近排有冇睇俄羅斯世界盃？免費果幾場基爾都有睇下，暫時覺得西葡果場最緊張最有可觀性，進入淘汰賽階段後期待會有更多精彩對戰吧！
醒起早前睇世界盃開幕禮直播，有請來Robbie Williams做表演嘉賓，不過佢唱Let Me Entertain You、Angels和Rock DJ果幾首好似都唔係今屆的official主題曲。事實上近幾屆世盃好似都無乜特別hit歌，要數返歷來最有代表性的，相信一定係Ricky Martin果首The Cup of Life了！
係咪有少少驚！睇返喱張世界盃舊CD才驚覺原來已經有成20年歷史了！以前總覺得時光飛逝光陰似箭日月如梭這些小學作文慣用詞語有點老套和虛無，但當真正有件20年歷史的實物擺在眼前又會是另一回事……
講返喱張舊CD，其實基爾咁多年來都極少拎返佢出來聽，翻查舊網誌才發現原來對上一次是2010年南非果屆世界盃舉行期間都有趁熱鬧寫過下（重溫可click入：世盃陳年心水收藏）。值得一提係，98世界盃香港區果首官方主題曲Leon Lai的Kinetic Joy連網上都找不到，這張CD極有可能是獨家收錄吧！
西葡有可觀性
回覆刪除大夫愛隊?
刪除那要看隊什麼.....
刪除又賣關子XXD
刪除今屆爆晒大冷,小咗好多傳統強隊.
回覆刪除最走樣係德國,好少見佢地踢到咁差....
刪除餘下都想支持下唯一的亞洲隊,仲有前事頭婆果隊呢XXXD
Leon Lai的Kinetic Joy連網上都找不到...不如你放上網啦。
回覆刪除我都唔識,剩係識寫blog咋:P
刪除此碟要珍藏
回覆刪除4年拎一次出來抹下啲霉咁囉....XXD
刪除絕對要珍藏
回覆刪除羊羊也愛快節奏的歌吧......其實都幾啱夏天暑假聽的^^
刪除仲想冰島爆冷，不過，原來爆冷的是德國，另一種爆冷。
回覆刪除你又講得啱喎.....
刪除德國真係令人跌眼鏡,完全踢到唔似樣,以德國人的認真和紀律而言好少會咁:P
北歐隊也表現不錯呢,瑞典和丹麥都晉到級,算係咁^^
球賽體育運動我真不會關心。
回覆刪除會唔會睇女排?溫布頓?又開波啦喎^^
刪除我最記得嘅世界盃歌係 Ricky Martin & Shakira 個兩首
回覆刪除係喎Shakira我也有印象.....
刪除感覺上拉丁味濃的快歌同世界盃夾啲^^
乜你會買呢隻嘅？
回覆刪除果陣hit㗎喎^^
刪除4年聽一次囉，不要浪費。
回覆刪除係呀,順便抹下霉囉...XXD
刪除你都好支持咗幾場，我半場都冇睇過…
回覆刪除通常世界盃熱潮過後，啲歌好少再聽返…
以前後生果陣都會通宵睇波呢,依家年紀大就無啦,同森兄一樣要注重養生\^0^/
刪除如果無記有得播可能會搵啲巨星幫果啲錄返首世盃主題曲都未定,依家就一定唔會啦,幫隔籬台宣傳咩XXD
你仲有好多條蔥可以磋跎, 又何怕往事不能回首.
回覆刪除都唔係剩好多蔥㗎咋......XXXD
刪除乜黎生有球歌咩?我算是粉C都唔知添
刪除無免費波睇,唯有上網睇精華
喱首我諗好多忠粉都未必聽過呢!
刪除我都係睇精華咋!慳時間好多:P
遲D仲有温布頓
呢隻世界盃碟當年我都買咗！不過唔記得收咗邊度，揾唔返啦！
回覆刪除犀利喎原來你都有買,不過喱類碟其實都好少機會重聽:P
刪除