連續寫咁多篇hea遊誌都有D驚驚地睇到人悶出鳥來，又係時候由床下底搬返D郵票出來間一間場先（咪話仲悶）！
今次喱套都算叫做新鮮滾熱辣上月才發行，主題為「香港消防處150周年」的紀念首日封。簡單數數手指計返條數，2018減返150發現原來消防處是成立於1868年，唔出郵票真係唔多知道呢！
先睇面值$10的那個郵票小型張，上面有成排共12個消防員公仔，仔細睇才知原來係由19世紀一直到現今百五年來消防員制服的演變，有好多都未見過真係幾特別喎！
睇完消防員制服之後，咁梗係要睇埋D消防車先得啦！一套6款郵票就包含了50年代至今的消防車和救護車面貌，基爾覺得都幾有細個時玩果種Tomica車仔的感覺，唔知有冇人細個時都玩過……
依家諗返兒時真係曾經擁有過一輛玩具消防車仔，記得係有條鐵梯可以伸長豎起添架！可惜今次套郵票就無送玩具消防車，只係補送返年頭的狗年生肖磁石貼，設計都頗求其唔太靚有點失望，如果送車仔會開心好多！
訂生肖郵票除了送磁石貼之外，其實年年都有送個仿金生肖襟章，上面分別係蛇羊猴雞和狗年，其實都幾金光閃閃，當然如果係真金牌會更開心……（發夢中）！順帶一提原來今次個消防車郵票係加了AR效果，不過要裝了郵署個app先玩到，聽聞係可以360度睇到車仔模型和內部設計咁犀利，如果有人玩過記得話返畀基爾聽下效果如何喎！
香港消防處150周年
發行日期：2018年5月8日
發行日期：2018年5月8日
的仿金生肖襟章設計雖然簡單，但金光閃閃很吸睛。
回覆刪除消防處為市民付出不少，我贊成消防處多出紀念郵票。
如果係真金更佳....wakakakaka!!
刪除唔知外國多唔多出消防紀念郵票呢?
嚟你度睇下郵票收藏真係好！消防處150周年，犀利呀！
回覆刪除我周時看你的漫畫blog也長知識呢^^
刪除以前叫消防員做火燭鬼
回覆刪除我老媽仲話過佢地會乘機攞野 (佢個人經驗) ^^
係呀,以前看粵語長片都係咁叫.....
刪除以前話係有水放水無水散水㗎XXXD
Tomica車仔有玩過.
回覆刪除訂郵票送嘅嘢唔靚又唔實用，慳番啲錢好過啦.
王子果然係有錢仔.....XXXD
刪除其實可以諗下設計啲實用性少少的東西,例如送郵票簿或者首日封簿之類,貯積分送郵票也可^^
記得好耐之前D首日封，郵票覆蓋面積冇咁大。我好耐冇買過首日封，係咪風格改變了？
回覆刪除郵票覆蓋面積冇咁大<=====係咪指無咁大張?
刪除如果係通用郵票一般都無咁大張,紀念郵票小型張果類會大張啲
係咪指無咁大張?===>YES^_^
刪除你已經解決了我的疑問，就是通用郵票與紀念郵票之別。^-^
係呀依家用緊果套通用郵票就係地質公園果套囉,之前仲有出過香港雀鳥可能你會有印象.......
刪除金章我以為係金幣添。
回覆刪除我都想喎........XXXD
刪除今期郵票好靚，顏色好搶眼~
回覆刪除小型張仲可以睇晒咁多年既制服，好特別~
係呀個design都幾唔錯的....
刪除提議郵署可以幫佢地出埋消防員模型啦
直情係珍藏啦,好鐘意個金章.
回覆刪除唔知有冇人貯齊一set放上網畀人bit呢?^^
刪除我細佬就儲Tomica，今次去日本為左幫佢搵珍藏，行到我腳軟都買唔到。
回覆刪除跑車定古董車?有啲Tomica真係手工好精細,有價有市呢.....
刪除Tomica我大把啦, 乜車都有
回覆刪除呢d贈品要都費事 , 我仲有桶木顏色, 都叫有d用, 乜你冇咩.
犀利喎,晒少少出來睇下啦@@
刪除我都覺得係,磁石貼唔靚,有點浪費了....
木顏色我冇喎,可能係你喱類大客仔先有得送啦^0^
你咪睇咗囉，車展🚗🚕🚒
刪除老人痴呆重症
係咩係咩乜有睇過車展咩?
刪除咁木顏色呢?
我就覺得啲消防車畫得麻麻地
回覆刪除生肖鍍金郵票幾靚，但保存都花心機
2D畫係咁上下,有點簡約美
刪除又唔駛好花心機喎,我求其擺都無生鏽呢XXD
我都有同感，見到套郵票都諗起車仔…
回覆刪除今套都唔錯，而且仲有襟章送～
看來森兄都買過唔少喎^^
刪除果個狗年襟章其實本來應該係年頭跟生肖郵票送的,可能佢地整唔切延後到依家先送:P
套消防處150,真係直得去買~
回覆刪除我又去買到先!
如果本身係消防員,都值得去買返套留念^^
刪除悶出鳥來
刪除快啲拎個網出來捉返XXD
刪除一諗到收藏品，立刻會諗咁多放邊到喎，哈哈哈。
回覆刪除Wakakakakakaka......你邊駛擔心喱啲,屋企大把地方擺啦XXXD
刪除好多塵呀，哈哈哈
刪除抹下囉XXXD
刪除小全張設計好，值得收藏！
回覆刪除係咪如果用真人更靚仔.....XXXD
刪除張相有幾大張，就即係份量有幾重啦…
回覆刪除註定落在床下底！註定老婆婆要用放大鏡！
咁JJ如果有張寫真,係咪一定放到成個blog咁大張先....XXXXDD
刪除我同太陽伯伯一樣咁公平,每張相都咁大,而且唔洗用放大鏡.
刪除等睇......^0^
刪除次次見你集郵篇,我都會諗起細個時集既郵票,我出來香港前送左俾最好既朋友,咁多年我竟然都無諗起問佢有無保存好.
回覆刪除如果佢無貯開郵票,最大可能係佢會再轉送畀其他有集郵的小朋友囉^^
刪除如果係咁我單一寫遊記咪好悶？🤔
回覆刪除有無去國際關係郵展睇吓呀？👇🏾https://www.facebook.com/SimonStamps/photos/a.403731126683819.1073741834.393581457698786/731476567242605/?type=3&theater
唔會喎,你寫果啲異國風情社會民生好多我都無睇過,直情係睇到眼都唔眨,邊會悶^^
刪除仲有銀嫂間中搭訕補充都好好睇,每次我都好期待她從另一角度體察的見聞呢......
有呀,自從你上次介紹之後我已經follow咗沈博士,成日有好多歷史故事和國際關係睇,好開心,謝謝^^
唔係呀，係香港歷史博物館有國際關係郵展，專講香港的，我今日去左參觀，但聽日2/7已是最後一日了
刪除噢....咁我就無去呀,多唔多嘢睇?
刪除多呀！我唔係集郵咪都睇咗好多歷史，佢由清朝香港是個小魚村講起，香港作為一個中轉港的郵件服務的郵戳與使用的郵票。
刪除咁一定有好多舊女皇頭郵票睇^^
刪除佢反而多講郵戳，因為郵戳是最能代表那個時代，日治時代都有當時使用過的日本天皇郵票與郵戳介紹，好詳盡吓 ～
刪除日治時代我諗留下來的郵票郵戳應該不算太多,相信都好珍貴.....
刪除呢套幾特別喎~紅噹噹好醒目~~~~
回覆刪除係呀都幾靚,同埋百五周年有意義呢
刪除蛇同狗年的仿金襟章幾得意，既能顯出生肖的模樣同字型。
回覆刪除好犀利喎你睇得咁仔細嘅^^
刪除見到基哥啲郵票，就會諗起自己啲郵票，唔敢再狂買了，幾本大大小小的郵票簿已經束之於高閣。消防150週年，都好值得出郵票慶祝。
回覆刪除咁得閒要拎出來抹下塵啦^^
刪除郵票都算係叫做唔係太阻掟嘅,如果貯模型漫畫果啲仲唔得掂啦XXD
收得好密實，都唔會好多塵啩!
刪除郵票真係唔係好阻埞，不過不幸被打入冷宮了，未得閒拿來欣賞。^0^
我都係,通常搵開野先會摷啲出來睇下:P
刪除wakakakaka.....最緊要唔好打我入冷宮喎,有空就來留下言^^
wahahaha! 基哥咁喜客，點會打你入冷宮吖。你又唔憂冇人客。
刪除謝謝賞面啦!
XXXD熱鬧啲好啲丫嘛^^
刪除很多人都喜歡趁“襯”高興!
刪除寫blog都係開心緊要^^
刪除是的，是的。就是報喜不報憂嗎?
刪除寫些幽默些好開心。
最緊要自己寫得開心,其實寫乜都無乜所謂嘅^^
刪除