中央飯店@深水埗

喱排part time食探少左出巡，都係時候出一出動以免畀人遺忘左。喱次揀左平時好少去的深水埗區，去試一間老牌中菜館。

食飯之前先去朗豪坊 / 位於深水步的中央飯店

為左等人放工，先去朗豪坊hea逛陣先。友人話想去買季尾波衫，話有discount！果然見佢大手入貨買到唔停手，至於基爾本來趁高興也睇中件，可惜又無size算啦！慳返成兩舊水，仲好！


好耐無幫襯過喱類老式茶樓

買完野就移師過去深水埗。出左地鐵左穿右插行左幾條街先來到，大門口在一幢大廈裏面，很有70's feel的老式茶樓門面。由於時間尚早，店內人客不多。


東江鹽焗雞

見好多人都會叫喱味，即管就試試！但其實味道唔算太特別出色，都係雞一隻，可能基爾唔識食吧，也不特別愛食雞！


豆腐雜菜煲

喱味通常比較穩陣，事實上也夠新鮮滾熱辣，反正每次食飯總要叫一兩味菜，平時食開炒菜，今次改叫豆腐雜菜煲更健康，至少無咁肥膩吧！


西檸肉排

另一款常叫的穩陣菜式，喱味都係好少會煮得難食，但就同樣無乜驚喜，不過無乜所謂啦！志在有個適合傾偈的地方hea坐下吧！


蝦醬炒通菜 / 有糖水送

除左雜菜煲之外仲叫多味菜，蝦醬炒通菜都係例牌菜式，基本上也是合格的水準，沒有太大驚喜（或者驚嚇）。最後還有類似百寶粥的甜品送，都算係咁架啦！埋單計$300左右，價錢不平，但也不太貴，算係一餐「中庸飯局」吧！寫blog前睇返OR睇下人地又食D咩先，原來都仲有好多炸大腸、炒鮮魷之類。值得一提係佢地早茶都有一些懷舊點心，咁睇黎好似飲早茶有特色D喎！

 

中央飯店 Central Restaurant
深水埗大埔道140號東盧大廈地下