2014年8月12日 星期二

珍郵庫@香港世界地質公園

舊年底填表預訂郵票時,已知道今年會出全新「香港通用郵票」,由於包括了$20和$50等大面額郵票所以價錢都要成百幾蚊都幾貴,不過咁多年先出一次又無理由唔買,咁唯有赤赤地都買一套收藏啦!



原來對上一次發行通用郵票已經係2006年12月的「香港雀鳥」,記憶中好似都無買(而且那時還未開始寫blog),事隔8年今次就以「地質公園」為主題。



之前聽聞好似都搞過票選最喜歡香港地質公園地貌,結果16款郵票的所屬地質地貌,大多都是熱門之選,部份基爾都有去過呢!



整套16款通用郵票面值由$0.1-$50,當中基爾記憶中行山時有去過$0.5的大浪灣、$1的破邊洲、$1.7的萬宜水庫東壩、$2.2的黃竹角咀鬼之手、$2.3的新娘潭,在東坪洲的$2.9難過水、$3.1龍落水和$3.7更樓石都有去過,另外N年前也去過$5的鴨洲。等天氣涼返D之後,很期待再去埋其餘幾處,咁就可以貯齊一整套「地質行」了!



香港通用郵票:香港世界地質公園
發行日期:2014年7月24日

65 則留言:

  1. 學生時候玩過集郵,發覺郵品都出得很密,所不再買,只集一些用過的舊郵票。

    回覆刪除
    回覆
    1. stella:係呀依家郵政署為了賺錢確實都出得好密,一年平均都有成十套八套架,我只揀一些設計比較靚和有心思的才買了!!!
      舊郵票我也有貯但多是外國的,反而香港本地的好少,可能因為依家都少了人寄信吧,多改了用email聯絡了!!!

      刪除
  2. 香港郵局都好勤力,成日出d特色郵票吸引買家/ 收藏家。
    不過,上面呢d地質公園我一個都未去過呢!

    回覆刪除
    回覆
    1. joice:對,郵政署如果單靠郵遞服務我諗好難收支平衡,依家又少了人寄信,所以咪出多啲喱類首日封郵品幫補下囉^^
      咁下次來要抽幾日去行下,因為多數是在離島,要搭船去!

      刪除
  3. 呢個地質行嘅地方, 我無去過添

    回覆刪除
    回覆
    1. mo:咁如果下次返來要抽幾日去逛逛,有些真係幾值得一行,多數都在離島,例如東坪洲就有幾處上了郵票!!!

      刪除
  4. 回覆
    1. 一二毫子佢未去過之外,其他佢去哂喇!不過冇相睇囉!

      刪除
    2. 銀:未去晒呀,遲下涼返少少要再仔細研究下點去,因為部份都好鬼偏遠的

      刪除
    3. JJ:做乜你做咗我代言人咩kakakaka
      唔只一二毫子,仲有幾處都未去過~~~~~有相,你只要click入去紅字就連結到過去睇舊blog!

      刪除
    4. 唔搭咀邊有咁快出現吖!老師改簿(頑皮學生的簿)特別精神快速!kaka...

      刪除
    5. JJ:睇來你似係專治頑劣學生的訓導主任......

      刪除
    6. 銀:一二毫係北果洲和火石洲

      刪除
  5. 好欣賞你對集郵的堅持性 @ Very Good ^^

    回覆刪除
    回覆
    1. sky:唔駛「堅持」架喎,我好隨意架咋kakakakakaka~~!!!

      刪除
  6. 回覆
    1. 你係咪想要吖?基仔啦你買囉!kaka..

      刪除
    2. 王子:可能雀仔始終比較難見到,但地質形貌就唔會飛走,只要有心去睇就一定行到去嘅^^

      刪除
    3. JJ:依家未必買到架啦,過咗咁耐應該賣晒了吧!

      刪除
    4. 基仔,佢講緊郵票呀!行山?你好了解佢喎!kaka...

      刪除
    5. JJ:咁喱類地質野都係親身去睇下比較好嘅

      刪除
  7. 回覆
    1. samwei:對呀,有好多其他國家的歷史文化知識都可以在一張小小的郵票上學到^^

      刪除
  8. 今次俾你快過我喇!我未揾齊d相(去過嘅)咋!仍然影得咁細張,又俾人放大,咁姑韓呀你!

    回覆刪除
    回覆
    1. JJ:咁你又去過邊幾處呢?係咪成日都係夜嗎嗎先去XXXD
      已經好大張啦,你莫非在手機睇?

      刪除
    2. 你覺得我會夜嗎嗎去咩?抑或以為太陽伯伯隨傳隨到幫我影相打燈呢?

      刪除
    3. JJ:我諗住你多數係夜嗎嗎出動咋?!!

      刪除
    4. 不竟有慧眼的人只佔少數,大多數的是斷章取義。

      刪除
  9. Very nice collection... used to collect when I was young... BUT where to keep all of the albums???

    回覆刪除
    回覆
    1. MD:係咪搬屋時送晒畀人?^^如果搵得返本ablums可以留畀囝囝延續落去丫嘛

      刪除
  10. 我還有keep住的香港通用郵票首日封係英女皇頭通用郵票^^

    回覆刪除
    回覆
    1. wan:嘩~~~~咁你發達啦!應該好值錢^^

      刪除
  11. 呢套香港世界地質公園通用郵票唔錯!

    回覆刪除
    回覆
    1. kaka:有啲風景睇下,如果再大張少少更佳

      刪除
  12. 我無意中知道, 趕得切去網上訂左套, 不過仲未羅.
    我覺得呢 set 都幾靚丫 ~

    回覆刪除
    回覆
    1. 魚:要留意日期喎,遲咗可能要去好遠先拎到!!!
      唔錯呀,我見好幾處你都有去過呢^^

      刪除
    2. 我有睇到日子, 剛剛個 weekend 取貨了 !
      真係唔錯架, 香港山水真係靚 !

      刪除
    3. 魚:看來你應該都去過唔少處地方吧!!

      刪除
    4. 好多郵票上的地方, 我反而係潛水之時去過.
      至於行山呢, 我想去 赤洲 - 黃竹角咀

      刪除
  13. 回覆
    1. 摩:唔錯呀,阿摩有冇去過喱幾處?

      刪除
    2. Amour 很多地方沒有到過,有機會請基爾哥哥帶路去行下!

      刪除
    3. 摩:no problem~~~~!!!
      不過天時暑熱暫時都係比較適合留在家聽黑膠舒服D^0^

      刪除
    4. 秋高氣爽的日子,別忘了我……

      刪除
  14. 嘩...$50都買好落本bor,我只係買左低面額既小全張咋@@
    今次又幾colourful,風景又靚,都好吸引~
    不過我去買過幾次1,2毫郵票都係比返雀仔我,好多郵局都剩好多未賣晒,暫時仲未有機會用新郵票寄信@@

    回覆刪除
    回覆
    1. matthew:我諗住幾年先出一次通用郵票,所以先肉尺尺地重槌少少囉:P
      地質公園喱一套係幾靚,不過如果可以再大張少少就更佳!
      咁都係呀佢地通常要賣晒啲舊貨先開始賣新貨,所以我諗要過多幾個月先得,又或者要特登去counter問職員,可唔可以買新果套

      刪除
  15. 你都好多珍藏郵票呢!

    回覆刪除
  16. 地質公園郵票,我都有買,
    (大佬).話好靚~直得收藏!

    回覆刪除
    回覆
    1. andy:有好多我諗你地都有去過呢!!!

      刪除
  17. I collected stamps when I was young, but I stopped because I had no space...

    回覆刪除
    回覆
    1. kenji:我依家都係只揀有興趣的才買,實在沒位放了:P

      刪除
  18. 這次的郵票很好,不用膠水就可粘郵票.

    回覆刪除
    回覆
    1. insky:咦!?原來唔駛膠水貼?我都唔知!!!!
      因為預訂的都係佢已經郵局貼好晒才畀我的呢

      刪除
  19. 多年前曾有集郵票,覺得設計非常精細美觀。

    回覆刪除
    回覆
    1. choa:如果有興趣的話,就會發現小小一張郵票都有好多小故事!!

      刪除
  20. 以前中學時期收了好多... 後來家裡發生火災停了好一段時期, 出來社會工作後,常收到其它國家寄來公司的文件,開始慢慢收集些特別的:)

    回覆刪除
    回覆
    1. siaw:我也覺得有時外國的郵票題材比較多,設計也較特別,所以都好值得收藏呢

      刪除