2013年11月22日 星期五

馬家莊清真館@太子

近年好似越開越多喱類新疆清真菜館,聽友人講太子喱間馬家莊唔錯,一於去試下。



基爾雖然唔太食牛,但對於羊就不太反感,可能有好多人會覺得羊肉羶,不過如果加了孜然和其他配菜一齊炒之後,似乎就不太覺羊羶味。上圖是點了的其中三味菜式:乾編四季豆、孜然羊肉和咖喱牛腩。



Menu上提供的菜式其實都幾多,不過由於人少也不能試太多味菜式。乾編四季豆和孜然羊肉都炒得很香,咖喱牛腩就少許偏辣,味道一般。另外還點了該店馳名的牛肉和羊肉餡餅,果然係幾好味,結果食晒才記得冇影相。



上面喱味羊肉卷也甚具特色,外層是帶點煙韌的烤餅,中間的羊肉碎混合了孜然非常惹味。



烤餅和中東包似乎是吃印度菜或清真菜必點之選,這次由於點了咖喱牛腩,所以也同時order了烤餅,無謂浪費了美味的咖喱汁!店裏其實還有羊肉餃子和鍋貼,聽說也是招牌菜,不過實在太飽吃不下了,留待下次吧!
 
馬家莊清真館 Ma's Restaurant
長沙灣道21-25號地下

32 則留言:

  1. 我之前睇書都有介紹過喱間。果然係好重囗味嘅一餐,有冇柯打特別飲品或酒?

    回覆刪除
    回覆
    1. BIM:係咪引到你要提早出去食晏^^
      友人有飲我無飲呀,我唔識飲的

      刪除
  2. 呢間最初開係塘尾道我就去試過,除左蔥油餅ok, 牛肉餅跟九龍城果間完全冇得比.先2日經過都係食蔥油餅.依家尖沙咀都開左.

    回覆刪除
    回覆
    1. 毛:係呀聽聞有幾間分店,但未去過九龍城那間;喱間個羊肉餅唔錯喎

      刪除
  3. 試過、還不錯!
    不過覺得九龍城那清真館更好!可能加了些感情分吧!

    回覆刪除
    回覆
    1. Wei:上面都係咁講。你住在九龍城所以加分?

      刪除
  4. 喱味羊肉卷似乎幾吸引!

    回覆刪除
    回覆
    1. Wan:唔錯, 裏面有好多配料夾埋一齊食

      刪除
  5. 由於人少也不能試太多味菜式>>
    又靜靜雞撐枱腳喇!哈哈!

    回覆刪除
  6. 回覆
    1. Samwei:你果边多唔多喱類嘢食?

      刪除
  7. 睇第一張相有樽啤酒又有小炒, 就發覺呢餐好啱我呢啲阿伯嗒返杯......

    回覆刪除
    回覆
    1. 森:藝術家通常觀察力好強^^

      刪除
  8. 孜然羊肉和咖喱牛腩~睇落幾開胃下,味道應該唔錯!

    回覆刪除
  9. Gael,我很喜歡食羊肉,揾日要去馬家莊清真館試試.

    回覆刪除
  10. 回覆
    1. xxl:巡多啲巡多啲^^
      清邁好似都入左秋

      刪除
  11. 回覆
    1. hermit:咁我又唔知,不過隔條街仲有一間分店的

      刪除
  12. 回覆
    1. Choa:咖喱蓋過咗羊的羶味,怕羶的人都可以一試

      刪除
  13. UM ... 羊對我黎講, 真係一個挑戰 !

    回覆刪除