2018年8月18日 星期六

武漢迎花潮@酒醉湖

逛完個小茶園之後,未咁想快走住喎!其實,這才是整段行山行程的開端,唔賣關子即刻起步出發。



外遊時如果想睇多點大自然靚景,行山好多時係熱門之選,基爾還依稀記得那些年戴住頭盔行太魯閣,也記得捽住惺忪睡眼在上高地看日出的情景!老人家真係特別愛想當年……先將回憶暫擱一邊!這次賞櫻+行山二合一行程馬上開始,這處山路的起步點都幾陡峭,站在懸崖邊望落去萬丈之下的湖面,不是說笑確有點畏高腳軟!



崖邊雖設有鐵索圍欄但明顯有點飽經風雨侵蝕兼生鏽,看來也不太穩陣更有點搖晃鬆脫跡象,卻竟有大無畏同胞搶住倚欄影高空危拍,細膽基爾在旁齋睇已覺背脊冒出冷汗,不其然心裏要寫個「服」字!上圖是途經的兩處景點:九龍飛瀑和千紋岩。



起步這一段大斜坡山路,主要是呈45度角左右的石梯級,部份由於有水簾瀑布和小溪流過,所以都甚為濕滑,很多時要集中精神扶穩欄杆(或者鐵索)搭級而下,全程約半個鐘左右,幾乎都忘了影相,晃眼間已落到去平靜如鏡的酒醉湖,終於可稍歇一陣影下相了。



沿住湖邊的小徑可以悠閒地散策一圈,途中都有不少景點可看,例如上圖這處叫做「望天崖」,相傳唔少牛郎會來這裏希望遇上心目中的織女云云……大陸依家有些景點設施都幾完備,指示清晰之餘還有簡介路牌,不知是否取經自日台韓旅遊區呢?



可惜除了有大媽大叔來影相之外似乎不太見有牛郎織女,咁唯有繼續前行吧!在大陸著名旅遊景區裏,在山崖石壁間看到題字賦詩並非新奇事,當中若是歷史名家留下的珍貴墨寶更可增添遊山雅興,畢竟總比「乜水乜水到此一遊」的刀刻塗鴉來得有意思吧!



如果時間充裕其實還可以租艘竹筏去湖上泛舟,不過眼見似乎沒有船伕划竹筏喎,應該是現代化了加裝了摩打吧!而且感覺上船速都幾快,一下子就在平靜的湖面上畫出一道長長的波瀾……



恍似隻快艇的竹筏不知是否由這條橫垣湖面上的風雨橋開出呢?如果去過湘鄂黔桂一帶的古村古寨古鎮的話,通常都會見過這類橋塔相連的風雨橋,大多是昔日村民為了方便過湖過河而建造,也可作乘涼或遮風擋雨之用。不過酒醉湖上的這座風雨橋,原來還有個很特別的實際功能,先賣個關子畀你估下,留待下回分解!



做乜橋邊會有間爛石屋仔,屋前仲有塊黑板喎!莫非以前係露天課室?八卦基爾行埋去睇下塊黑板原來是石刻,上面雕了成首《賣炭翁》,中學時如果有認真讀過下唐詩的話,應該會對這首白居易的七言古詩有點印象吧?仲念唔念得出「滿面塵灰煙火色,兩鬢蒼蒼十指黑。賣炭得錢何所營?身上衣裳口中食」幾句咁多呢!



因乜事要刻首《賣炭翁》石碑擺在這裏呢?原來後面果間陳年石屋仔係昔日村裏的古炭窯,咁成件事即刻又真係變得好合情合理喎!睇完古窯又繼續向前行,近湖面這一帶其實仲有些疏落零散的野櫻花樹,不過這裏明顯比山上的茶園和西峰山頂暖好多,所以櫻花都早過了滿開期吧!

56 則留言:

  1. 賣炭翁, 我識背架...以前, 小學老師逼大家背

    回覆刪除
    回覆
    1. 我好似係初中先讀到,程度可能比你低...:P

      刪除
  2. 乜中學要讀唐詩嘅咩?定係我間垃圾學校冇教呢?

    回覆刪除
    回覆
    1. 會考好似要考唐詩宋詞三首果啲,仲記得唔得車轔轔馬蕭蕭,行人弓箭各在腰?
      王子可能係尖子唔駛考高考直入大學果隻係咪XXXD

      刪除
    2. 唔通我同你有代溝?我個syllabus唔使考&教個喎.
      車轔轔馬蕭蕭,行人弓箭各在腰>明顯係唔知你噏乜啦.

      刪除
    3. 兵車行喎!?
      咁可能我記錯或者王子後生好多唔同generation....XXXXD

      刪除
  3. 回覆
    1. 大陸啲山水景點通常都係喱隻囉^^

      刪除
  4. 我都覺得靚景多小要付出啲汗水,可惜同埋啲老人家去,就咁武漢大學睇就算.......

    回覆刪除
    回覆
    1. 武漢大學依家好似要上網預約先可以入去(櫻花旺季要預早好多個月去book位),可能驚太多遊客打擾了校園的清幽吧!!

      刪除
  5. 高山流水,詩情畫意。
    人在畫中行,且自逍遙。

    回覆刪除
  6. 其實大媽大叔都是成熟的牛郎織女耶!

    回覆刪除
    回覆
    1. 牛郎大叔
      織女大媽
      其實都是成熟的耶!

      刪除
    2. 絕對同意......卅幾四十年前佢地應該都係帥哥正妹,可惜當年或許沒有這閒情來鵲橋吧XXXD

      刪除
    3. 咩事大夫突然咁感慨?!XXXXD

      刪除
  7. 酒醉湖!呢個名實在好聽、好有詩意!

    回覆刪除
    回覆
    1. 可能因為湖江山色像醇酒,令人迷醉!!^^

      刪除
  8. 裝了摩打,人冇咁費力,仲可以走多幾轉啊。

    回覆刪除
  9. 好謐靜的景緻! 空氣好眼睛去旅行, 終有櫻花看了, 正!

    回覆刪除
    回覆
    1. 上一遍已經有櫻花啦喎!!@@
      長期住在石屎森林,外遊通常都想去下啲真正森林,欣賞下人地啲山水名勝^0^

      刪除
  10. 其實D大媽大叔為左映相,乜都唔驚,我上次去大峽谷大媽真係行到好出,我都驚佢地跌左落去

    回覆刪除
    回覆
    1. 佢地可能習慣咗係咁所以膽大少少,無我地咁生人唔生膽wakakakaka.....

      刪除
  11. 山明水秀勝在冇咩人,若然人太多又會影響少少氣氛…

    回覆刪除
    回覆
    1. 咁啱gael兄提到牛郎織女,聯想起風雨橋上的吊橋,真係可以當鵲橋畀遊客影吓相…

      刪除
    2. 平時在HK都實在天天都人口密集,所以外遊都想揀啲秘境XXD
      夾返之前七夕囉!係喎話時話今年森兄有冇食大菜糕先?
      犀利喎森兄留意到條吊橋,我行山時miss咗所以無行到上面條吊橋比較可惜,如果再眼利啲可能仲會留意到吊橋旁邊其實仲有條滑索,不斷有人由山上一直滑下來湖邊喱度,有啲人一路滑一路嗌得好大聲,都幾搞笑,不過應該係要畀錢,我無留意要畀幾錢:P

      刪除
    3. 係喎話時話今年森兄有冇食大菜糕先?>>>>>

      咩事要食大菜糕呀???!!!係咪gael兄整到多得滯, 要老人家幫手清???...哈哈哈

      刪除
    4. 我見森兄都好注重中國傳統節慶,諗住七夕果日你會整返底食下丫嘛:P

      刪除
  12. 如果櫻花盛開風景應更美.

    回覆刪除
    回覆
    1. 可能要再早多半個月會多花睇啲

      刪除
  13. 有個亭哥張我覺得影得好靚好詩情畫意呀!!!!唔錯~~~~
    我想問下點解要戴住頭盔行太魯閣既XXD

    回覆刪除
    回覆
    1. 係喎忘了提一提這個湖中亭叫做醉心亭,我都覺得幾有特色,唔知係特登起在亭在湖中心,定係原本未有個湖之前係有橋過去呢?
      咁你下次去花蓮的話,記得要去太魯閣,咁你就一定會知點解wakakaka...
      如果好心急想知,咁你要click返去睇下:https://gaelhk.blogspot.com/2012/12/blog-post_6.html

      刪除
  14. 乘竹筏去湖上泛舟,當然要有船伕划竹筏才夠風味啦。
    “酒醉湖”這個湖名都幾有詩意,應請李太白來散髮弄扁舟。

    回覆刪除
    回覆
    1. 之前睇過遊灕江果啲好似都仲係保持用船伕划竹筏的!!
      唔知李太白有冇來過這裏呢?如果有,可能個名都同佢有關喎^^

      刪除
  15. 泛舟湖上真寫意,配合咁有詩意既自然環境個feel更好:)

    回覆刪除
    回覆
    1. 好彩唔算太多人囉!
      如果太多遊人就有點煞風景了:P

      刪除
  16. 回覆
    1. 靚㗎!^^
      不過要揀啲「秘境」囉,太熱門果啲就太多人了:P

      刪除
  17. 起步大斜坡山路,45度角石梯級,應該都行得幾攰吓,為咗睇靚景都要付出下啦!

    回覆刪除
    回覆
    1. 好彩主要係落山路,所以只要小心就沒太大問題.......
      要啊,行山都好有益身心嘅^^

      刪除
  18. The views of the lake and waterfall are good.

    回覆刪除
  19. 我呢個老人家都好鍾意愛想當年~
    甚為濕滑?基爾兄唔係仲著住美國對爛鞋嘛?😝
    很多景點山崖石壁間確實看到題字賦詩,可借這些古詩古時是沒有簡體字的,簡直大殺風景!

    回覆刪除
    回覆
    1. 我都好鍾意睇你寫想當年XXXD
      Bingo.....咁醒嘅你wakakaka....爛鞋有感情丫嘛!
      我都覺得係,寫古體字會更有味道,寧願佢刻草書:P

      刪除