好多慈善贊助吧!

      刪除
  20. 早2日去西貢滿記已經覺得無咁好食了

    回覆刪除
    回覆
    1. 同埋其實都几貴
      也有好多其他選擇吧!

      刪除