話咁快又過了農曆新年，今年基爾帶住大感冒過年，所以乜地方都唔敢去，尤其係人多擠逼的花市和賀歲煙花通通都無去，多數時間只在家閉關養病。
話雖如此，但新年的幾餐團年飯開年飯始終係要食吧！不過今年團年飯為了遷就家人時間，所以比較遲食，結果茶樓爆滿就放棄食中餐了。其實之前冬至時也試過「逆市而行」食Pizza Hut，發現原來大時大節去食西餐會比較易搵位，菜式也不會只限幾款套餐而且開天殺價貴到無鄰，例如這個青口set dinner都只係$500有找非常抵食呢！
另外之前閒日有一晚約了前公司舊同事團年聚舊，地點選了銅鑼灣時代廣場食通天的鍾廚，7人叫了8-9道菜人均才$160，又真係抵食，味道也不俗，至少不覺太重味精，當中那味益生菌炒豆苗相當清淡且幾有綽頭（但沒有益力多味）。席間當然仲要八卦打聽一下舊公司的人事情報update返D資訊先得啦！
至於開年飯無辦法逃避要在家中開大餐，不過為免基爾媽煮得太勞累，基爾一早已經出錢又出力、舉腳提議買個大盆菜就算數，結果揀了稻香這個$800大元有找，年初二仲要乖乖大清早步行30分鐘去隔籬村人肉速遞回家（勁重！）
雖則話已經算大大減省了煮的麻煩，但餐後的執台、洗碗、拖地等一大堆「善後工程」始終不能幸免，每年初二的例行勞累工事結果仍是要忙足一整日，雖說基爾是熟手技工，但明年仍會盡全力說服基爾媽索性出街食開年飯乾手淨腳算了！
鍾廚 Chung's Kitchen
銅鑼灣勿地臣街1號時代廣場食通天12樓1201舖
銅鑼灣勿地臣街1號時代廣場食通天12樓1201舖
我都怕人多逼，幸好家人都一致，5會在大時大節食飯。
回覆刪除我都覺得係呀,大時節出街食一次,等如平日兩多餐都唔只㗎^^
刪除平日食又可以多啲選擇,唔駛要食啲「指定餐」
近年我對必勝客異常失望
回覆刪除依家做外賣pizza多咗好多競爭對手
刪除餐後拖地? 你食到一地都係? 定係流晒口水落地?
回覆刪除多人踩過撻地驚污糟,流感高峰期都係要小心啲,盡量保特清潔安心啲
刪除益生菌炒豆苗好得意，係咪酸酸甜甜咁呢～
回覆刪除初頭都以為有益力多味,但原來無乜XXD
刪除陰公，休息多啲啦！
回覆刪除個盆菜好抵食喎^^
多謝~~^^
刪除早排幾乎晚晚無覺好瞓,依家要瞓返多啲:P
係呀,稻香喱個我覺得幾貨真價實
試下用靈芝片煮冰糖半小時，當水飲，可化痰^^
刪除謝謝^^
刪除之前也飲過黑糖薑茶,今晚回家就飲中藥了
薑茶係熱㗎，需要看看你係寒咳或熱咳
刪除我其實都唔係好知熱定寒:P
刪除不過睇完中醫,就話寒熱暫時都不要食@@
飲咗一劑茶,好似真係好了一點
過時過節抱恙最掃興...咁你現在好返未呀??
回覆刪除做節過後的執拾幾頭痛，個個係大人都好啲，若然有細路就...
我哋屋企人唔會有可能在Pizza Hut做節...除非X'mas~~
盆菜都幾多靚料!! 純睇相都夠五,六個成人食...
未~~~明天會去睇下中醫清尾:P
刪除有細路呀!!
X'mas都有做節咁犀利hahahaha
夠七八人食架啦,好足料
I also bought 大盆菜 but for 團年. Simple and taste quite good.
回覆刪除係呀,其實都幾方便,至少可以慳返啲時間唔駛煮咁多味
刪除以這個價錢嚟講這盆菜好抵呀 !
回覆刪除我見依家唔少人在家做節都愛買盆菜,所以都越多越多茶樓和快餐店都做喱門生意呢
刪除過年大感冒，都好慘！
回覆刪除人均才$160，是超級抵食！
每年初二的例行勞動，都是一年一次，家人開心都值得囉！
而且仲要好忍得口,好多朱古力,年糕,油角煎堆又或者蛋卷曲奇餅通通都唔食得住~~~><
刪除係呀我都覺得幾抵食,所以應該會再去encore一下
我個心入面都係咁諗,但真正到落手落腳去做時,又係另一回事,尤其係病住咁做就更辛苦呢:P
過年有祝你身體健康喎，唔夠咩！祝多幾次：身體健康 身體健康 身體健康 ....................................................
回覆刪除仲食咁多野，唔駛戒口！逗埋好多利是喇！
多謝晒,JJ過新年果然特別慷慨~~~我也回禮:祝你也長年龍馬精神大吉大利桃花大旺XXXD
刪除要戒口呀,好多好嘢都唔食得住呀
爭你果封囉XXD
咁慘新年病了呀?我都唔好得你好多呀......我新年時塊面d皮膚超衰...然後又食滯左喎....
回覆刪除係呀~咁食法係岩架~正如情人節呀聖誕節呀要食番打邊爐就實有位一樣道理~
係呀要戒口,食少好多好嘢:P
刪除你塊面真係搞好耐喎,仲未好咩?去到日本要食清啲啦^^
對,喱個朔市而行策略其實都幾好,至少唔駛等位太耐,又多啲選擇,大時節去茶樓一定要被迫食指定餐,又要夠鐘交台,好鬼煩
我新年都好慘呀咩都唔食得~~~
刪除點會呀去日本食完先番黎再醫啦~~唔理架喇~~無理由俾錢去戒口架嘛~~~~~~其實好番好多~
係呀夠鐘交枱哥下我明白佢想做多轉...但佢出唔到野俾我食呢!!
咁都係~~~~~一於返來先再醫kakakaka....
刪除好返就ok啦!!!
催人交枱最無癮,況且係畀貴價錢,service卻比平日還要差
現在部份酒樓幾款套餐而且開天殺價貴到無鄰，又或限時候交枱，我都覺得無癮，中秋節都試過叫盤菜，但盤菜不會經常吃。
回覆刪除祝早日康復！
多謝,希望睇完中醫可以清咗啲痰!!!西醫睇咗幾次都仲係未清得晒><
刪除限時交台真係最唔值得,因為其實已經畀咗貴價錢,但服務仲衰過平時,又要食指定貴價餐,所以非常唔抵!!
盤菜當然不宜常吃,因為其實都肥膩呢
我而家都係咁中節食西餐，西節食中餐，慳錢又好食呀！
回覆刪除係呀依家好多人都用喱個逆市策略,方便好多唔駛同人逼!!!
刪除希望隔籬個商場第時起好會多啲選擇啦^^
大感冒仲食熱氣野！我的年三十晚飯吃印度菜，而且只是同兩個朋友，因為今年過年沒有「回鄉」到S市。
回覆刪除係咪叫做以毒攻毒kakakakaka...
刪除你似乎越來越愛上印度^^ 兩個朋友===>咁有冇小馬份?
咦~~~~現在你不是住S市了?
印度菜我已經好耐無食，所以至有D miss。哈，你竟然記得小馬！無佢份呀，同小馬要講法文，其他朋友搭唔到爹。不過下個禮拜法國電影節佢有兩張免費飛，於是又益我嘞，哈哈！我不嬲都唔係住S市架啦，「基地」響果處啫......
刪除咁你果邊多唔多印度菜餐廳?
刪除當然記得啦^^
你果邊咁快法國電影節,香港通常要等到五月呢~~~會睇咩戲?
原來如此,可能係我會錯意:P
祝早沾勿藥！
回覆刪除家母近年也接受外出做節，實在省卻不少功夫！
謝謝阿摩~~~~不過可能真係年紀大咗,身體抵抗力好似真係差咗:P
刪除其實煮大棚人飯對老人家而言真係幾辛苦,所以出外做節是不錯選擇呢
有好多好野食bor :D
回覆刪除我屋企好少一家人出去食飯(應該係冇先岩)，次次都係麻煩媽媽煮咋，唔似你可以四圍食 XD
其實我都好想試下九州的拉面㗎\(^0^)/
刪除咁黎緊婦女節就索性唔好煮,請埋阿媽阿妹出街食慶祝下囉^^
稻香盆菜睇落都唔錯喎~~有咁多鮑魚好抵食
回覆刪除都幾足料,至少由面對底嘅餸料都啱食,盆底唔會有太多無謂嘢XXXD
刪除都幾多鮑魚,但唔係太大隻,細過豉油碟:P
那個盆菜很足料很吸引！
回覆刪除係呀都ok架,結果食唔晒仲可以食多三餐XXD
刪除一家人在屋企食飯都特別難得，值得紀念。希望你早日康復哂，我過年去了台灣，很舒服，像重新認識一樣
回覆刪除很期待看你重新認識台灣的旅行照^^
刪除是去賞花?
新年樓樓病，傳聞會成年都病架! Wakakaka~~~
回覆刪除有時大時大節就係比借口D食市來賺錢，有時「逆市而行」都唔錯架! 好似情人節聖誕節我都係自己煮，慳埋唔少~
所以要學銀哥咁鍛煉好身體先得啦~~^^
刪除情人節自己煮===>唔怪得可以咁快冧掂銀嫂啦kakakakaka
養完病大擦一餐, 好應該.
回覆刪除黑糖薑茶一流, 我每逢肚子不舒服都飲一杯, 馬上爽晒.
承你貴言~~~~好期待好返之後大擦一餐^0^
刪除原來還可以醫肚痛,唔怪得近排人們去台灣都要買包做手信!!!
Gael,我常常幫襯時代廣場的鍾廚.
回覆刪除你也覺不錯吧!
刪除我去果日係閒日所以菜式選擇較少,聽友人話周五周六周日會多一點
遅來的祝福：祝基哥日日精神，天天喜樂安康！
回覆刪除看來年底都要去稻香定番個盆菜，很引人垂涎喔。
大家咁話,身體健康最緊要^^
刪除係呀都算幾足料,貨真價實的呢
稻香盆菜,我都有試過,味道唔錯架.掂架!
回覆刪除最緊要唔晒係屋企煮到咁辛苦嗎!
係呀我覺得幾足料,至少同佢張poster相差不是太遠kakakaka
刪除新年期間長洲食店都要加三服務，飲汽水都一像樣！
回覆刪除無計啦遊客生意丫嘛hahahaha...
刪除而家應該好番曬喇！！??
回覆刪除咳…你仲食咁多肥膩嘢 ? 要戒口架！
天氣凍果時戴番條頸巾/著番件有領嘅衫黎保護頸部嘅氣管可能無咁易病架!:P
好返好多,不過又有皮膚敏感><
刪除所以仍然是要戒口!!!!
天氣最凍果陣有帶頸巾㗎,不過一落到地鐵站超熱除都除唔切:P
依家咁熱就唔駛頸巾啦^^
喺咪啲藥令到你有敏感呀!
刪除定喺D暗病復發嚟呀！
kakakaka…
咁我係咪唔應該同你講咁多野呀?費事畀你野到XXXXXD
刪除睇嚟...D菌真喺好勁喎！食藥食到儍咗呀你…語無倫次咁架...你…
刪除家陣喺你話有病呀!我唔應該同你講咁多野至真呀！費事畀你野到至真呀！哼!！:P
XXXXD
刪除個排 d 菌好勁, 我都好小心, 免得病左潛唔到水 !
回覆刪除你好番晒未呢 ?!
係呀病事少,無得潛事大kakakakaka...
刪除好返D啦,thx^^