2014年7月3日 星期四

海馬公園廿載重遊:上@黃竹坑

真的已不太記得起上一次來海馬公園是什麼年代了,大概應是讀中學的時候吧!隱約記得在海洋劇場有show睇,仲有黎瑞恩唱歌……Anyway,喱日反正唔駛錢,的起心肝同基爾媽去走一轉。



久居深山的基爾要去海馬公園其實都幾山長水遠,研究過多條路線後還是選擇在北角轉車入南區最便捷。來到海馬公園已是正午時份,喱日雖然熱但幸好比較天陰,而且唔駛點排隊換入場券,就可輕輕鬆鬆入場遊園。



隔咁耐世紀重遊舊地,當然好多野都完全唔同晒,而且好多地方都未去過,首先迎面就見到個「夢幻水都」人工湖和大噴泉,不過由於太熱還是不宜久留,先入去「海洋奇觀」海洋館涼一陣冷氣先。



一入到海洋館就見到喱個足有3-4米闊的大魚缸,不過裏面無乜大魚,主要是養了各種珊瑚魚和珊瑚。



除了有個一corner可以畀小朋友摸海星之外,行入小小仲見到養了龍蝦的魚缸,不過原來龍蝦算是深海棲息的生物,魚缸的燈光也調得特別暗,基爾只用手機影也幾乎影不到。



成間海洋館要數最矚目的一定係喱個養了多種鯊魚的展廳,去年睇新聞好似話因為輸錯氣體死了幾條珍稀的雙髻鯊。由於鯊魚泳速比較快好難影,反而魔鬼魚就容易捕捉美態得多。



除了山頂上面有自成一家的水母館外,海洋館喱邊其實都有幾個水母缸。水母本身其實係透明無乜特別顏色,不過打了五顏六色的燈光後又幾有奇幻feel。



睇完水母穿過一條走廊,走廊牆邊裝設了不少稜鏡,望出去有點似個大型萬花筒,光影折射出來的視覺效果都幾靚喎!可惜手機影出來唔係太夠光度,如果正經拎相機出來影相信更美。



基爾其實都幾鍾意上圖右這座cylinder大魚缸,相信足有7-8米高,圓柱巨缸裏面雖然大部份只係一般小魚,但由於佢地群情好洶湧,全部都喉住上面吊下來的餵食籃子一擁而上,好似一重重海浪咁,感覺好壯觀。



除了巨柱魚缸之外,海洋館裏仲有一個號稱全世界最大、直徑達5.5米的天幕式圓頂魚缸,只要抬頭一望成日會有魔鬼魚的巨大黑影在頭頂「飄過」真係幾過癮!



去完深海探險之後出返來,繼續行埋隔籬的熊貓館。基爾之前去日本的動物園其實都睇過熊貓,但反而香港的就從未見過,都想見識下海馬公園的設備又如何。



喱度間熊貓館比東京上野動物園稍大,而且設計成山坡形地勢,可能係想盡量似返四川山區的熊貓基地面貌。



由於盈盈樂樂聽聞最近忙於交配正在閉關,見客的重任就只有交託老伯伯安安負責。不過安伯伯得「一丁友」似乎比較怕羞,只在山坡頂若有所思般來回踱步,間中向牆屙尿和抓痕而已,並無行前來表演吃竹葉,確實有點兒失望……

50 則留言:

  1. 知你啦重口味,想睇熊貓四仔!! 安安老伯伯一定滿足唔到你.

    回覆刪除
    回覆
    1. 王子:咪將你自己主觀意願強加人地身上喎XXXD

      刪除
    2. 基仔咪又係將自己主觀意願強加人地身上!

      刪除
    3. 好嘅你又唔學,愛上姓賴的嗎?

      刪除
    4. JJ:你又得罪好多姓賴的人了~~~><

      刪除
  2. 咁啱,我上星期也到此一遊,但沒有你遊得咁多地方!你用手機都影得唔錯呢!

    回覆刪除
    回覆
    1. Stella:其實我都有仲好多地方無去呀,實在時間不太夠:P
      已經無乜去排隊玩機場遊戲了,如果排埋就更加無時間行啦^^
      當日我有拎相機去架,不過天時暑熱實在太懶唔係好想拎出來影,求其用手機影下就算數了,好影喱部手機影出來都仲算見得下人嘅XXXD

      刪除
  3. 唔駛錢!一個係生日一個係長者優惠,伯友生日呀?kakaka.............

    回覆刪除
    回覆
    1. JJ:我係長者啦更係kakakakakaka

      刪除
    2. 王子:幾辛苦先博到王子一笑!!!!!XXD

      刪除
  4. 海馬公園近年不斷發展,多咗好多新嘢睇!

    回覆刪除
  5. 我都係廿幾年無去過,直至前年,有miles到期,又唔飛得,就換咗annual pass,一年去咗六七次。

    依家無去咯。

    回覆刪除
    回覆
    1. Koosan:咁都几好喎至少不會浪費了里數!又可以帶囡囡去玩多几次啦^^

      刪除
  6. 我也有十年沒有到過……

    回覆刪除
    回覆
    1. 摩:咁今年哈嘮喂去探下聖羅蘭^^

      刪除
    2. 呢D日子,啱小朋友去!阿摩年紀大,心臟受不了!
      補祝你身體健康,一年勝一年!

      刪除
    3. 摩:多謝你~~~大家咁話大家咁話^^

      刪除
  7. happy birthday, 不過我怕排隊,又怕大陸人,已經唔想去了。

    回覆刪除
    回覆
    1. Samwei:過咗好耐架啦^^anyway, thank you!!
      去行下D館都OK嘅不多人,如果要玩機動就要花個零鐘以上排隊了

      刪除
  8. gael兄真孝順, 都不忘與長輩一齊去玩下!!
    手機相影得算唔錯…若我冇記錯的話, 我上次去海馬公園應該是小學時代…

    回覆刪除
    回覆
    1. 森:喱啲日子其實最主要同父母慶祝嘅係咪?!!
      咁森兄係時候去懷緬下啦,依家好多野都唔同晒了,但幸好吊車仍在

      刪除
    2. 聽人講, 現在海馬公園好多人, 睇相又唔覺…
      唔記得補祝gael兄一句生日快樂, 祝你想的能早日達成…

      刪除
    3. 森:果日係閒日,算叫做唔係好逼人架啦,但都有大陸團嘅
      多謝你,也預祝森兄Happy B-day^^心願達成!!!

      刪除
  9. 我都好耐無去。園內太多人,只見人頭不見獸頭,看人多於看動物。可能等六有長者優惠時,再慢慢去!不過,話時話我到現伐連迪士尼都未去,入場費實在太貴!

    回覆刪除
    回覆
    1. Hermit:都幾多大陸團,不過無佢地又唔得,個公園營運要靠佢地撐住架!!!XXD
      嚴格上來說間海洋館我覺得麻麻地有少少失望,熊貓就ok啦,其餘D館都係一般而已,主要只係多睇海豹,無乜其他特別嘢,如果唔係有興趣去玩機動遊戲或者哈囉喂我諗未必要去囉!!!睇動物去長隆好過,聽聞珠海長隆果個新海洋館唔錯!!!
      迪士尼我也沒去過,身邊都無乜人有意欲去喎:P

      刪除
  10. 上星期我都去左bor@@
    不過又多人又熱又落雨...最得意就係睇企鵝啦~

    回覆刪除
    回覆
    1. Matthew:咁橋?!!^^
      係架玩機動遊戲實在太多人,下下要在烈日下排成個鐘真係人都癲><
      企鵝幾得意架,你有冇同佢地合照先

      刪除
    2. 我只係玩左過山車,已經排左一個鐘,都冇再玩其他野啦,,,睇下動物仲好...不過都冇影過相@@
      我都係免費先去@@

      刪除
    3. Matthew:烈日下真係無乜意欲去排隊玩機動遊戲,分分鐘中暑><
      btw,也祝你生日快樂^^

      刪除
  11. 久居深山?住高尚住宅區喎!
    我未探過熊貓,真是要去 friend 下先得!哈哈哈

    回覆刪除
    回覆
    1. 說:我都想喎,有邊度請看更我去應徵kakakakaka~~~
      要睇熊貓我諗最好遲少少先,因為依家盈盈樂樂比較忙唔得閒見客XXXXD

      刪除
  12. Gael:先補祝你生日快樂!
    話時話我未試過生日免費入去,明年要試吓先!^^
    D水母打咗燈光後真喺好靚。

    回覆刪除
    回覆
    1. Ka:我也預祝你happy B-day^^
      咁你約定D親友拉隊去玩下囉
      係呀水母本身無色係要靠打燈先靚架

      刪除
    2. 喺喎!橫惦我和屋企人及幾個親友都喺同一個月生日!
      真喺可以同啲親友拉大隊去慶祝 & 玩吓喎!^^

      刪除
    3. Ka:不過要留意海馬公園係要正日果日去先可以免費架咋^^

      刪除
  13. 回覆
    1. MD:下次如果同囝囝返來咪去行下囉^^

      刪除
    2. 我女女前年去香港工幹時,啲香港同事有同佢去過,我多數回來幾日所以冇時間去。XD

      刪除
    3. MD:其實如果唔係好想去玩機動遊戲,都唔一定去嘅
      海洋館果啲星洲都有啦XXD

      刪除
  14. 唔使錢一定係生日啦! 生日快樂~

    回覆刪除
    回覆
    1. 銀:多謝~~~不過過咗好耐架啦:P

      刪除
  15. 我養咗毛毛之後都無去過...如果佢俾毛毛去我先會考慮再去...XDDD

    回覆刪除
    回覆
    1. MoMomom:咁第時佢地應該搞返次「寵物日」啦,等寵物主人都可以一齊去玩返日嘛^^

      刪除
  16. 生日唔晒錢~緊係要寺玩下喇!~遲來的生日快樂!

    回覆刪除
    回覆
    1. andy:都係等喱D免費日子先有咁神心去行下,始終都好山長水遠呢^^

      刪除