費天王都會輸？

講都無人信！費達拿都會輸？仲要以0﹕2輸畀個拍藥人添，真係唔敢相信自己對眼。不過好似因為太熱，同埋腳趾生了水泡，實在跑唔郁之故，但差6仗都破唔到干納斯的連勝紀錄就實在可惜。

這個號稱擁有古頓反手、阿加斯接發球、森柏斯發球同波格腦袋網壇天王，之前人人都寫個「服」字畀佢，因為佢實在有太多贏波瓣數，底線水準跌watt咪上多網囉，上網畀人睇通咪又可以返底線同你搓下囉！好少好似今仗咁，正如佢自己話，幸運女神沒有如以往一樣突然出現幫佢一把……

不過帶離一條街的費天王，暫時都無人威脅到他的王朝，咁又係事實。環顧對手，洛迪克要練好上網先；夏韋特明顯技術已經落後；拿度、沙芬、拿班迪安不太穩定，經常輸到嚇你一驚；加斯基特、梅利又未夠成熟。今次費達拿輸可能都係好事，正好準備一下即將展開泥地賽季，話曬最令人期待佢到底可唔可以圓夢，登上仍未到手的法國公開賽王座。

上圖的費達拿Poster是私伙製作，只此一家，又可以練下自己Photoshop，以免畀返曬譚老師！效果也不錯，對嗎？可媲美「周日畫刊」吧！背景個瑞士阿爾卑斯山好靚，一定要去一次。