繼續行埋下半場吧！大學校園仲有咩特別野睇呢……
放在文學院學生會展廳外的一幅簡單Mainbuild素描，真係畫得幾靚喎！
由二樓望返落去荷花池，開始多人在這裏閒坐乘涼了，好彩先前已在那裏影左相。在Mainbuild裏來來回回行了好幾轉後，再行返出去比較寧靜的小花園，見有木椅喎，又閒坐下先。
坐完一輪稍事休息之後，又返入去探訪一下個廁所！咦，原來依家個廁所都裝修得幾靚喎，天花頂的仿古吊扇仲好有復古味道，很有情調的一個廁所，入左去幾乎不想出來……在廁所hea夠之後返出去，竟然遇到一些和服少女，一定係有表演睇了。
除左和服少女外，仲有穿上韓國、泰國民族服的學生表演傳統民族舞，另外還有位番鬼叔叔手持結他大唱懷舊鄉謠歌。
表演舞台對出就是孔慶熒樓，以前這裏稱為「孔記」，因為裏面有間不錯的小餐廳，由於環境非常有情調，不少學生在空堂時都愛在這裏打躉吹水，可惜餐廳後來結業了，大家就少了個落腳地，現在還變成了音樂系的大本營。
Mainbuild外有一些小攤位，都是各學系擺設的，有些賣書，也有賣紀念品、T恤等。上圖左下是前門上的小陽台，可惜當日無開放，記得昔日有次在那裏閒坐過，是感覺很悠閒的理想傾偈好地方。
離開Mainbuild行上少少，就見到Knowles Building。Knowles的歷史雖然不及Mainbuild悠久，但也是60年代的舊建築，內裏的迴廊和樓梯設計迂迴曲折，成日會令人蕩失路，也因為咁，這裏亦成日有鬼故聽！
Knowles隔籬就是Main Library，由於基爾已經無證，所以不能入去，只能在大堂望下就算了，唔知上面有無咩改變呢？另外，關於Knowles與Main Library連接的這條橋，以前也聽過不少特別的「故仔」。
沿中山階繼續往山上走，就是邵逸夫、許愛周等幾座較新的大樓。久違了的中山階比以前綠化了許多，變成了一個小花園模樣，不過樓梯就窄了很多，少了昔日的氣勢。
咁辛苦行上來為左乜？咪就係為左去喱度影相囉！這裏的Lugard、Eliot和May Hall是Mainbuild之外另一重點歷史建築，是典型的愛德華式紅磚牆設計，分別建於1913、1914及1915年，至今有近百年歷史。比較可惜的是，Lugard Hall已於1992年拆卸，現時只餘下兩幢。
Eliot Hall仲保養得好好，一磚一柱都有濃厚20世紀初英式建築的味道，電視台絕對可以來取景拍民初片啦！
再行上少少就見到May Hall，外牆設計與Eliot Hall大同小異，比較特別的是二、三樓的小露台，彷彿將每個房間都連接起來！May Hall對上的山坡還有不少老榕樹，見證了這幾座古老大樓的歷史變遷。
現時May Hall已成為教職員宿舍，難得喱日中門大開，又行入去睇睇，長長的木樓梯與大樓的古舊氣氛很配合，不過底層的走廊就畫了幾in的塗鴉，走在其中彷彿穿越了時空。
最後仲有一座古老大樓要去探一探，就是太古堂旁的鄧志昂樓，它建於1929年，由鄧肇堅爵士父親鄧志昂捐助建成，大樓於1931年由時任港督貝璐爵士揭幕，1995年獲列為香港法定古蹟，現為香港大學亞洲研究中心。
臨走前，當然要去看看兩件民運歷史遺物，分別是太古橋上的「冷血屠城烈士英魂不朽，誓殲豺狼民主星火不滅」大字，以及擺在Haking Podium的「國殤之柱」！
結尾又來一張新舊對照吧！地點雖然不是exactly一樣，但感覺近似，就拿來作對照。原來港大仲陸續有搞這類「建築歷史人文之旅」，有興趣的blog友不妨去睇下。
本來仲想去逛逛東閘正門外的馮平山圖書館，可惜去到時已到閉館時間，唯有留待下次才參觀吧！
沒有留言:
張貼留言