2012年11月30日 星期五

遺忘的唱盤時光@林姍姍

上次講過了杜麗莎,有blog友要求基爾講埋同碟的林姍姍,難得有人咁捧場,一定要滿足下他的願望吧!



80年代初,商台有六一一,港台就有林姍姍,兩位DJ後來都進軍歌壇,與寶記的陳慧嫻成為最炙手可熱的「三小花」,後來還加上劉美君、關淑怡和王菲等,全都是備受注目的天后級新星,可知當年香港樂壇幾咁競爭激烈百花齊放。

如果與林憶蓮相比,林姍姍當DJ時其實早已經很紅了,她與阿旦和何嘉麗做的「小神仙」仲hit過依家的「森小」,可惜當年基爾還細唔係咁識聽,所以印象不深,反而有幾首她唱的歌就較記得,部份還是廣播劇的歌。

林姍姍之前都講過當年同陳百強係好close的friend,可能由於夠默契把聲又夾,每次合唱都例必大hit,除了有80's節奏味道十足的《再見Puppy Love》之外,基爾至like都係曾在你懷抱。

講開Danny,當然不能不提《戀愛預告》!翻查資料才知這首歌原來係電影《開心鬼》的插曲,《開心鬼》係講乜架呢?在網上看原來有李麗珍和黃百鳴做。當年初踏樂壇的林姍姍也憑這首歌一炮而紅,後來原作者Danny也有唱返一個男版,基爾覺得兩個版本都好好聽,感覺完全不一樣。

碟裏其實仲有好幾首姍姍的大熱作品,包括《日夕回味》、《癡心》、《霧夜》、《勁草嬌花》等,不過基爾更愛上面喱首半冷門歌《把歌談心》,當年唔少個夜晚這首深宵電台節目主題曲都陪伴住基爾入夢鄉,印象中後來關淑怡也翻唱過這首歌,同樣是完全兩種唔同感覺,有興趣的blog友不妨去找來聽聽。 .

2 則留言: