2012年9月3日 星期一

銅鑼灣閒逛新誠品@銅鑼灣

基爾成日畀人話老人家太長氣,今次不如就玩下speed reading,包保10分鐘內連埋留言都可以搞掂,速去片!



發現上次影商場D海綿寶寶影漏左野,今次經過又黎補影返,原來都仲有D盞鬼野,影黎引下人都好!



基爾家姐閃電回港,話想去新誠品睇下,基爾本來無意咁早去睇喱個新屎坑,不過為左陪人都去一趟啦!閒日去到無想像中咁多人,先去逛旅行書果part。



誠品果然係誠品,賣精品果part都幾多得意野,包括模型車仔,仲有廚具都有得賣,好似去左Ikea咁!右下果本書封面幾靚……



誠品有3層,不過每層樓面都唔係好大,如果對書唔太有興趣,好快就行勻一圈。書店仲特別有幾個大玻璃窗,喱隻可以望到Time Square同跑馬地果邊,睇得書耐望下出面風景都唔錯!



蔡瀾喱本講香港食店基爾都揭左一陣,有唔少仲有幫襯過,喱間靚靚車仔麵在近Poly的尖東;另外講煮野食的喱兩本Jamie Oliver都值得一揭。



除左文具餐具之外仲有其他家居精品和茶葉、香薰、咖啡之類賣;右上圖是兒童書corner。



喱一面牆主要介紹書店將會邀請到咩作家來舉行書會;右面是一本香港街景的素描畫集,畫得真係好靚好仔細,好多都係老街景。



誠品樓上仲有個food court,都幾多檔口選擇幾多,可惜基爾來到時正遇上lunch hour超多人,所以都係留返下次先試了。行返落商場見到喱隻大花鞋同無字天書……



商場裏仲有喱間HD雪糕店,之後再行埋H字頭男裝店,不過入面好黑鼆鼆咁,唯一係門口喱盞大吊燈幾靚!之後行返過灣仔碼頭搭船過海。



過到尖沙嘴點都影下叮噹啦!之前成日覺得D叮噹日日畀咁多人攬攬錫錫過,感覺上都幾污糟,但行埋去摸下又唔算喎!喱面人山人海,但1881果個名店商場就鬼影無隻,靜到真係可以拍返套恐怖片!



都係出返去平台曬下太陽好過,平台花園有兩架仿古董馬車都幾靚,同四周圍的古建築好襯。



舊水警總部變左酒店,唔知第二時有無機會入去住下呢?!下面廣場仲有架蕃鬼帆船,得閒坐下出海都唔錯喎……都係快D返屋企訓個靚覺發個好夢算數了!



返到屋企睇J2又有旅行節目,喱次係去維也納,基爾去果陣計計下都有成11年了,時間真係過得好快,不過歐洲城市好就好在幾十年如一日,睇返D熟悉風景畫面又要拎返D舊相出黎睇下回味下先得!

沒有留言:

張貼留言