2014年10月10日 星期五

Nara Thai@尖沙嘴

年底的大假終可落實,真的好耐無試過12月外遊,記憶中對上一次好似係讀書時代去北京(聖誕前的term break),基爾向來怕去太凍的地方,去年在立山室堂清晨出去行山時遇上橫風橫雪已經覺得幾難頂,希望今次「小雪怡情」就最好了……



無啦啦寫食探搞咩變了浪蕩?還是先談飲飲食食吧!喱晚其實係同領隊先來個pre-trip「茶會」,初步傾傾條主要路線點走。由於早了到步,先去隔籬士多探下「忌廉哥」,順便再到對面馬會買張六合彩先,1.5億的墟陷長龍真係唔野少!結果排了成半粒鐘……



尖東喱一列食肆其實都幾有外國風味,店外露天位坐了不少老外,不過基爾怕熱,始終室內位有冷氣歎,食飯會比較舒服吧!上圖右這杯有很香的石榴味,而且係0% alcohol,唔怕好似上次咁越飲越暈陀陀。圖左是酥炸雞翼和牛肉雞肉串燒,很喜歡它那個沙嗲醬!



唔知點解每次食泰菜,例必都有叫喱味泰式白雲鳳爪,證明真係好多人都鍾意食。不過基爾就唔算特別偏好,幸好今次喱碟都好有水準,酸度和辣度都好夠勁,有時食到D齋得辣字果種就唔太like!



除了泰式鳳爪例嗌之外,上圖左下角那味泰式拼盤都係「例牌菜」,不過食剩竹葉包紮的炸雞才記得影,另外還有炸魚餅和炸蝦餅之類。原本想叫生蝦可惜無貨,唯有改叫芝士焗青口。當然點都要嗌碟菜balance返,友人order圖右喱味蝦醬炒通菜都爆得幾香幾野味!



喱幾味「泰式常餐」不算太多驚喜,於是試下搞點新意思,上面喱3味分別是串燒饅魚、牛肉沙律和咖喱牛腩,味道又幾唔錯喎!與一般醬汁偏甜的日式燒饅魚比較,這個饅魚串燒似乎多一點香口;牛肉沙律的牛肉半生熟,外脆內軟口感一流,夾菜食就更佳,感覺清新不油膩;咖喱牛腩個汁簡直可以撈幾碗飯!



當晚去到剛好係英超比賽日,重頭戲是阿仙奴Vs曼城,唔好浪費一路食一路睇晒全場先走,場波雖然2:2打和但都幾精彩喎!而且店裏氣氛幾好,好多兵工廠fans。上圖的炒貴刁不太辣,竟還有少少甜甜地,味道都算不俗。



友人今日好似好好胃口,最後仲來多一味咕嚕魚柳,其實基爾已經好飽了,魚柳只食了一塊,不過感覺幾嫩一點不會又硬又乾爭爭,重點係佢個菠蘿非常清甜好食,酸酸地又幾開胃。飽嘗口腹之欲再攤抖下睇下波傾下偈,直到10:00pm完場才走人,埋單計人均$240如果計埋睇波都唔算貴吧!



搭單講埋兩款零食,上次提到去759買的cappuccino朱古力,原來仲有espresso和薄荷兩種味道,經王子驗證原產地也有出售但不是出名的品牌,反正基爾覺得espresso和薄荷味也不俗,espresso的咖啡味確實很濃郁,下次再有七折就3隻都買吧!



另外上面喱包芥末菜脯餅也相當好味,姑勿論味精多又或是怕台灣油炸之類的問題,單論小餅乾本身就非常有wasabi味,喜歡「攻鼻」刺激感覺的不妨買來試試,同樣是經常缺貨,每次見到貨架上有售都例必買返包回公司。

Nara Thai Restaurant & Bar
尖沙嘴麼地道75號南洋中心地下

84 則留言:

  1. 泰國菜真係合我嘅口味,明晚在家都係吃泰菜呀,有朋友在曼谷上烹調班,我地就當個開心白老鼠啦!

    回覆刪除
    回覆
    1. MD:見你個泰國之旅食得咁開心,就知你地喜歡thai food^^
      依家都幾興去泰國旅行順便學煮一兩味泰菜喎

      刪除
    2. 係呀,但係學嘅煮來煮去都係個啲,算啦。。。懶係一個好大嘅因素,哈哈哈

      刪除
    3. MD:你已經好勤力啦,成日可以煮出咁多美食,創意無限呢^^

      刪除
    4. 家人嫌三嫌四(唔係,係feedback XD ),咁我真係需要打醒精神來做個煮飯婆呀 ^^ !

      刪除
    5. MD:喱啲feedback都係好好的推動力,可以越煮越好味丫嘛XXD

      刪除
  2. 回覆
    1. JJ:晨早流流咁風騷一定係尋晚遇上靚仔吸血殭屍XXXD

      刪除
    2. 成日講靚仔 o個個係你呀 …你唔鍾意靚女而鍾意靚仔咩l!!

      刪除
    3. JJ:晚安~~~~有冇瞓唔慣生保床?!
      我諗住你期待艷遇多D咋XXXD

      刪除
  3. 我其實幾怕食生蝦呢家野架

    回覆刪除
  4. 基爾最緊要着對暖襪,頸巾,和耳仔暖就不怕凍親啦,不過我都唔鍾意冬天旅行因為行李多好多,出出入入又穿又除好煩,而且日短夜長

    回覆刪除
    回覆
    1. lucamom:我都係好怕又穿又除比較煩:P
      對呀冬天去,衫都要帶多D,不過無計,喱個時段比較平~~~~

      刪除
  5. 回覆
    1. kamchoa:喱間雖然係少少貴但好彩味道係ok嘅^^

      刪除
  6. 12月去日本應該都少少凍,不過聖誕節氣氛會好好

    回覆刪除
    回覆
    1. yans:check過京都大約5-10度左右,免強接受到的溫度kakaka
      對,到時會去睇燈飾,希望影出來會靚啦

      刪除
  7. 這裡的食物你形容得好好味喎 , 有機會行開呢處都好想試試 , 上面嗰兩種朱古力我呢處三間 759 都冇得賣 .

    回覆刪除
    回覆
    1. ak:如果行開博物館都不妨去試下,因為就在科學館附近而已!
      我都留意咗好耐想去再入貨,但暫時都未見佢有補新貨呢@@

      刪除
  8. 我依家都怕冬天出遊, 特別是歐洲地方,又凍又大風。

    回覆刪除
    回覆
    1. samwei:不過如果對睇雪有情意結的話,通常都係冬天去啦無法:P
      冬天去歐洲我覺得比較掃興係太早天黑了

      刪除
  9. 我覺得在香港食到的外國菜,未必好正宗~大多數會迎合番港人口味!
    芥末菜脯餅,個名好似一道家常餸...哈哈

    回覆刪除
    回覆
    1. 森:我諗都係,太正宗反而可能會無咁好生意^^至少太辣的香港人未必接受到!
      霎下眼以為係菜脯蒸肉餅係咪?!kakakakaka

      刪除
  10. 回覆
    1. wan:對呀,間中食下都唔錯嘅!
      不過我地可能始終係比較習慣粵菜的口味吧^^

      刪除
  11. 恭喜你攞到假,預祝你旅途愉快!

    回覆刪除
  12. 聖誕節去有節日氣氛呀!

    回覆刪除
    回覆
    1. 咕嚕魚柳...酸酸地又唔油膩,唔錯!

      刪除
    2. kaka:希望會睇到D特別野啦^^
      你有冇食過五柳魚?同樣是酸甜的

      刪除
    3. 食過呀!揾日試吓整先!^^
      http://youtu.be/4tTw1xf_Ki4

      刪除
    4. kaka:醒喎咁快手就搵到

      刪除
    5. kaka:咁有冇試下整呢^^

      刪除
    6. Gael: 未試整呀!乜你好等住食咩?:P
      米: 剛睇咗video,比我想像中更易整喎!
      講真架!完全無難度!超易整喎! ^^

      刪除
    7. 米:喱度好多臥虎藏龍隱世名廚架^0^

      刪除
    8. kaka:唔急唔急,你慢慢鑽研下hahahaha~~~~

      刪除
  13. 泰菜起初不習慣,現在感覺不錯!

    回覆刪除
    回覆
    1. stella:間唔中食下都唔錯嘅,換下口味^^

      刪除
  14. 不慣吃炸和辣,泰菜甚少吃!

    回覆刪除
  15. 我都想感受下 12 月去d凉陣陣嘅地方,落埋雪仲好!可惜,我都唔係好頂得涷...

    回覆刪除
  16. 時近聖誕十二月去凍嘅地方,浪漫!

    回覆刪除
    回覆
    1. BIM:凍就會幾凍but應該同浪漫扯唔上關係XXD
      回來了?

      刪除
    2. 回來了,今不真的唔捨得返

      刪除
    3. BIM:係咪好正呢~~~^^
      喱個月份去應該仲未太凍吧?

      刪除
    4. 已入秋,日間徊+5至10度,但意外遇秋葉,尤其在教堂向窗外望,教人陶醉

      刪除
    5. BIM:咁都幾舒服喎~~~仲可以睇埋紅葉都正呀!
      夏宮啲噴水池開唔開?

      刪除
    6. 當日陽光充沛,噴水池有開,個花園好有氣勢

      刪除
    7. BIM:個噴泉同花園真係幾靚,仲可以一直行出海呢

      刪除
  17. 我對那個芥末菜脯餅感興趣 :P yum yum

    回覆刪除
    回覆
    1. siaw:我都想再買,可惜近幾個禮拜都唔見有貨>.<

      刪除
  18. 嘩,你又準備出遊,仲忙過我!好彩我聖誕節都有著落。另外,我剛剛返完香港,尋日先返屋企,之前個禮拜仲有個短遊,今次呢個destination唔係我一般會去既地方...... 稍後報導。

    回覆刪除
    回覆
    1. desa:嘩,你咁多地方去邊有可能忙得過你^0^
      咦~~~原來返過來咩?咁有冇去邊度行下?
      其實短遊都唔錯呢,去咗邊?等睇@@

      刪除
  19. 證明真係好多人都鍾意食>>> 咁我好例外,我唔食o既.

    回覆刪除
    回覆
    1. 王子:都話明係「王子」,又點會學一般平民百姓咁「啜腳指」kakakakaka

      刪除
  20. 泰菜都好好美,好耐無吃,要去試試!

    回覆刪除
  21. 咦,連你都成個禮拜無 update,少有!我今次返港主力探病,哪有機會玩?我之前去左邊?而家有得睇喇。:)

    回覆刪除
    回覆
    1. desa:喱排寫少咗好多,無乜野寫丫嘛^^
      原來如此~~~~沒大礙吧!!

      刪除
  22. 喂,你睇左我篇舊文喇,你版面上我blog個 link 經常遲幾個星期 …… 最新的在這裡: http://desafinadoreborn.pixnet.net/blog/post/188618391

    回覆刪除
    回覆
    1. desa:really~~~!!!唔怪得有點熟口熟面,我再去睇下^^

      刪除
  23. 回覆
    1. teddy:都唔係架,有D人對腳類食品有點抗拒呢^^

      刪除
  24. 泰國菜我都係鍾意我老家屯門既小曼谷~

    回覆刪除
  25. 原來咁多人唔鍾意凍架?我最鍾意落雪地方,咁都好少D人同我爭...XDDD

    回覆刪除
  26. 我每次去食泰國菜.都會叫白雲鳳爪~正!
    芥末菜脯餅~~~嘩!~味道會唔會好怪呀!

    回覆刪除
    回覆
    1. andy:我覺得酸酸辣辣都幾醒胃架^^
      我覺得好食過薯片,感覺又好似比薯片健康啲:P
      但近月佢好似無返貨,吼住好耐都仲未有得賣

      刪除
  27. Gael,一路食嘢,一路睇波,至高享受.

    回覆刪除
    回覆
    1. Andrew:可以坐足成晚最好,唔駛畀人趕走^^

      刪除