之前有blog友提醒郵政署會出喱一套「郵歷香江：從舊郵政總局大樓細味香港郵政歷史（1911-1976）」，聽聞設計也頗不俗，基爾一於唔走雞！
由於這輯「郵歷香江」是為了配合九龍公園香港文物探知館舉行的同名展覽揭幕而發行，小型張的設計也採用了古典建築的圖積設計，左下角的黑白維港舊景尤其有懷舊味。
顧名思義今次的主角是舊郵政總局，據首日封的介紹，這座宏偉的紅磚牆維多利亞式建築原位於中環畢打街和德輔道交界（即現時的環球大廈），樓高4層，除主牆、廊柱和拱門以花崗岩砌成外，其他牆壁均以廣東紅磚和廈門磚建造。
小型張上還印了不少昔日舊總局裏的老照片，如果有去過澳門議事亭前地旁的郵政總局的話，相信有幾分對似吧！裏面有很多羅馬式巨柱，感覺上真有點似去了歐洲的古老大樓一樣。
比較可惜係中環這座舊郵政總局於1976年因為建造地鐵工程已被拆卸，基爾也無法坐時光機回去一睹它的風采，唯有對住這張小小的郵票憑弔。由於探知館的展覽會一直展到八月二十六日，有空都一定去睇下D歷史展品先得！
郵歷香江：從舊郵政總局大樓細味香港郵政歷史
發行日期：2014年4月29日
發行日期：2014年4月29日
呢個二十蚊的郵票做得好特別呢！
回覆刪除Lucamom:我覺得都ok嘅,至少座建築物本身幾靚
刪除咁大個首日封，收藏就煩喇！齋買郵票得唔得？
回覆刪除我鍾意右下角個印喎！
JJ:我都覺得係,寧願佢出返常規size好好多啦
刪除一個首日封蓋兩款印其實都好少見架
這套首日封都幾好喎！端午節快樂！
回覆刪除說:食咗糉未?^^
刪除端午節快樂
今次呢個幾特別
回覆刪除王子:啱你心水^^
刪除這款小型張設計得不錯！
回覆刪除Wan:古建築有一種特別味道
刪除黑白相片好懷舊 , 做收藏品真不錯 , 舊有建築物賣少見少了 .
回覆刪除ak:係咪有啲粵語長片feel^^
刪除係呀香港始終尺金寸土,好難保留有價值的古老建築物
kakaka 係幾似粵語殘片喎 .
刪除香港真係太細了 , 古老建築物冇得留低真可惜 .
ak:似呢~~~~
刪除係呀香港係得果千幾平方公里,外國地方大就可以分新城區和舊城區
郵票既形狀已經夠曬特別
回覆刪除Mandu:都係喎,唔知有冇人捨得搣出來用呢?!^^
刪除gael兄有邊套郵票係走雞吖...
回覆刪除呢套郵票幾有懷舊味道!!好少見黑白相作圖案~~
森B:都唔係架,有好多我都無買,啱心水先買啦,反正無乜特方擺!
刪除喱套係專登為紀念舊郵政總局而出,所以都有唔少老照片配合返個主題
這套值得儲呀，香港都無保育計劃， 以後只有靠圖片認識香港了。
回覆刪除Samwei:睇返啲老照片,其實50-60年代中環成個歐洲古城咁,好靚
刪除基爾大大端午節快樂 :D
回覆刪除呢套我都有買，又有去文物探知館睇展覽，係展覽同郵政總局都有呢個紀念郵戳比人隨意蓋~
Matthew:也祝你端午節快樂~~~有冇去游龍舟水^^
刪除搵日有空我都想去探知館睇下
邊有基爾大大你咁多節目，我成日都係屋企~
刪除Matthew:見你寫的旅行網誌感覺你係個好outgoing的人啦^^
刪除至少係好行得的資深旅人kakaka
舊郵政總局郵票~好靚喎!~我都想買番套呀!
回覆刪除Andy:唔知依家仲有冇呢?
刪除我雖然唔集郵票，但 都想去Kowloon Park 嘅探知舘睇吓個展覽。
回覆刪除KA:本身座建築物都好靚,值得一去!
刪除昔日景緻盡在此中尋，讚呀！
回覆刪除Choa:可以在郵票中睇返以前香港的面貌^^
刪除設計不錯！
回覆刪除阿摩:很有點心思
刪除Gael,好值得收藏的郵票.
回覆刪除Andrew:香港比較少喱類歷史建築物了
刪除最幾日睇報紙先知道呢張郵票比人炒到千幾二千蚊，真係好誇張 @@
回覆刪除係呀我都有睇到,我諗如果大陸人炒就一定發達㗎啦~~~kakakakakaka...
刪除最衰我得一張啦，哈哈~
刪除咁下次記得買多張囉XXD
刪除