薩莉亞意式餐廳@北角

農曆新年後第一日開工，重點節目當然係與同事開心食返個「開年lunch」啦！

同事推介喱間意式餐廳非常抵食，選擇又多，一於去試下。喱日來到雖然仍是公眾紅字假期但都完全唔駛等位，即時入座睇睇menu有咩好野食先。



卡位對正個Fontana di Trevi，比少少幻想置身在羅馬許願泉旁的廳餐嘆個lunch……前面有幾部自助飲品的水機，加錢可以任飲；menu裏大部份菜式都係廿零三十蚊，唔駛諗一於狂嗌！



先來個波菜煙三文魚忌廉意粉，實物的賣相不會同menu差很遠，激讚！黑椒蜆肉鐵板煮比較乾身但蜆味濃郁，有別於一般吃慣的中式或日式煮蜆。



去意式餐廳點少得pizza，叫了這個比較有特色的水牛芝士批，只係$29！仲有成8寸咁大個，其他餐廳可能只食到一角仔而已；另外仲有Shrimp Doria和海鮮焗飯。



仲唔夠食？再叫多個甜蝦沙律和水牛芝士，同樣是抵食夾好味道。



所有碟都係閃電照晒鏡……食力果真驚人！



最後又點少得叫甜品：Custard Pudding和Dreyer's雪糕，後者只售$6杯，仲有美國開心果和紐約式藍莓芝士餅兩款味道選擇……這餐蛇年開年飯真係要畀足95分！

 

薩莉亞意式餐廳 Saizeriya Italian Restaurant
北角英皇道416號新都城大廈地下2-3號舖