2014年11月21日 星期五

散策郵誌@薩拉戈薩+馬德里

你:去到皇馬個球場咁有冇見到邊個球星練波?
我:梗係有!仲見到碧咸同施丹……張相和波衫?
你:……



「成本郵票簿乜得一張畢加索郵票是來自西班牙咁少?」基爾搔搔頭有點後悔的說:「那時大概還未想過買郵票留念吧!……那次其實不只去了巴薩隆拿,還去了其餘幾處地方,有沒有興趣再看老照片?這裏是Zaragoza,應該不少人也去過這間建於17世紀的Basilica Nuestra Senora del Pilar(雲柱之母大教堂),據聞因為聖母瑪利亞曾在教堂裏一條雲石巨柱上顯靈而得名,它也是全球最闊最橫的天主教堂建築。」



「那時有沒有去馬德里?聽說皇馬的球場很宏偉。」基爾找到班拿貝球場的照片說:「這裏就是Santiago Bernabeu Stadium,基爾還扮球迷在球場外拉起了球會的頸巾影張到此一遊呢!那條頸巾依家還在但好少帶,是在球場裏那間souvenir shop買的。」



「那次住的酒店就在La Castellana附近,它是馬德里最長最寬的大馬路,沿住大街由球場一直走到Plaza de Cibeles,四周圍的古典建築群真係好靚,尤其是路中心迴旋處的西貝萊斯噴泉,描繪西貝萊斯女神策騎獅子拉動的戰車上的英姿;旁邊的通信宮Palacio de Comunicaciones也相當宏偉,入面很有點老舊郵局的味道!」



「近年西班牙經濟差,聽說治安也麻麻,這樣在大街上hea逛驚唔驚?」基爾不其然回憶起飽吃驚風散的經歷:「初時也覺得無問題,斷估也不會當街搶野咁誇張,只要提防小手應無大礙,後來還一直走到皇宮行一轉。入夜後太陽門Puerta del Sol一帶遊人非常多仲旺過旺角,本來諗住在街邊快餐店食個包就返酒店,始終唔敢留太夜,點知擺在隔籬凳個背囊轉眼間就消失無蹤遍尋不獲,銀包和相機都無晒,幸好passport在褸袋裏,唯有去附近警局先報案拎返張報案紙回來claim旅保!」



「有時覺得逛小城鎮比大城市有趣得多,係咪?」基爾點頭深感同意:「Absolutely……某程度上都係因為在香港生活本身已經周時都要逼車逼人夠晒煩,去旅行時都盡量唔去人多車多的地方,這也可理解吧!」



「距離馬德里西南面不遠就有個小山城Toledo,車程只大約1個鐘左右,很值得順道去逛逛。它可說是西班牙的古都,早在公元前1世紀已由羅馬人建立,直至1088-1561年間成為西班牙國都,1986年獲聯合國教科文組織列入世界文化遺產名錄。」



「看地圖就知其實古都的範圍不太大,不過由於有塔霍河Rio Tajo蜿蜒流過,影相出來景色靚絕。古城主要由San Martin's Bridge等幾條古老小橋與外地連接,單單在橋上影相已差不多用晒成卷菲林。」「古城入面有乜特別野睇?」「事隔十幾年其實印象已經好模糊了,印象較深是建於中世紀的Alcazar城堡和城中心的大教堂。由於千百年來這個小山城先後受過羅馬人、西哥德人、摩爾人等統治,所以即使在城裏的橫街窄巷閒逛亂蕩,看看風格不同的古老民居,純粹去感受一下歐洲小城味道,已覺得好enjoy!」

36 則留言:

  1. 啲相細過郵票,唔喺去過都唔知喺邊度 :(
    薩拉戈薩、杜麗多、馬德里........
    其實西班牙依家治安唔喺太差,全世界都有賊,自己小心啲就無問題,
    年初才去過,馬德里太陽廣場佈滿警察,治安好呀!
    杜麗多起咗電梯。

    回覆刪除
    回覆
    1. 路霸:咁咪好囉可以勾返起你啲回憶XXD
      十幾年前到依家我諗都會有改善嘅
      電梯在哪裏?入城果度?

      刪除
  2. 我都試過差D係倫敦地鐵俾人偷野, 不過個位男子手藝太差, 俾我發現左

    回覆刪除
    回覆
    1. Ahmo:不過其實去到邊,都要保持警惕係好啲嘅

      刪除
  3. 巴塞隆納我去過四次,反而未去過馬德里。 巴塞隆納的治安係好差,跟巴黎一樣。老DAD試過在巴塞隆納地鐵比人搶行李。

    回覆刪除
    回覆
    1. Samwei:嘩~~~咁猖狂?咁最後有冇畀人搶走?

      刪除
  4. 西班牙郵票應該好有特色,如果我去就一定買多幾套做紀念!

    回覆刪除
    回覆
    1. Wan:歐洲國家的郵票一般都幾有文化特色的

      刪除
  5. 西班牙的小鎮風情不錯呢!

    回覆刪除
    回覆
    1. 奇:與大城市又是不同的風味,感覺上更有地道文化特式

      刪除
  6. 回覆
    1. Teddy:我都好羨慕自己以前可以歐遊kakakaka

      刪除
  7. 我比基爾哥哥遲了一年去西班牙,那時候又不覺得她的治安差!
    西班牙會再去……

    回覆刪除
    回覆
    1. 摩:咁阿摩有冇見到我啲腳毛XXXD
      其實我自己都要負返啲責任嘅,實在太大安旨意放低個背囊掛住去買野食啦:P

      刪除
  8. 唔見左相機都有咁多自拍照!雙人照呢?

    回覆刪除
    回覆
    1. JJ:好彩仲有另一架囉,如果唔係就乜相都無晒啦

      刪除
  9. 我又唔係好覺治安差喎.

    回覆刪除
    回覆
    1. 王子:王子有車出車入又有侍衛護駕,等閒的烏蠅小賊鼠竊又怎敢埋身呢XXD
      又或者你個樣夠晒殺氣!!!

      刪除
  10. gael兄都踏足過很多地方~有冇邊個地方最深印象??

    回覆刪除
    回覆
    1. 森:好耐以前嘅事啦,依家好少機會去咁遠:P
      當然有:除了馬德里畀人撻野外,Rovaniemi第一次看到下雪也很興奮,在Aswan的50C烈日下行街,仲有在十和田第一次人前全裸浸溫泉XXXD

      刪除
  11. 都有聽過西班牙治安麻麻,去年到西班牙也有團友被偷去背囊。

    回覆刪除
    回覆
    1. Ycrity:其實如果小心啲睇實啲跟身財物,應該問題不大嘅

      刪除
  12. 我喜歡西班牙的小鎮風情. 小山城Toledo, 大學城都(忘了名字)很美.

    回覆刪除
    回覆
    1. Longbell:將來有機會再去,想去南部行下,未去過呢

      刪除
  13. 嘩十幾年前治安已經咁差 , 現在佢經濟唔好 , 咁現在還得了 ?

    回覆刪除
    回覆
    1. Ak:上面啲blog友話依家治安ok喎~~~!!!

      刪除
  14. 去朝聖係好開心,但遇上小偷真是好掃興。

    回覆刪除
    回覆
    1. 說:不幸中之大幸係損失唔算好慘重,至少仲有個passport~~~!!@@

      刪除
  15. It is lucky that your passport was not stolen. I sometimes like to see old travel photos to recall my memories.

    回覆刪除
    回覆
    1. Ray:所以我都覺得你好勁可以咁鎮定,我果陣係個心卜卜跳好驚嘅XXD
      係呀,睇舊旅行相好似自己又重溫去咗一次咁,好開心架^^

      刪除
  16. "點知擺在隔籬凳個背囊轉眼間就消失無蹤遍尋不獲,銀包和相機都無晒"
    ....鬼叫你做賣D 引人犯罪嘅行為咩!

    回覆刪除
    回覆
    1. Kaka:所以都唔好咁大安旨意囉,要保持一定警戒心理準備好啲^^

      刪除
  17. 去旅行唔見嘢真係好煩,有friend試過同一個trip,同行者兩次唔見嘢,花咗唔少時間享差館出入 :P

    回覆刪除
    回覆
    1. Bugs:所以有時真係萬事都要小心為上,出入都要小心睇下隨身物品有冇遺漏,始終人在外地嘛!!!
      緊慎啲就可以玩得開心啲啦^^

      刪除