金裝燉奶佬餐廳@馬鞍山

屋企附近無乜食野地方選擇，比較多會幫襯喱間燉奶佬，感覺上比食大記快記美記等連鎖快餐廳抵，選擇又多，又唔駛排長龍。

正所謂近廚得食，喱日坐在近廚房位，係咪會快D有得食就唔知，不過可以見到晒廚房裏的工作情況，都幾得意！原來全間店就由這4位型男廚師搞掂晒，見佢地個個無停手，認真犀利！講返食，先來碟北菇鮑片斑腩飯（$41），雖然唔知鮑片係咪真正罐頭鮑，但個鮑汁就很好味。



另外還叫了黑椒茄子雞扒燴烏冬（$40），同樣是汁料豐富，而且不算太辣，比較醒胃，基爾至like！向來不愛太乾爭爭的飯菜，有D汁點下好味D。



最後是食甜品，來燉奶佬當然要食燉奶（跟餐加$5），另外還叫了這個富士蘋果西柚蜜（跟餐加$3），不過上桌時個杯就明顯無menu圖片中的玻璃茶杯賣相咁靚，飲落亦略甜，試過一次就夠了。

 

金裝燉奶佬餐廳 Daniel's Restaurant
馬鞍山廣場269-271A號舖