極拉麵串燒Bar@北角

今次出巡的極拉麵串燒Bar，與之前講過的Big Bite和ibis都是在同一條街，喱日本來諗住去ibis食lunch，點知行過喱間拉麵店時發現原來佢weekdays的1:45pm之後有八折，既然咁抵就改變策略，入去試下！

店裏與Big Bite一樣，也屬蚊型陳設的餐廳，幸好來到時已過了食晏繁忙時間，所以人客不多，不算太逼。雖說這是間拉麵店，不過看過menu後發現食飯比較抵（拉麵大部份五十幾蚊碗），與同事各自叫了燒牛肉和燒雞肉飯定食，也不過三十幾蚊（未計八折）。



珍珠米飯和雞肉的份量很足，沒有因為八折而變成「迷你版」，同事說燒牛肉飯也不俗，最搞笑係用Asahi杯飲凍檸茶都係第一次。由於實在抵食，後來又去encore多次，基爾試過燒牛?飯，比雞肉更正！值得一提係店裏長期播放超正的80年代中英日金曲，有陳慧嫻、林憶蓮、林姍姍、松田聖子、柏原芳惠、Wham、Pet Shop Boys……輪住陪食飯，真係食完都卦住聽歌唔捨得走，老闆的品味與基爾甚為一致，或許是同年代人！

 

極拉麵串燒Bar
北角渣華道148號嘉威大廈地下12號舖