珍郵庫@地道食品

記憶中以往用中外食品為題材發行的郵票好似不太多，今次喱套港馬地道食品看來都幾特別，就預訂了這套小全張連首日封。

到底選了什麼「地道食品」？香港咁多好野食真係好難決擇，今次套郵票則選了雞蛋仔（$1.7）和盆菜（$3.7）。其實喱兩樣野基爾都好少食，雞蛋仔今時今日好多都要成十幾蚊一底仲要係多數麻麻地好食；至於盆菜就更加係搵笨又肥膩，大時節偶一為之尚可，長期食一定唔得掂！



至於大馬由於基爾從來都未去過真係唔太清楚有乜地道美食，香港的星馬菜館也不多幫襯，但對椰漿飯（$2.9）和沙嗲（$5）也不是完全陌生，沙嗲串燒好睇醬料調配和是否新鮮烤熱出爐，個人對椰香味菜式則沒太大偏好……另一樣要讚係個郵戳的設計，筷子叉匙碟齊備，簡約得來又有心思！同埋唔講真係唔知，原來大馬國花是大紅花呢！

中國香港－馬來西亞聯合發行：地道食品
發行日期：2014年10月9日