2015年2月14日 星期六

2014古都瀟瀟@別了鷺城

在西之丸行完一大輪之後,穿過羅之門和哈之門後就進入了本丸建築群範圍,比較可惜是本丸裏大部份地方仍列作維修範圍,遊客「立入禁止」。



進入本丸後,基爾才真正感受到姬路城除了外表靚之外,實質上也是一座固若金湯的城池,城裏分別設置伊、羅、哈、尼4重窄小的關卡城門,部份通道幾乎只夠一人走過,來往的扇坡斜道旁佈滿可供放冷箭和發射火槍的圓形三角形的狹間和投石機關。



再加上迂迴曲折、複雜巧妙的孔道和秘道設計,一般外來入侵的敵軍要過關斬將一路攻上大天守閣,真可說是難比登天,所以被稱為日本最易守難攻的城堡。



基爾遊走在天守閣附近如迷宮一樣的甬道四圍影相,不知不覺間似乎有點蕩失路,與友人也失散了,只好守候在城門口呆等,再會合離開吧!無聊間發現身旁有張大poster,寫住姬路城將於2015.3.27維修竣工正式全面重開,據聞到時日夜都有大型慶祝活動,加上又適逢是賞櫻旺季,到時遊人一定勁多,有興趣去趁熱鬧不妨拿拿林book定機票啦!



此外,仲有喱張比較特別的超巨型姬路城馬塞克海報,行近少少一睇才發現原來係用一幀幀日夜明暗不同的姬路城小照片拼砌而成,有心思得來又要好有心機呢!



沿櫻門橋出口離開前,再次在護城河上影張相先。如果時間充裕又唔太凍的話,真的很想圍繞古城和城濠散步走一圈,可惜這地球上應該唔會有太多人肯陪基爾做這種傻事吧……

36 則留言:

  1. 回覆
    1. Samwei:姬路城日夜和四季景色全部都喺齊度啦^^

      刪除
  2. 有心思得來又要好有心機<< 邊使心機架, 你去search "Photo Mosaic"有大把software啦.

    回覆刪除
    回覆
    1. 王子:我唔識喎,都係王子醒啲kakakaka...

      刪除
  3. 不得不讚日本對文化古蹟的保育!!

    回覆刪除
    回覆
    1. Wan:日本的木建築一般都保養得比中國好,歷史也更悠久

      刪除
  4. 〝超巨型姬路城馬塞克海報〞很吸引!

    回覆刪除
    回覆
    1. Stella:要離遠先睇到砌出來是姬路城^^

      刪除
  5. 馬塞克海報睇到眼都花埋 (@_@)
    個古城甘靚,换做係我,即使落雨我唸我都會去繞一圈... 還定在朋友眼中我就係個怪人 LOL

    回覆刪除
    回覆
    1. Joice:哈哈哈.....有冇咁誇張XXD
      喱度好值得繞護城河走一圈,如果櫻花季節來一定好靚!!!
      不過前年去名古屋城試過繞半城已經畀人鬧,所以今次唔敢了!!!

      刪除
  6. 馬塞克海報,好靚!
    我一定會繞城走一圈,反正都來了!
    終於有張可看清樣子的相片!

    回覆刪除
    回覆
    1. 摩:唔好意思,有冇嚇親阿摩XXD
      咦!咁證明我与摩係來自同一星球的人hehehe....

      刪除
  7. 中國只會對有錢賺的古蹟作保留和維修,但公德心和教育問題,維修完又被人破壞。我在熊本城內一個垃圾箱都找不到,但地下一件垃圾都沒有,所以為什麼日本的木建築一般都保養得比中國好,以上是小弟的睇法

    回覆刪除
    回覆
    1. King:係呀日本人已經進化到唔會立亂在街掉垃圾,一定會拎返家中才掉,非常環保,香港都想学但必須先大大提升公民公德和環保意識!!!

      刪除
  8. 日本啲古蹟不多,
    二戰時被盟軍炸到平,
    好多古蹟都好似德國,都喺重建。
    真蹟㺭少,哩個都算其一。

    回覆刪除
    回覆
    1. 霸:係呀軍事重鎮好多都炸晒,大阪城都係戰後重建之一,姬路避過戰火災劫算神蹟了!!!

      刪除
  9. 超巨型姬路城馬塞克海報好有心思!
    肯陪基爾圍繞古城和城濠散步走一圈?我覺得您一定有,祇不過唔岀鏡囉,哈哈哈......

    回覆刪除
    回覆
    1. 說:真係無喎,鏡頭前鏡頭後都無!!!:P

      刪除
  10. 好介紹呢,有機會都想去行下呀!

    回覆刪除
    回覆
    1. Lucamom:計劃下今年暑假一家大小去玩返轉,又可以趁日圓抵去shopping下囉^^

      刪除
  11. 走一圈....嘩~~好大範圍呀!!踩單車就得^^

    回覆刪除
    回覆
    1. Yans:Good idea~~~!!如果有單車我都想租下,方便好多呢

      刪除
  12. 咁佢有冇廣播,話咩咩小朋友走失...快啲來入口處搵佢啦...哈哈哈
    張大poster唔怕日曬雨淋咩??
    只要Gael兄一聲令下, 相信有不少人願意陪Gael兄行一轉嘅~~

    回覆刪除
    回覆
    1. 森:咁又無喎~~~~不過說實話,其實我觀察到日本的小朋友,不論是三四歲還是八九孩,一般都非常乖,非常有教養,絕少見到會在街上四圍亂跑,又或者扭計摞地撒驕大哭大鬧之類,在食肆見到啲小朋友都好乖懂得靜靜自己食,唔會只識吵鬧惹人煩厭,真係乖到不得了,可能日本人對教育小孩子真的有一套好方法,令小朋友自細已經好識禮教,好明顯在起跑線上已遠遠拋離好多寵慣了的大陸和香港小朋友!!!!
      唔驚啩,我見佢都無乜褪色喎,可能定期佢地會換幀新的吧?!!
      我邊有森兄咁有power丫~~~!!!:P

      刪除
    2. 香港家長通常著重知識多於操行,往往都好忽略教養...其實在311事件後,世界都睇得到日本人嗰份臨危不亂的精神,我諗佢地知道由細培養到大對個人修養的重要~~
      邊有森兄咁有power丫......唔知gael兄何以見得呢?!!走一圈唔好講到好傻咁啦...有心去到嘅人相信都唔介意,當欣賞下沿途風景啫!!!

      刪除
    3. 森:日本人自細就訓練災難應變有數了,一般都好講求紀律,至少在眾目睽睽下都極注重儀表修養,絕少會失禮於人前hahahaha!!!
      我都覺得近年在傳媒的吹捧下,香港的家長大多都過份催逼小朋友學乜學物琴棋書畫要樣樣識,無時無刻都怕會蝕底落後於人的心態實在過了火~~~~~反而有時更重要的品德教育和待人處世態度就完全漠視了,其實這些才是他們能一生受用的寶貴東西呢!!!
      我都同意,所以找到合適的「旅行腳」是不容易的呢^^

      刪除
  13. 回覆
    1. MD:驚咩?你意思係話驚走失?唔驚架喎,因為只有一個出入口所以一定可以會合返嘅^^

      刪除
  14. 姬路城馬塞克海報真係幾靚喎!!!好得意~唔知我6月去哥時有無機會睇到呢~~~
    預祝你新年快樂~你和家人都身體健康呀~

    回覆刪除
    回覆
    1. Tiffany:佢地3月底会有重開大典,唔知到時会否保留喱幀馬塞克,定還是会有新展品呢?!
      我也祝你身體健康日日有食神^^

      刪除
  15. 回覆
    1. Kamchoa:日本人嘅design有返咁上下水準㗎^^

      刪除
  16. 我會架! 係克羅地亞古城我都行足城牆,而可惜大陸襄陽古城及西安古城牆就只開放一部份,無得行晒⋯

    回覆刪除
    回覆
    1. 西安襄陽克羅地亞我都未去過,好想去睇下呢^^

      刪除
  17. 如果春秋間黎呢度, 都應該會好靚 !

    回覆刪除
    回覆
    1. 一定靚啦,多櫻花之餘仲可以襯埋個城堡影,網上睇人地影果D勁靚

      刪除