世紀軒餐廳@北角

通常如果唔係太肚餓的話，一般都係等到下午茶時段先出去食宴。喱日基爾又與同事出動，去到ibis的世紀軒餐廳開餐。

之前其實已經去過喱間酒店的餐廳幾次，lunch hour同tea time時段都試過，lunch hour就有較多飯及意粉套餐選擇，餐湯和汽水咖啡奶茶任飲，價錢也不太貴，大多都是三四十蚊左右。下午茶選擇少D，也不設餐湯，但仍有汽水咖啡奶茶任飲，價錢平少少。



喱日來歎下午茶，基爾叫了魚柳薯條，但原來同事的磨菇芝士奄列更正，結果食到唔記得影……Anyway，都影下兩隻照鏡吉碟同個無敵海景畀大家睇下。最後值得一提係，原來喱間酒店同上次基爾去上海世博時住的那間是同一集團，唔怪得裝修陳設好似咁熟口面啦！

 

世紀軒餐廳 ibis Century Inn Hotel
北角渣華道136-142號2樓