快快手手又寫多個首日封！今年年尾好似都幾多靚郵票推出，當中必買的包括下面這套以粵劇為主題的郵票。
粵劇是中國著名的傳統戲曲藝術，於2009年獲聯合國教科文組織列入非物質世界文化遺產名錄。演員主要以唱、做、唸、打四種基本演繹方式，配合饒具特色的音樂、服裝、道具和舞台場景，把故事呈現出來。
細細個時基爾睇得最多大戲就是從電視重播的粵語長片中看到的戲曲片，那些任白戲寶紫釵記帝女花獅吼記唐伯虎點秋香就最有印象了。另外就係每年年尾的籌款節目，都仲經常可以睇到大戲演出。
今次發行的粵劇郵票首日封，全部都是選取自最經典的劇目，相信即使無睇過都一定聽過個戲名，分別包括有$2《帝女花：香夭》（明末清初長平公主與駙馬周世顯花燭夜拜堂殉國）、$2.6《雙仙拜月亭：搶傘》（宋朝尚書王鎮女兒瑞蘭與書生蔣世隆戰亂中相遇）……
另外仲有$3.4《關公月下釋貂蟬：貂蟬自刎》（三國時代關羽識破貂蟬夜訪的美人計）、$3.7《鳳閣恩仇未了情：惜別》（自幼到金國作人質的紅鸞郡主期滿返回宋土淚別護送的耶律將軍）、$4.9《梁祝恨史：化蝶》（祝英台到梁山伯墳前殉愛雙雙化蝶永不分離）、$5《昭君出塞：出塞》（王昭君出塞到匈奴和蕃以一曲琵琶懷念家國之情）。
講左咁多會唔會勾起返好多粵劇大老倌的身影？那些年小基爾睇電視時最有印象係紫禁城破時靚次伯拎住把劍追斬白雪仙果幕；另外麥炳榮同鳳凰女唱「一葉輕舟去」也是經典；仲有芳艷芬去到任劍輝墓前哭墳時突然成個墓爆開，一陣煙就化成了一對蝴蝶；王昭君出塞唔駛講一定記得紅線女拎住琵琶唱歌吧！
粵劇劇目
發行日期：2018年10月9日
發行日期：2018年10月9日
上次係咪出過一批，定係第一次，好似講左好耐。
回覆刪除我又唔見佢有寫系列二之類的字眼,應該是第一次出吧:P
刪除哈哈,吸引我嘅唔係個設計，而係佢嘅英文譯名。
回覆刪除咁你有冇留意帝女花和梁祝係點譯??
刪除我睇真啲原來係譯作The Story of Princess Changping和Butterfly Lovers(以王子專業翻譯角度又合唔合格先)
我鍾意這一套郵票，真的好表達到香港文化，包括佢話係Cantonese opera rather than Chinese opera.
回覆刪除客觀而言如果以「粵劇」這詞語作英文翻譯計,咁又係譯Cantonese opera比較準確少少嘅^^
刪除Cantonese opera is a kind of Chinese opera.
回覆刪除大夫變大哥XXXXD
刪除嘩...你對劇目的故事咁清楚...
回覆刪除你話“那些年小基爾睇電視時最有印象係紫禁城破時靚次伯拎住把劍追斬白雪仙果幕”
我最記得果句..."父皇！父皇！一劍唔死得架..."
:)
首日封背後有劇目介紹㗎喎,照抄㗎咋XXXXD
刪除仙姐這句對白簡直就是經典中的經典,有看過帝女花一定記得啦!!!!
又考一考你(畀你考得多wakakaka),咁你記唔記得阿仙姐最後係畀邊個救走㗎先XXXD
瑞蘭...
刪除:)
勁喎你......果然係有睇過喎XXD
刪除但我睇果個任白版本係丞相周鍾(歐陽儉)和佢個仔周寶倫(蕭仲坤)拖住仙姐走佬!!
瑞蘭係周鍾個女
哈哈。。。你都睇得好詳細啊！
刪除帝女花真係睇過無十次都有八次啦係咪XXD
刪除帝女花的確是成了經典的經典...
刪除以前人人都識“落街無錢買麵包..."的！
現在就無乜人識了...
連落街無錢買麵包你都識.....!!@@XXD
刪除我諗依家無乜人會識唱wakakaka
刪除我都話我好"資深"架啦！
刪除哈哈！
係呀好"資深",同基爾差不多級數XXXD
刪除我都很喜歡這套粵劇為主題的郵票，看看已經很滿足！
回覆刪除對呀,很有香港特色,如果外籍人士來港遊行也很值得買套做紀念吧
刪除套郵票印得好靚.
回覆刪除我都覺,這套以今年計是必買之一吧
刪除我很喜歡帝女花：香夭 ... 首歌 :). I am back la
回覆刪除咦!!咁有冇趁留在港時去新光睇場大戲先^^
刪除當然冇時間啦，哈哈哈。
刪除因為主力一定放在食方面wakakakaka....
刪除哈哈哈
刪除Bingo^^
刪除肥人娘家那邊一年都有幾次大戲做, 呢幾年常常都請蓋鳴暉黎呢~
回覆刪除所以我都識唱幾句架...haaaaa
北角新光都長期有大戲做XXD
刪除蓋鳴暉我諗係現今最活躍大佬倌
咁仲講,快啲唱幾句來聽下,子喉定平喉wakakakaka
我反而最有印象係帝女花 & 紫釵記, 皆因我老媽以前成日聽
回覆刪除我諗如果全民投票,最多人識都應該係喱兩套
刪除gael兄好嘢喎…每一場大戲都記得誰做的,
回覆刪除我只記得帝女花係任白主唱主演…
雖然對睇大戲麻麻, 但係呢套大戲郵票唔錯~~
多數記得啦,喱幾套都係好hit嘅算係^^
刪除仲有雛鳳版本電視都成日播，一樣都有靚次伯
粵劇都幾代表到香港
印象中雛鳳劇團好耐了，現在還有嗎？靚次伯聽過，什麼樣子完全冇印象…
刪除我覺得粵劇代表某個時期的香港…
咁森兄以後就唔可以自封森伯,就改叫𡃁仔森啦wakakakaka.....
刪除你咁講我都同意....諗諗依家如果揀最代表到香港係乜呢??
手機電玩?網淘?抽居屋?XXXXD算唔算係三甲之選?
年青人成日講本土文化，又幾多人會珍惜粵劇？
回覆刪除紫釵記帝女花，我死鬼嫲嫲不知看了數十甚至上百次，但都唔知故事講乜🤣 上幾輩很多人文盲，純粹聽吓有人唱歌😅
我諗有都唔多,之前睇電視有小朋友學粵劇仲有比賽添
刪除四五六十年代我諗睇大戲都係主要娛樂吧!!
睇慣睇熟果啲都看懂劇情嘅^^
記得以前好似仲出過一套京劇旦角，忘記係香港郵票定中國郵票
回覆刪除2014年有出過一套係粵劇服飾我都有寫過blog,你有冇印象?
刪除每年年尾的籌款節目，都仲經常可以睇到大戲演出---->我認識的那個籌款節目，大戲通常都留到好夜先做啊=P
回覆刪除那個籌款節目應算是大眾的集體回憶吧^^
刪除其實大戲可以早少少播,反正都是錄影,也可以方便老人家睇,唔駛下下要等到午夜咁眼瞓.....
同埋最主要係早段播果啲所謂表演,依家實在無甚可觀性XXXXD
明明對大戲一竅不通，但小時候竟然試過捱夜唔瞓為咗睇香夭一幕，哈哈！
回覆刪除香夭好多時做折子戲都會選來做,非常hit^^
刪除粵劇我只識帝女花!
回覆刪除紫釵記一定都識識地嘅^^
刪除小時在戲棚看見花旦頭飾服裝覺得好靚,
回覆刪除長大後看過最記得看過特丹亭驚夢, 又喜歡水袖,
打跟斗, 滿是褀的裝飾 :) ...
小時候其實不太懂看大戲,只覺得點解古時啲人講講下嘢又要唱支歌?同埋點解要咁高音XXXXXD
刪除牡丹亭個舞台效果夠特別,蝶影紅梨記果幕羽扇舞也很夠經典,看過一定會記得....推車水袖水髮都是好有趣的舞台表演技巧
訂咗都費事睇
回覆刪除唔知會唔會出崑曲越劇呢又?
刪除全部劇目都聽過，不過就未睇過@@
回覆刪除你主修登山動漫^^
刪除幾款郵票製作得好靚，值得珍藏呀！
回覆刪除設計都幾靚,幾適合寄畀遠方長者親友
刪除這套郵票設計得唔錯……
回覆刪除希望會有更多人認識粵劇這種文化藝術！
阿摩對粵劇都應幾有認識吧見你不時有去看大戲呢^^
刪除“帝女花”初上畫時陪姐姐們睇過一次，後來多年後再上畫，大哥竟然買飛(票)要我陪佢去電影院看一次，所以我總共看過兩次。
回覆刪除不過，在電視上看過、聽過這首歌很多次了。唱K時我都好喜歡唱任白的戲曲。當然是和一些喜歡各類歌曲的志同道合者，才會唱起粵曲來。
我好似好細個時有跟家人去戲院看過一次大戲,但忘了是什麼劇目了...
刪除你兩次也是看任白版本呀?帝女花以前過年長假期間中會重播,依家就少好多了!
我估唱K應該都幾多人會點播大戲,因為夠長可以唱盡興啲wakakaka
記得第一次跟家姐們去看任白的帝女花，片上的顏色很美! 可是多年後跟大哥去看時，套片啲顏色好難睇，可能是太舊了。可能因此不再上映任白這套片了。
刪除如果遇到不喜歡粵曲的人，會覺得長篇過甚，覺得悶死了。
小時候也跟家人去戲院看過一次大戲,好似係獅吼記,都係任白作品呢!!
刪除近年電影資料館好似都有替一些香港舊電影進行復修工作,可能對保留這些文化遺產有幫助!!
戲曲藝術如果仔細研究大有學問,是保留了很多中國傳統戲曲文學的瑰寶,如喜愛中國文學的應不會覺得悶吧!^^
我都有跟姐姐們去看過任白多齣古裝電影。以“帝女花”的幾首對唱曲最為人熟識。“牡丹亭驚夢”和“再世紅梅記”等也有很動聽的歌曲。
刪除任白牡丹亭和再世紅梅記好似也曾在電視上看過,以前新年通常會播大戲電影呢
刪除看過電影“獅吼記”和“跨鳳乘龍”。至於“牡丹亭驚夢”和“再世紅梅記”我也是在電視和Youtub上看的。
刪除記憶中在電視仲有看過梁祝,芳艷芬做祝英台!!
刪除任白當年都拍唔少戲曲片,蠂影紅梨記和李後主都好精彩,是經典中的經典.....
有否去看~龍劍笙的大戲 @ 蝶影紅梨記呀 !?
回覆刪除冇呀....好唔好睇?^^
刪除去年底tvb 在深宵播出任白的舊片「蝶影紅梨記」，攪到我寧願唔睡看這部片。真係好好睇呀!
刪除依家好興周日晨咁早播舊片,唔知會唔會再重播大戲呢?
刪除Tvb 通常都是重播舊片，好少重播大戲。youtube 才會播放任白徒弟做的大戲。
刪除如有時間在網上找,都會發掘到唔少寶藏呢^^
刪除