時代廣場高達現身@銅鑼灣

在家吽了好一段日子，喱日要過海辦點私務，順便也來到銅鑼灣看看「巨型高達」。

基爾由細個到依家都唔算係「高達迷」，所以向來都搞唔清佢地D「人物關係圖」，紅色果個到底係乜水？



現場睇喱個巨型高達又真係幾型架，唔怪得雖然天氣麻麻地，依然吸引唔少細路同大細路來影相。



可能正值動漫電玩展期，唔少人去完會展都會來這裏「朝拜」高達。二樓大堂仲有好多Q版和絕版野展出，部份相信都幾「價值連城」吧！



基爾印象中無乜睇過高達，但就記得某年生日收過一張高達poster做禮物，貼左足足十年八載到搬屋時才掉了。



凝聚了咁大班高達fans，展商當然唔會白白錯失商機，旁邊仲開了個賣模型的counter，果然吸引唔少人排隊掃貨。



回家途中經過觀塘，當然要去睇睇里奧的畫展。雖然之前已在fb看過這一系列大作，不過睇到真實作品才感受到其懾人神采，尤其喜歡游水這幅的水態和眼神！