去年底預訂2016年郵票時已發現，今年上半年設計吸引的首日封實在不多，除了農曆年那套猴年郵票之外，一直到5月中才訂了這套「中國世界遺產系列之大運河」！
這個世遺系列之前已經出了4款，翻查大典網誌才記得對上一次是紅河哈尼梯田，至於今次這套則是大運河，唔知有冇人記得梁朝偉做虬髯客果套陳年電視劇《大運河》呢？之前好似有重播過……係咪吳啟華做隋煬帝？仲有劉青雲、黃日華、曾華倩和陳玉蓮，80年代卡士都幾強喎！
如果中學有讀過中史的話，講起隋朝一定有讀過咩係大運河，北自北京、南達杭州、西至長安連綿逾千公里共27段河道，是中世紀時代華北地區最重要的內陸運輸及灌溉網絡系統，不說不知原來到2014年才納入聯合國教科文組織的《世界遺產名錄》。
與上次實景拍攝的紅河哈尼梯田郵票設計不同，今次這套大運河採用了甚具中國韻味的水墨畫風格，展現大運河在冬雪中的秀美景致，郵票中的傳統中式三孔石拱橋是位於杭州的拱宸橋。其實早在yahoo年代如果有留意基爾網誌的資深blog友應該記得，幾年前基爾去上海世博時抽了幾日去了一趟杭州，還在烏鎮住宿一宵，流經烏鎮外圍就是其中一段古代的京杭大運河，有興趣不妨click返去睇睇！
中國世界遺產系列第五號︰大運河
發行日期：2016年5月10日
發行日期：2016年5月10日
這套大運河設計得很美！
回覆刪除水墨畫風格,很有國畫feel
刪除對！和常見的不同，別樹一幟。
刪除明年唔知又會用咩主題呢?
刪除我都想知他們有多創意，哈哈哈
刪除咁你要留意我喱本大典啦wakakakaka.....
刪除即係今年先訂第二套?
回覆刪除咁真係之前哥d好麻麻喎.....
係呀今年頭半年果啲麻麻地靚,依家無咁多位擺所以每次都要嚴選啦:P
刪除你有無數過你有幾多套呀~~~~
刪除咁下半年有無d吸引你?
今年好似六七套左右,下半年應該仲有四五個吧....
刪除今個月有套係講懷舊玩具都幾得意㗎,另外10月果套鳳凰徑都係必買嘅,睇個sample啲風景就好靚;另外里約奧運果套雖然我覺得個設計係好鬼求其兼核突,但奧運始終四年一次有紀念價值,都要無奈地買!!:P
烏鎮, 有同事去過, 佢話啱老外多D, 你有無同惑?
回覆刪除我覺得日間實在太多人太喧鬧了,但就很值得住一晚,因為只有晚上和清晨時份沒有旅行團來,明顯回復了古鎮的原貌,很享受晚上和清晨時份出去逛逛古鎮的寧靜感覺^^
刪除你這樣一說 ! Sky 有些印象 @ 因為在 [ 亚苦卜 ]年代^^
回覆刪除已是你的粉絲了 ~
wakakaka....不要說粉絲了否則會臉紅:P
刪除大家blog friend留言交流一下是常事啊^^
套首日封設計得幾靚
回覆刪除有睇過大運河呀, 有印象呀, 呢期大家都好懷舊呀^^ 黎明都係90年代, 我哋再back多10年 ^0^
虬髯 <-好難寫, 基爾咁都識寫, 要讚啦!
喱套世遺系列因為之前有買開,咁就繼續買啦^^
刪除咦,似乎都幾多人睇過喎,同年代人了hahahaha.....
黎明始終撈咗咁多人,人紅都係有原因,至少公關方面經驗老到!
中學時應該好多人讀過杜光庭的虬髯客傳,是那時上中文堂學來的,不過依家係咪唔駛再讀喱類古文?
咦, 我中文同文學都冇讀過喎, 古文我個年代要讀, 係我強項添呀, 宜家就唔知喇 ^^
刪除我成日覺得阿黎生講嘢9唔搭8, 呵呵, 不過個性格好似幾討好
我check咗大運河原來係87年架, 我當年係小學雞
虬髯客傳當年都係其中很經典的課文啊,原來後來取消了?!實在可惜呢!
刪除數數手指已是近三十年前的電視劇,時間過得真快,應該唔係咁多人記得也不出奇了!
陳年電視劇《大運河》，當年有睇，但劇情都忘記。
回覆刪除你套《大運河》就好睇得多了！
其實當年歷史太悠久已印象模糊了,上網睇返劇照才有返D印象,吳啟華區瑞偉依家仲有拍無線劇呢^^
刪除最近還見到黃綺琴復出拍劇也有驚喜,當年佢仲係新人做紅拂女畀人鬧到飛起,話佢未夠班....幾十年後依家變了老戲骨!!!
梁朝偉同呂方唱果首主題曲依家網上仲聽得到:P
烏鎮，我諗起劉若英
回覆刪除佢做過宣傳大使丫嘛^^
刪除我又諗返我住果間客棧真係見到河景㗎,朝早望出去真係好似回到古代的景像,amazing!!!!孔橋古塔染布坊郵局和茶居小店果啲都有去過,我未去過周莊但覺得烏鎮也不錯呢
大運河，我諗起鄭少秋，哈哈
回覆刪除鄭少秋都有份做?!
刪除套郵票設計很精美~~
回覆刪除可以從郵票中學歷史...
水墨風格展現到古鎮之美^^
刪除我們現在很多俗語, 都係跟大運河有關, 其中一個就是, 開閘過水 = 吃裡扒外, 是跟在運河裡拉船的幫會漕幚有關. 以前, 中國最大的幫會不是天地會, 而是漕幚, 他們的總陀主控制整個運河系統和相關地區的經濟活動, 所以做得漕幫幫主, 就差不多係全國黑幫總陀主.
回覆刪除因為靠水來運輸和耕種, 所以開閘放水, 即是損害自己利益.
聽Joesph一席話,又醒起以前讀書年代也聽過漕幫,中國古代陸路交通未必太發達,加上沒有鐵路也沒有空運,漕運是相對方便快捷的大型運輸系統,經濟命脈,煬帝大規模開完運河之後結果就益了唐朝造就了貞觀開元盛世.....仲記得無畀返老師XXXD
刪除除了漕運有幫會,鹽和煤都有,因為是最關乎社會民生的大生意吧
水墨畫風格很精美~~
回覆刪除好配合古鎮的主題呢^^
刪除很美
回覆刪除看過一些星洲的老照片,也很有這種chinese style
刪除新加坡以前好落後㗎
刪除獨立之後突飛猛進呢
刪除香港出嘅有關中國題材郵票都好靚好吸引！
回覆刪除喱個世遺系列都幾唔錯呀,有特色!!
刪除中國其實都好多靚既地方呀!
回覆刪除絕對係呀,希望將來軟件配套設施可以追得上日本,咁就perfect了!!
刪除郵票採用水墨畫風格除了帶出中國韻味外，也可避免把杭州拱宸橋周邊
回覆刪除的現代建築攝入郵票中....
對,有時景區外的高樓大廈實在煞風景
刪除所以西湖附近都嚴格限制建築物高度
小時候我也喜歡集郵,可後來大了就沒再集了.
回覆刪除係呀好多人都係貯貯下就畀晒啲後輩玩囉^^
刪除郵局出既世遺系列年年都係咁正~
回覆刪除不過電視劇大運河我聽都未聽過，哈哈~
對呀,喱套買開都會follow落去㗎!!
刪除你咁細,首播果陣一定無睇過啦,都未來到喱個地球XXXXD
不過近排好似有重播過嘅.....
氣勢磅礡！👍👍👍👍
回覆刪除係呀喱套唔錯,幾靚!!
刪除我喺揀嚟買喇，
回覆刪除但我喜歡畫嘅，夠傳神，影相麻麻，
世遺郵品都無蓄，
隋、唐歷史都有讀過下...
一年出成八九套,真係要揀D自己鍾意嘅先買....
刪除水墨畫比較有詩意,多了一點中國風味!!
世遺喱個系列以風景為主,都幾靚
讀文科多數要讀啦
隋朝咁短時間內起咁多運河，所以咪亡國囉，哈哈~
回覆刪除借古鑑今,咁依家HK同時起機場三跑+高鐵+港珠澳大橋,咁咪.........XXXD
刪除IFC個觀景台開放時間如何??
回覆刪除在這篇講郵票問喱個問題嘅?!!^^
刪除網上search到資料可供你參考:
國際金融中心二期
觀景點：55樓金管局資訊中心
地址：中環金融街8號國際金融中心二期55樓
資訊中心開放時間：星期一至星期五10:00-18:00；星期六10:00-13:00；星期日及公眾假期休息。
查詢：28781111（www.hkma.gov.hk）
導賞服務時間：星期一至五10:30-11:00及14:30-15:00；星期六10:30-11:00（每次名額15位，先到先得）
郵票好有特色
回覆刪除講起大運河我都記得套電視劇. 我都唔知有重播過.
原來IFC有觀景台, 我都唔知.
喱套又真係幾靚,所以值得買㗎
刪除我唔係太記得個詳細故仔,只記得梁朝偉做虬髯客....果陣係畀人話佢唔夠高大唔似!
有呀,行過不妨去睇下