2013年6月22日 星期六

大鴉洲船民營遺址@南大嶼山

大鴉洲到底在哪裏?基爾之前都唔係太清楚,今次也是第一次去(平時沒有渡輪或街渡前往),原來都幾遠的,搭船要成兩個鐘,才來到南大嶼山這個荒島。



不過去荒島探險前,先去同鴨仔say goodbye,雖然係朝早七八點但已經都幾多人,奇怪又會晨咁早咁多人咁神心來看rubber duck!



大約9點才正成起程,途中經過青洲燈塔,它有逾百年歷史,始建於1875年,1904年再建第2座燈塔,燈塔旁還陸續起了歐籍職員宿舍及前看守員房舍紅磚屋。燈塔至今仍有運作,並於2008年列為法定古蹟。上圖見到的是17.5米高的新塔,整座塔的外牆髹上白漆。



在茫茫大海上「漂流」了很久很久,終於來到南大嶼山芝麻灣半島的海岸,喱度除左荒地多海水多之外,仲出名「奇石」多,上面喱幀相就有座很出名的怪石,睇唔睇得出係乜?



再zoom埋睇真D,無錯就係喱座「肥豬石」,遠睇形態真係有小小似隻肥豬蹲在礁石上一樣,像真度有9.5。



在船上呆坐左2小時15分之後,隻船彷彿終於找到它生命中所屬於的碼頭了!仲唔拿拿林泊埋去……大鴉洲和小鴉洲等九個小島散落在南大嶼山海面,合稱「索罟群島」。



一上碼頭旁邊就係荒廢多年的直升機停機坪,喱日天氣極佳加上四周圍都無遮無掩,真係曬到無鄰幾乎熱到溶左,基本上都無乜心機再去影相,途中只影左上面喱個「小天池」,當然同長白山果個差好遠,不過都好天然,至少附近都無乜人煙、無乜垃圾,最多的應該會係蚊同青蛙。



80年代大鴉洲曾建有越南船民羈留中心,收容逾5000名船民,1989年還曾發生過船民暴動,島上戒備森嚴不接受外人來訪,直至1996年關閉。現時營舍早已拆卸,僅剩荒涼遺址和幾棵當年種植的南洋杉留下來。本來還想去島上的荒廢漁村探險,不過可能太耐無人到,通往荒村的山路都被橫生粗藤封鎖,無開山刀跟本無法走進去,最後唯有放棄,沿路返回碼頭欣賞下海景也不錯,喱日咁好天還可望到南面遠處的萬山群島,那邊已是中國海域了!

2013年6月12日 星期三

2Q12瀛遊東北@森山海岸

「戴上Ray-Ban太陽眼鏡,走出房間。隨即走進公寓對面的兒童公園,站在昨夜他坐過的滑梯前,在腦中再現當時的情景。大約十二個小時前,真實的他曾經就在這裡,與我所在之處僅隔著一條馬路的地方。他一個人靜靜坐在這裡,久久地仰望月亮……和他所望的相同的兩個月亮!」



告別了友善的日本大叔後,馬上繼續向王池西湖進發,喱邊可以說是十二湖景區裏見到最多紅葉的地方,當然要留耐少少,影多陣相先啦!



紅葉黃葉夾雜尚未轉色的綠葉全部堆在一起,確實係驚人的色彩繽紛,絕對與大棠的紅葉有很大分別,現場睇比看照片還要震撼得多。



至於王池西湖本身,可能由於之前已經睇左好幾個大大小小的湖,所以開始有少少麻木了,但風景依然是很美的,有些遊客如果乜都唔行只行王池其實都OK。



最後終於來到行山徑的終點「八景之池」,唔知點解喱度湖邊的楓樹特別有和風味道,影出來就是一幅靚爆的「浮世繪」。



究竟有邊八景,基爾都不太清楚,不過求其在湖邊影下相已經係一絕靚景,毋須再深究其他。在十二湖中這個池算是較早開發的旅遊區,還有出租小艇供遊人泛舟湖上。



「八景之池」出面正好有個穿梭巴士站,反正已經行得差不多,唔駛諗立即去等巴士返落山腳的火車站。返到火車站原來還剩大半個鐘才有火車,於是在車站附近蹓躂hea時間,原來站旁有個大地圖,可以睇返剛才行山的路線,原來都行左幾遠路喎!



仲有咁多時間當然不會在車站呆坐,上山前基爾先將行李寄存在對面馬路的小食堂,不如就過去看看有咩好野食吧,反正整天只在山上吃了一個麵包而已!



過到去才發現,原來雖然間店舖細細,但都有幾多甜品供應架喎!雖然有好幾種雪糕都好吸引,不過最後都係飲左少少野就返出去行多陣……



飲左少少野就返出去,其實車站對出只要越過路軌,就係一望無際的日本海,附近還有奇石處處的森山海岸,向掘路工人問過路後,立即就過去海邊逛逛。



雖然只係下午4點幾,但這裏已經開始日落了,襯托住海邊防波堤畫出的幾道完美平衡曲線,坐在這裏看日落實在perfect!



不要以為有咁燦爛的太陽,一定是很和暖了,其實那裏海邊超級大風,連外褸的帽子都吹甩,氣溫相信也只有10度左右,如果唔係見有咁靚的夕陽,一定即撇!上圖右是森山海岸最著名的「象岩」,如果時間充裕的話一定行過去睇,不過由於要返火車站搭車,所以都係無謂行咁遠,就在這裏遠觀算了。



由海邊行返去車站要穿過一處松樹林,斜陽下又學人影返張「長腿叔叔」影子照片,出來的效果又幾似踩緊高橋咁!



由十二湖其實只要搭一個站火車就來到椿山站,今晚就要下榻這裏很出色的「不老不死溫泉酒店」,不過其實酒店完全唔近車站,幸好有免費的schuttle bus接駁,間酒店完全係坐落於一處人蹟罕至的海濱,很有點與世隔絕的感覺。



來到酒店check埋in之後,見窗外就是這個無敵全海景,仲唔拿拿林去拎部相機出來狂影?!



好耐無見過「咸蛋黃跌落海」,對上一次睇記憶中好似係年前在大澳,但香港始終煙霞太勁,睇唔清楚,今次在日本喱度就可以完全睇晒個「高清版」跌落海過程了!



唯一遺憾係喱晚無得去開大餐,只能一個人留在房裏對住電視食杯麵……食完之後出去「夜遊」觀星,酒店外面就是伸手不見五指的曠野,可說是零光污染,但幸好是月圓之夜,這時才發現原來月亮真係咁光的,可以隱約照出前面的路,另外那片滿天星空也很令人難忘,可惜基爾的傻瓜機影唔到到。冒住寒風行完一圈睇星之後返到酒店,最佳節目當然又係去剝光豬浸溫泉啦,頓時寒氣盡消,舒服晒!

2013年6月7日 星期五

遺忘的唱盤時光@Amos+Lennox

自從HMV近10年不斷大屋搬細屋之後,要找老舊古董唱片再不是件容易的事。不過基爾最近發現原來圖書館竟然都珍藏左唔少好野,一於花$2.5在網上預借。



印象中Tori Amos好似唔多出精選碟,喱張發行於2003年的《 A Tori Amos Collection: Tales of a Librarian》肯定是必然收藏之選,碟中輯錄了她自1990-2003年10多年間共20首代表作品,以外國精選碟計已經算是非常多歌了,當中最為人熟悉的首推下面喱首王菲《冷戰》的原裝版本。除了冰島的Bjork之外,相信Tori Amos都係王菲偶像之一,因為《冷戰》的神髓確是十成來自《Silent All These Years》。



除了Tori Amos之外,基爾覺得這張發行於2009年的《The Annie Lennox Collection》同樣抵買,來自蘇格蘭的Annie Lennox單論外型已經很有型格,唱的歌也別樹一幟。雖然她早在70's已出道,但基爾對她最深刻的印象是來自1992年她替哥普拉(Francis Ford Coppola)經典電影《吸血殭屍驚情四百年》(Bram Stoker's Dracula)唱的主題曲Love Song for a Vampire。



講開《吸血殭屍驚情四百年》,這齣可以說是基爾最喜歡的吸血殭屍片之一(另一齣是由Brad Pitt、Tom Cruise、Kirsten Dunst、Antonio Banderas合演的《吸血謎情》Interview with the Vampire, 1994)。《驚情四百年》吸引基爾的除了有哥普拉一貫的華麗氣派外,片中的詭異氣氛和19世紀的古典味也拍得異常出色,當然Anthony Hopkins和飾演吸血殭屍的Gary Oldman也一絕,基爾對男女主角Winona Ryder和Keanu Reeves也幾有好感(可惜Winona Ryder近年已甚少演戲),更重要是電影基本上是替吸血殭屍平反,改變了世俗人對吸血殭屍的觀感(《吸血謎情》也是異曲同工),再非單純的大反派……

講返Annie Lennox喱張精選碟,雖然無Tori Amos那張咁多歌,但其實碟裏的14首歌都非常有水準,聽聞也是Annie Lennox至今唯一出過的精選碟,除了Love Song for a Vampire之外,基爾也很喜歡Walking On Broken Glass、Why、No More I Love You's和A Whiter Shade of Pale,記憶中A Whiter Shade of Pale好似還曾做過Kenwood音響的廣告歌,但忘了是否Annie Lennox這個版本……Anyway整張碟的錄音水準都相當高,即使用基爾的平價Hi-Fi都聽得出高音甜中音準低音勁的圓渾音色,絕對是一張可以用來測試Hi-Fi的「發燒碟」!

2013年6月1日 星期六

湯飽皇@鯽魚涌

唔好似為食下午茶餐一定平,喱次去喱間湯飽皇就真係屬於平民舖面五星級價錢。



初頭諗住叫二人餐,感覺上總好似會抵食D,不過睇真AB兩個套餐都要成$88和$98,而且套餐喱面包果3款菜式都未必全部想食,所以都係決定散叫。



結果叫左個清湯水餃麵和一個羊肉搶湯拉麵,後者果然係幾唔錯,湯底濃,好味又唔羶。另外仲叫了小籠包,不過喱籠包就貴囉!差不多一蚊美金一隻,仲貴過鼎泰豐,但又不見得好食到彈上天花板。好彩最終埋單計都係一百蚊左右,可能老闆見我地嫌貴,結果都送多兩杯凍豆漿,條氣先順返D!
 
湯飽皇 Tom Bao King
鯽魚涌濱海街38號地下