2014年3月14日 星期五

珍郵庫@長城與麗江

睇完為食野和旅行野之後,熟知基爾的就知又係來到轉換口味看郵票的時候了!



先看看這個中國世界遺產系列吧!不說不知原來現時全球已有981個聯合國教科文組織UNESCO認證的「世界遺產」,當中中國擁有45個,僅次於位居第一的意大利(49個),第3位則是西班牙(44個)。既然有咁豐富的「遺產」當然唔好浪費,出郵票來晒下冷也是必然吧!



其實這個中國世遺系列早在2012年已推出第一號(忘了之前在舊blog有冇講過),主角唔駛諗一定係在月球都看到的唯一人類建築物「萬里長城」。長城早於1987年已列入《世界遺產名錄》,小型張上方的夕陽剪影是西邊盡頭的嘉峪關,下面的郵票部份則是東方的八達嶺段長城,一東一西非常有代表性。基爾讀書年代去過一次北京八達嶺長城,真希望將來有機會去一次甘肅的嘉峪關!

中國世界遺產系列第一號:萬里長城
發行日期:2012年9月27日



2013年繼續出了上面這個「中國世界遺產系列第二號:麗江古城」,無獨有偶都係基爾once upon a time去過的「老地方」,由於當年未興起寫網誌,記憶也無法留住,旅程中很多細節早已淡忘了。



立即去摷摷床下底的舊相簿,幸好照片還在,雖然有點淡黃褪色兼糢糊,不過逐張睇下睇下當年不少美好的旅程回憶片段又重新浮現在腦海中,多神奇!比較老土係當年張張相都有基爾個樣出現,很少純影風物照(可能當年仲用緊菲林機,菲林珍貴所以要自拍為主),無辦法就委屈下大家對眼。上圖見到大水車就知係麗江古城,至於湖面可看到遠處玉龍雪山倒映的就是黑龍潭公園,去過麗江的blog友應該一定會認得吧!



麗江古城又名大研鎮,位於雲南省麗江納西族自治縣,地處海拔2400多米的雲貴高原上,面積達3.8平方公里,足有3個多香港咁大。古城始建於13世紀宋末元初,城內樓房融合了漢、白、彝、藏和納西等民族的建築風格,基爾比較有印象是流經古城的清溪和古怪有趣的納西族象形文字。基爾「那些年」除了去麗江古城外,當然還有上玉龍雪山,它是北半球最南端的雪山,主峰高達海拔5596米,比海拔3015米的日本立山還要高2500多米,幸好當年基爾還年輕,沒什麼高山反應。上圖忘了是在半山的牦牛坪還是雲杉坪影的,因為在乘車途中見到一匹小野馬所以專登落車同佢合照。看看照片角落原來這已是2002年的回憶畫面,晃眼間已流逝了十幾年青蔥歲月,當年的小野馬依家若還在生應該都變了老馬吧!

中國世界遺產系列第二號:麗江古城
發行日期:2013年8月22日

52 則留言:

  1. 果然年代久遠,照片中的基兄,尚有點「菜燶樺」 feel。

    回覆刪除
  2. 回覆
    1. Samwei:都唔算呀!大陸有好多地方未去過呢!

      刪除
  3. 回覆
    1. Manman:十八廿二果陣都OK嘅!!!望落純真當中又帶點戇居XXXXD

      刪除
  4. 你細路仔就去咁遠,
    集郵票有玩,只限細個
    而家集乜鬼呀,屋企咁细!!

    回覆刪除
    回覆
    1. 路霸:雲南都唔係好遠啫~~~~~
      你去歐洲時有冇間中買少少做紀念?
      郵票易收藏都唔算太阻掟嘅^^

      刪除
    2. 雲南唔遠,同巴黎比
      歐洲見靚,有買郵票,
      送俾朋友!

      刪除
    3. 路霸:郵票做手信都幾好,至少唔重^^

      刪除
  5. 回覆
    1. 摩:唔知阿摩十五二十時又做緊咩呢^^

      刪除
    2. 摩:咁大部份人都係嘅^0^

      刪除
  6. 菲林珍貴所以要自拍為主>>> 呢個邊係原因啦,一定係歲月摧人,你唔想自己出現啫.

    回覆刪除
    回覆
    1. 王子:成日都要篤爆人地嘅你真係丫XXXXXXD

      刪除
  7. 基仔嘅pose十年如一日,kakaka...

    回覆刪除
    回覆
    1. JJ:咁有冇咩好建議先??!!
      巴黎鐵塔反轉再反轉果隻老人家唔曉架喎XXXXD

      刪除
    2. 星爺的pose你咁好記性吖!梗係你以前影過喇!唔做得收埋自己歎,要分享大家睇架!呵呵!

      刪除
    3. JJ:都話明老人家唔曉咯~~~~~

      刪除
  8. 看見這些郵票真係好吸引,以前就喜歡儲這類名勝和生肖票。黃山、長白山、黃鶴樓....可惜己經放棄了多年....

    回覆刪除
    回覆
    1. Wan:係呀我都比較喜歡自然風景名勝或有歷史紀念價值的郵票日封,通常個design都不會太差太核突的^^

      刪除
  9. 呢套郵票靚喎!!!唔知而家去郵局買唔買到呢??!!
    gael兄的花樣年華時代...已經充滿書卷氣~~

    回覆刪除
    回覆
    1. 森:可能都係要去總局睇下,不過喱兩set都已經過了成年,其實機會不高囉!
      多謝你,花樣年華時代個樣都呃得下人嘅!
      也期待一睹森兄的花樣年華玉照XXXXD

      刪除
    2. 邊得嚟Gael兄咁多玉照丫…仲要張張都咁型仔~~哈哈
      有機會經過郵局,問問仲有冇...

      刪除
    3. 森:卡通版森兄已經咁可愛,我諗真人更可愛XXXXD

      刪除
  10. 我都有呢兩套郵票,真係好靚,而且兩個地方都去過睇落特別有感情~
    不過今年套丹霞山望落麻麻地...

    回覆刪除
    回覆
    1. Matthew:係呀我都覺幾靚,尤其係自己旅行去過的地方,好似特別有一份感情,有親切感^^
      丹霞山果套我都有訂呀,唔記得幾時出?好似年底!

      刪除
    2. 丹霞山係年底出,最後一期郵票,我都訂左^^
      呢個系列郵票有凹凸其實好正~

      刪除
    3. Matthew:既然買開我諗都會繼續嘅^^

      刪除
  11. 集郵確實可以紀念歷史,同時也見證歷史。

    回覆刪除
    回覆
    1. Ben:小小一張郵票也有很多故事講

      刪除
  12. 講講吓郵票又借D意show 你D 「那些年」型仔玉照!XD

    回覆刪除
    回覆
    1. Ka:期間限定,無几可㗎咋XXD

      刪除
  13. 郵票同相片都好珍貴。千塊千塊頑石叠,藉此保我邊僵靖⋯

    回覆刪除
    回覆
    1. BIM:係咪話緊我古老石山XXD

      刪除
    2. 見當年你有份丹心熱血模樣(雖然係蒙D),加上萬里長城,好自然諗起喱首歌!XD

      刪除
    3. BIM:逐草四方沙漠蒼茫,那懼雪霜撲面~~~~~XXXD

      刪除
    4. 一邊騎馬奔馳,一路擔住支萬寶路⋯

      刪除
    5. BIM:No~~No~~~No!!!!! Don't Smoke><

      刪除
  14. Gael,幾年前我也去過麗江古城和玉龍雪山,風景相當靚.

    回覆刪除
    回覆
    1. Andrew:咁一定影咗好多靚相返黎啦^^

      刪除
  15. 我都係,N年前的旅程,只得矇矓的印象

    回覆刪除
    回覆
    1. Lam:所以其實依家有blog都幾好嘅,叫做可以做返個筆記留念嘛^^

      刪除
  16. 那些年你都去咗好多地方喎 , 聞說麗江古城好靚好值得遊覽 , 可惜衹得呢幾幅相喇 .

    回覆刪除
    回覆
    1. ak:其實都唔係好多架咋,主要都係返大陸!
      以前用菲林機,無咁瘋狂影相嘛^^

      刪除
  17. 照片能把美好回憶保留著。

    回覆刪除
    回覆
    1. Choa:仲可以把青春留住kakakaka

      刪除
  18. 哈哈 ! 我去雲南麗江之時,都一樣係菲林年代 ~~

    回覆刪除
    回覆
    1. 魚:我仲記得以前昆明個舊機場好鬼細,得兩條行李帶XXXD

      刪除
  19. D郵票好靚!麗江古城想去好耐!

    回覆刪除
    回覆
    1. 說書:依家去麗江方便好多,已經有機場,以前我坐車由昆明入去好鬼耐的

      刪除