數數手指話咁快又來到11月，好似好耐無郁下個blog，剛剛上周末整了底蘿蔔糕，算唔算叫做有少少新鮮野寫下？
平時真係好少喱個11月深秋初冬季節來整蘿蔔糕，通常多數都係臨近農曆新年才會整吧！不過近排行街市見白蘿蔔真係好鬼平喎，咁基爾又做下二廚幫手刨下蘿蔔絲整底糕先啦！
用慣份量一般都係3支白蘿蔔大根約重5至6斤左右，今次只係賣9蚊雞係咪平到笑……咁順手再買埋粘米粉又係10蚊有找，三象牌粘米粉600克裝一般只用半包就夠，可以留返半包下次整。
p.s.由於整蘿蔔糕印象中已寫過兩三次，具體詳細steps就無謂囉唆長氣再講了（有興趣睇可自動波click返去蒸蘿蔔糕網誌）。不過今次有少少唔同係無落蝦乾，改用了小元貝，如用小元貝就要先浸林再用廚剪仔細剪成粉蓉狀，食果陣就唔駛驚太攝牙，算是基爾少少秘技吧！
3支蘿蔔約重5至6斤賣9蚊
回覆刪除三象牌粘米粉600克裝10蚊有找
只用半包
無落蝦乾，改用了小元貝
moodytang811不明所以如是我聞
刪除我今日都買左蘿蔔煮，真係好甜。整蘿蔔糕，應該都好好味。
回覆刪除依家可能逢時所以幾好食,又夠新鮮,所以都不妨先整底糕試試吧
刪除自已整，真材實料好多，又可以按自己口味度身訂造。
回覆刪除對呀,自己整一定啱自己口味,同埋多數比茶樓果啲好食^^
刪除好想食, 不過無料整 T-T
回覆刪除你果邊無賣白蘿蔔呀?!@@
刪除西超一定無
刪除番鬼係咪好少食白蘿蔔?
刪除蘿蔔糕好吃，不過我吾識整﹗
回覆刪除如果有興趣又有時間可以跟下啲steps整下,其實都唔算太難嘅^^
刪除係呀係呀！好似幾個月前即農曆新年睇過你整蘿蔔糕啦~ 唔緊要啦，日常事分享都不錯~ 咁你d退休蟹伯生活都可以寫吓噃，wakakaka~
回覆刪除嘩,應該係年頭一月果陣係咪?銀哥咁忙都咁好記性,勁喎^^
刪除咁係咪要寫下去公園捉下棋,拎住籠雀去茶樓果啲....XXXD
基伯退休生活係床下底尋寶..kaka...
刪除Good idea~~~~!!
刪除可以花好多時間添㗎XXXD
當然，仲仲去埋你條千年Link再睇篇舊文章添～
刪除wakakakaka....都唔算好千年啫XXXD
刪除我這邊的白蘿蔔平時很醜樣（尤其是西超賣的），要到十二月吧才稍為靚仔少少，一月喇就最當做，所以白蘿蔔在這一個月份犧牲也值得，因為也快過年了……哈哈！
回覆刪除Really~~~~我仲估你果邊水土比較乾淨清新會種得好啲....不過白蘿蔔一般都係年尾11月到翌年農曆年前最靚吧!
刪除你喱個比喻都幾有趣wakakakaka....
以為基爾係唔知邊個星球嘅人,十一月過年.
回覆刪除真係唔知喎,有冇啲冷門民族係11月新年㗎呢?
刪除我星期日都整左，未post 啫，哈哈。其實英國這個時候的白蘿蔔就最靚，但到農曆新年時就最核突，買唔落手架。
回覆刪除wakakakaka.....係咪又係見啲白蘿蔔平靚正所以買來整下呢^^
刪除對,有時2月開始買白蘿蔔會爛心,所以趁靚果陣先整來食下好過啦!!
samwei你個blog留言果度係咪有啲問題,唔知點解留唔到言呢:P
刪除自己整功夫多但好食得多,出面嗰啲成舊都係粉.
回覆刪除其實整蘿蔔糕都已經唔算太多功夫,算係易整,整一底可以食一個星期呢^^
刪除茶樓果啲要控制成本嘛,3件四方的都已經十幾蚊同埋好多時都無乜料到wakakaka....
吓~~踭啲以為咁快又過年…
回覆刪除點解唔見製成品??你講的小元貝是否乾瑤柱呢??
其實都快架啦,眨下眼又聖誕,跟住又新曆年和農曆年長假,森兄有冇啲放假大計先^^
刪除左上果幅係製成品啦,因為係新鮮蒸出來的樣子,不是煎的,所以森兄未必認得吧!
迷你版的乾瑤柱,細細粒通常用來煲湯,價錢平啲!
今年都放咗好耐假，仲邊會諗咩放假…
刪除真失覺…原來這是製成品!!望落都好健康~~
oic~~~~咁森兄有冇外遊?分享下好喎^^
刪除係呀,可能我影得差你唔覺啫XXD
見到蘿蔔糕好有新年氣氛，手勢唔錯，出年新年好似係二月
回覆刪除正所謂賣完五月粽已經即刻開賣月餅,咁其實我依家講整蘿蔔糕都唔算太早啫....係咪XXXD
刪除係喎,我check過明年農曆年初一係2月16日,都算遲喎!
我好中意食蘿蔔糕,可惜怕麻煩唔識做.
回覆刪除蘿蔔糕其實都算易整喎,係刨蘿蔔絲要花啲心機和時間囉^^
刪除我反而鍾意食蒸嘅蘿蔔糕多啲！
回覆刪除唔同食法囉,蒸和煎都好食^^
刪除馬蹄糕呢
回覆刪除都想試下.....
刪除仲有大菜糕
百有唔話你阻住哂咩！
回覆刪除蘿蔔糕當飯食麼！
更係無啦,搞粉時一定要兩個人會好好多......可以接力丫嘛XXXD
刪除當飯就比較少,當早餐都經常嘅^^
自己整，平靚正之餘又食得安心！
回覆刪除咁春節時，等我哋試下你嘅手勢喇~
唔加防腐劑和味精,係咪健康啲^^
刪除不過要食得好快,因為通常要一星期內食晒佢
試到你的手勢就好了 ^^
回覆刪除咁賞面啊....XXD
刪除好正呀~~不一定新年先食先整,我都好喜歡食,而且好旖過買現盛
回覆刪除好叻叻~~
對呀,只要白蘿蔔當造其實都可以整,依家逢時買白蘿蔔可能仲會平啲,臨新農曆年果陣因為多人買,可能會貴少少....
刪除整蘿蔔糕唔難，但係要整得好食就要些技術了！
回覆刪除其實要求不高一般都不會太難食嘅,至少好過好多茶樓㗎啦XXD
刪除自已整真材實料又平靚正~
回覆刪除最重要係Geal大大廚藝了得~
多謝你送頂咁靚高帽先.....雖然我係零廚藝XXXD
刪除我超鐘意食蘿蔔糕!!!無論蒸既煎既都咁鐘意~~~~~~~
回覆刪除另外哥半包留番臨近新年先再整囉~~
蒸無咁熱氣,但煎就香啲^^
刪除對,應該都會!!
自家製當然平靚正！
回覆刪除喱個易整,容易自家製^^
刪除元貝用攪伴機打碎, 省點功夫啊!
回覆刪除未做蘿蔔糕, 去看看你舊日文章先 ...
無啊,剪都ok嘅,反正都有時間,係累少少wakakaka....
刪除有空去睇下^^
蘿蔔糕係我最愛之一，當然香港臘腸係主角，哈哈哈。你好叻呀。
回覆刪除對呀,臘腸好重要,我通常要全瘦^^
刪除我完全唔叻㗎,經常要向你偷下師wakakakaka.....
你真係十八般武藝，樣樣皆能，傳統美食都難唔到你，街市暖男，正
回覆刪除好賣廣告feel喎.....XXD
刪除遲些就過冬添，容乜易就到過年呀，時間過得好快。食住蘿蔔糕都係時候囉。
回覆刪除你又講得啱喎^^
刪除好快聖誕,之後又好快過年啦!!
白蘿蔔好食，燘牛腩，我一定食曬蘿蔔；除左過年，平時好少食蘿蔔糕。
回覆刪除我都係,牛腩反而我麻麻:P
刪除同家人去飲茶會唔會叫?
咁好興致整蘿蔔糕呀 ~
回覆刪除多謝你成日黎探我, 有時都覺得寫寫下, 都冇乜動力去繼續寫
依家白蘿蔔逢時又平又靚咪整下囉:P
刪除不客氣....我都喜歡看你blog,不論你是在英還是在港時^^
繼續努力啊,近排有冇去外遊?
想食未整囉~唔晒分節日~
回覆刪除蘿蔔糕~好味道~正!
係啊依家白蘿蔔靚又平,所以值得花點功夫去整來吃^^
刪除好利害呀, 我成世人都未做過蘿蔔糕, 剩係中學家政班學過做芋頭糕咋
回覆刪除謝謝拉姑留言^0^
刪除蘿蔔糕其實易整小小,芋頭蒸熟又要用釵壓爛再撈粘米粉,感覺上好似難啲呢,不過兩種我都like!!