武漢迎花潮@晴川閣

睇櫻花睇到厭倦未？咁係時候跟基爾繼續過去晴川閣，聽聞這裏長江邊的堤岸公園係睇日落的熱門景點之一，可以媲美隔江對岸的黃鶴樓。

在武漢最後的一天full day，要好好善用時間。來到晴川閣時已近日落黃昏時份，即刻就上去佢個堤岸公園走走，大門口有個「國而忘家」的石牌坊，仲見有老外好似在影廣告相之類。



所謂的「國而忘家」相信是紀念大禹治水有關吧！來之前要做少少功課，知道晴川閣這邊仲有間古老的禹王廟，所以附近的江灘公園都有不少以大禹治水為主題的雕塑，包括上面這個聳立於九鼎廣場旁的大禹治水銅像。



如果沒去看浪奔浪流的外灘等於沒去過上海的話，咁來武漢就一定要來晴川閣這邊近距離看看滔滔長江天際流的氣勢了。由這裏仲可以遠眺對岸的黃鶴樓，這段的長江望落比維港還要闊得多，景觀開揚空氣也好，仲可以睇埋側邊的長江大橋添！



比較揼心係當行過去晴川閣時先發現，原來剛巧這天佢day-off不開門，唯有望門輕嘆離遠影張相當係「到此一遊」吧！



幸好江灘公園這邊係長期開放，古老的杉樹林中竟然都有幾棵櫻花可賞，總算補償了一點失望心情。黃昏夕照下的櫻花又有另一種美態，同埋喱度賞櫻係唔駛收入場費的呢！



夕照下的滿開櫻花很美，同之前要畀錢入去睇的東湖公園可謂不遑多讓，更重要係喱度少人好多，終於唔駛同大媽大叔逼啦！



成個下晝都要不停抬高頭舉起對手不斷影櫻花真係影到累，不過因為實在太靚太興奮，咁累少少都要影啦係咪！



咦！見前面仲有些係紫紅色添喎，唔通有唔同品種的櫻花？仲見有幾個大媽好興奮咁團團圍住棵靚樹係咁影呀影……



其實個杉樹林入面行入少少都仲有好幾棵這類的紫花樹，一樣係開得好燦爛，咁基爾無謂同大媽們一齊逼，自己行入少少慢慢影飽佢！



好彩基爾之前去花旗國果陣買了張容量大少少的卡，否則咁影法手機好快爆棚都似（手痕又要試玩下手機不同mode的拍攝效果）。這裏的紫荊同香港常見的洋紫荊屬不同品種，所以不能像差不多先生咁純粹見個名似就混為一談，香港的洋紫荊是蘇木亞科羊蹄甲屬植物。



同場花園裏仲有茶花可賞，但人氣當然稍遜，慘被大媽們打入冷宮。左下圖是大禹與九尾狐銅像，是這裏的大禹神話園內其中一座銅雕。有冇留意九尾狐的銅嘴被遊客摸得特別光滑，好似係話旺姻緣喎！信不信由你……



盡情咁吸收晒D櫻花桃花紫荊花日月精華之後，一場來到點都要落一落長江灘邊摸一摸長江水吧！沿江邊其實都有唔少這類長梯級一路行落去碼頭，由這裏坐遊船可以穿過長江三峽一路去到重慶。



不過基爾今次來武漢只係短trip，要留返下次預多十日八日先再去遊三峽吧！在碼頭運完吉咁又行返上去大禹神話園睇雕塑，上圖喱幅石雕牆好壯觀，叫做大禹治水圖。



好喇行到日落西山都係時候要早少少去食個靚晚飯先（因為夜晚仲有個節目），臨走前一定要去影埋長江大橋果座橋躉先夠圓滿！



這座宏偉的武漢長江大橋於1957年竣工通車，上橋行車下橋鐵道，遠看係咪有點似歐洲常見那種古羅馬輸水道！上圖右則是位於大橋頭的龜山電視塔，不過由於已開始入黑就冇行上去參觀了。



之後其實仲有行過去對岸的黃鶴樓，由這裏看日落都一樣靚，不過主樓同樣close了（冬季閂五點），咁無謂花時間行上去，就在外圍影張「到此一遊」算了，留返下次有機會重遊吧！