The Big Bite@北角

近排天氣鬼咁熱搞到無乜胃口，喱日索性唔帶飯，跟同事出去食下晏，一來去行一陣；二來聯誼下；三來可試試新口味，真係一次過滿足晒三個願望！

半年前同事食過喱間Big Bite，正當想帶基爾去試之際，發覺佢可因為抵受不了大幅加租而執左，結果食唔成。點知最近發現佢原來在另一較偏僻的舖位復業，所以基爾點都要去試一次算是完成心願！



近來似乎越開越多這類漢堡包店，好多都似優質作賣點，當然價錢會比麥記或帝記貴一大截，不過間中食次都唔錯！唯一問題係基爾向來唔好牛肉，所以這次只試了個Big Fish（即魚柳包）。這個40幾蚊的魚柳包同8蚊雞的當然有分別，抵唔抵就真係見人見智，但確實係好好食的，魚柳又大又厚又多汁不在話下，芝士醬料生菜也很豐厚，如果胃口不佳，食一個包都夠晒飽！同事叫的Big Bite漢堡餐，連厚切薯條和汽水要七十幾蚊，都係果句﹕「間中食一次當獎勵自己絕對值得！」

 

The Big Bite
北角渣華道196-202號嘉富大廈地下4B號舖