泰好@鯽魚涌

很久沒出去食晏，最近這個周六有空檔，一於唔帶飯出去食下野。同事食過喱間泰好的泰菜唔錯，唔駛諗一於去試試。

由於費事同人逼，一般都不會lunch peak hour出去食，如果等到2點後下午茶時段仲平D，可樂而不為！上圖右是唔錯的一味青咖喱雞撈檬（$30），如果最高是5隻辣椒，喱味都有4隻，雖然基爾唔太食得辣，但都覺得幾好味！



再來一個酥餅配咖喱汁（$20），之前去重慶大廈食果D都唔夠喱個好味，而且價錢平一大截，抵食！右為香草雞肉碎飯（$30），飯只是普通白飯，但肉碎就幾多泰國香料，喱味辣度只有1隻辣椒，完全唔食得辣的都可應付。



最後加多個咖喱牛腩飯（$39），喱味貴少少係因為佢唔屬於下午茶餐，不過即使係正價都唔算太貴，味道就average啦！最後連飲野同加一埋單計都係$125，人均40蚊左右真係抵過食大記和美記呢！

 

泰好 Thai Best Restaurant
鯽魚涌海光街7號地下6號舖

Pancake Colours@銅鑼灣

山長水遠去到中央圖書館，當然不是齋睇古籍展覽咁神心啦！睇完之後，仲過埋去銅鑼灣金百利樓上的Pancake Colours開餐。

Pancake Colours的陳設裝飾幾有型格，每張椅子都很有designer chair味道

這間西餐廳基爾還是第一次來，店內裝潢華麗得來又有點玩古今藝術風格crossover味道。店裏的椅子是一大賣點，由維多利亞、巴洛克風格到馬賽克及現代簡約味濃的設計一應俱備，到底坐到梵爾賽天鵝椅、羅馬戰車椅、高達太空椅就要看看運氣，此外還有宮廷水晶大吊燈、星際蜘蛛燈等掛滿天花板，頗有點後現代feel。


餐湯只供應忌廉湯 / 北海道風味薄餅

當晚order的這個餐包括有餐湯+主菜+薄餅+美式拼盤+甜品，埋單計人均百幾都幾抵食！正常來說會有紅白湯選擇，但這晚竟只有忌廉湯。Pizza多是薄批，就選了上面這款，典型的9吋批，夠食！



main course總共有兩個，先來這味是三文魚龍利柳海鮮焗飯，唔錯！好耐無食過熟的三文魚柳，煎得幾香又不會乾爭爭



另一味係喱個美式燒原條豬仔肋骨配薯菜，感覺比上次食Ruby Tuesday那個好食同抵食；另外其實仲有一個美式拼盤，包括有七味薯條、美式雞翼及芝士腸，因為實在太普通就無影了



野飲方面基爾叫了上圖左這個黑白凍朱古力 / 右面兩個是甜品﹕紅豆綠茶綿綿冰同白朱古力綿綿冰



甜品方面基爾本來叫了法式焦糖燉蛋，怎知卻來了這個東西，細問侍應，佢堅持這就是法式焦糖燉蛋了，奇哉！基爾見識少，真係未見過咁樣的cream brulee囉，姑且筆一小匙羹試下，食落其實似tiramisu的蛋白質感，算啦反正都幾好食，就唔再叫佢換了！究竟喱個係cream brulee定係tiramisu？至今依然係一個謎！

 

Pancake Colours

銅鑼灣紀利佐治街1號金百利廣場4樓

遺忘的唱盤時光@日劇萬歲

之前幾篇「老餅點唱A to Z」講左咁多老餅英文經典舊歌，都係時候轉轉口味聽下日文碟吧！今次講的是「V」字頭的《VIVA Japanese TV Drama》（日劇萬歲）。

喱隻基爾戲稱為「pat pat碟」的《日劇萬歲》是90年代日劇最頂盛年代最經典的劇集歌曲雙CD精選碟，當中網羅了包括《悠長假期》、《戀愛世紀》、《同一屋簷下》、《沙灘小子》、《101次求婚》、《等你說愛我》等多齣具代表性的日劇主題曲和插曲，絕對是珍藏之選。

說這set出版於1998年的「pat pat碟」是最具代表性的日劇專集絕不誇張，當年一推出就幾乎賣斷市了，其後於2002年再出《日劇萬歲 II》，到了2010年還出過《日劇萬歲》的復刻版，目前市面上買到的大多是復刻版，聽聞1998年原版在網上的炒賣市場仍有價有市呢（當然基爾從來無考慮過出售）！

說起90年代日劇，總離不開木村拓哉、反町隆史、福山雅治、瀧澤秀明、竹野內豐、江口洋介等熟悉的男星名字，當然還有一大堆「日劇女王」﹕《悠長假期》的山口智子、《戀愛世紀》的松隆子、《沉睡的森林》的中山美穗，還有《美麗人生》的常盤貴子、《同一屋簷下》和《等你說愛我》的酒井法子、《魔女之條件》的菜菜子……先選來1997年《戀愛世紀》的經典歌曲True True，每次聽到這首歌自自然就想起了水晶蘋果和台場的彩虹橋。



《悠長假期》和《戀愛世紀》可說是當年必煲的日劇之選，若是唔識木村、山口智子和松隆子話，基本上就無法同人溝通，完全錯失了日劇最鼎盛的年代。另一齣當年基爾家裏個個周末必睇的仲有1993年的《同一屋簷下》，主題曲《仙人掌之花》和插曲《溫暖的詩句》都是耳熟能唱的日劇金曲。

記憶中《同一居簷下》幾乎每集都發放催淚彈，唱《溫暖的詩句》的Le Couple也因為這首日劇插曲一炮而紅，可惜到了2007年藤田惠美及藤田隆二結束了18年的婚姻宣布離婚，幸而藤田惠美獨立發展後，仍是當今日本樂壇靚聲天后之一。

若要數90年代一眾「日劇女王」中最能歌擅演又有人氣的，相信實非酒井法子莫屬了。繼1993年的《同一屋簷下》之後，1995年咩重飛與竹野內豐合演《等你說愛我》（日文原稱《星之金貨》）令飾演聾啞女的酒井法子正式奠定一線女星的地位，上面這首主題曲《碧綠色的兔子》更令她成為當年第46屆紅白歌合戰的開場歌手。由於該劇與主題曲都大hit，所以1996年原班人馬添食再演續集，下面這首《鏡子中的禮服》也是酒井的另一代表作。