2015年12月23日 星期三

散策郵誌@梵爾賽

今年聖誕本來打算去地球另一邊長線遊,可惜最後假期不獲批,每天唯有看著基爾媽電話傳回來的旅行照……無得去旅行咁索性又煮味「郵票炒雜錦」吧!



上次提到法國屬地的郵票,今次再繼續看看摩納哥郵票吧!仔細睇這套郵票原來已經有逾半世紀歷史,是發行於1956年4月19日摩納哥雷尼爾親王與荷李活女星嘉莉絲姬莉(Grace Kelly)舉行皇室大婚的紀念郵票。



摩納哥在哪裏?基爾沒有去過,但翻查地圖就知是位於南法的一個古老小王國,19世紀初仍是意大利熱拿亞王國的屬地,至1860年才被法國吞併。留意3枚郵票上仍用法郎面值(分別是1、2及3法郎),摩納哥要到1999年才隨法國轉用歐元面值郵票。



奧斯卡影后嘉莉絲姬莉正值如日方中紅極一時,卻突然宣布息影下嫁雷尼爾親王當上了摩納哥王妃,當年肯定是哄動歐美的娛樂頭條新聞。



唔知多唔多blog友看過嘉莉絲姬莉的舊片?不過如果喜歡看希治閣的緊張大師系列電影的話,對她一定有很深刻的印象。上圖是1954年上映的《電話情殺案》(Dial M for Murder),是50年代其中一部非常經典的緊張大師代表作,基爾曾在930重播時看過,可惜近年已甚少再在電視看到了。



同是1954年上映的另一齣希治閣經典《後窗》(Rear Window)也是基爾的心水電影之一,合演的占士史超活(James Stewart)是50年代荷李活其中一位男神,他其後與金露華(Kim Novak)於1958年合演的《迷魂記》(Vertigo)也被譽為是希治閣另一巔峰之作。



到了1955年嘉莉絲姬莉又與另一男神加利格蘭(Cary Grant)合演了《捉賊記》(To Catch a Thief),片中不少場景就是在南法的迷人海岸拍攝。翌年嘉莉絲姬莉閃婚後隨即息影,據聞希治閣於1962年籌拍《鳥》(The Birds)時,曾力邀這位「愛將」復出,但嘉莉絲姬莉為顧全摩納哥皇室體面最後也是婉拒了。



基爾暫時沒機會去親身體驗南法海岸靚景,要重溫法國皇室氣派咁唯有拎返2004年去梵爾賽的老照片來看看吧!看地圖就知梵爾賽位於巴黎西南市郊,比楓丹白露還要近,大約只需45分鐘車程,所以大部份首次到訪巴黎的遊人都多數會撥大半天遊梵爾賽。



雖然梵爾賽是巴黎市郊的小鎮,卻一點不會有南法小鎮那類恬靜簡樸味道,喧鬧的鎮裏幾乎一年三百六十五日都擠滿來自全球各地的遊人,主要就是為了去逛皇宮。



早上來到梵爾賽時遊人已非常多,忘了為何沒有立即入宮,只在附近橫街小巷閒遊,發現梵爾賽其實與巴黎一樣也有不少雅緻的咖啡店,揀了這間紅卜卜的來拍照或許是想襯埋件大褸吧?!其間仲走過去行教堂和街市,斷估那時不會傻得買兩梳蕉和果籃入宮見皇上……



生果最後當然是沒有買,但因為遊宮估計至少都要花大半天,最好還是先塞飽個肚再算,模糊印象中那時光顧了麵包店隨手買了一大角熱辣辣pizza吃了才入宮,一定夠晒溫飽。上圖是皇宮大閘上金碧輝煌的雕飾,已甚具皇室氣派,上面難得還襯托了幾隻不怕冷的「王謝堂前燕」。



黃金大閘就對正梵爾賽鎮的主要大道,當年路易十四和拿破崙係咪都由這裏策騎出外面森林打獵呢?從照片中見,基爾當年去到似乎仲未算太多同胞團友來訪,如果依家再重遊,場面應會更見墟陷吧!



一入宮門深似海,其實不論法國或中國古代都一樣。有時也會懷疑以前D皇帝住咁大間皇宮會唔會有D驚?又或者會唔會有D地方和房間其實係從來都無入過去呢?



除了皇宮正門前面聳立的路易十四騎馬像好多遊人會影之外,宮裏喱座拿破崙像也超多遊人同佢合照。右圖忘了是否拿破崙的龍床?不過印象中因為拿破崙身裁矮細,他的龍床也不算大,甚至感覺有點短小。



另一樣很有「人氣」的就是這幅超巨型的名畫《拿破崙一世加冕大典》,描繪1804年12月拿破崙在巴黎聖母院宣布登基後,替約瑟芬皇后加冕的情景。現存的拿破崙加冕圖共有兩幅,另一幅收藏於羅浮宮。



同場當然仲有遊遍宮裏的大小偏廳、寢室和著名的鏡廊之類,每當入到去一望花碌碌的天花板牆身和地板,滿眼盡是各式油畫和閃令令水晶吊燈時,其實真係會有D頭暈眼花(那時大鄉里基爾才第2次歐遊)……



從窗外望出去仲有個超大的御花園,為免時間不夠,還是先出去遊蕩一陣,順便畀對眼稍稍休息一會兒,呼吸一下新鮮空氣吧!



放眼望出去,梵爾賽宮的御花園也確實太「一望無際」了,前面一直伸延出去,看似就是一個無邊的森林。可惜12月去到時,園裏的大型噴水池都關閉了,似乎欠了一點生氣,下次一定要揀夏天來重遊。



在around攝氏10度的氣溫下行了一大段路,回頭一看乜原來唔係行了好遠而已,前面那些水池和森林仲行唔行過去好呢?!



其實較遠那些森林地帶真係唔算太多遊客會咁神心行過去,大部份人都只係圍住近皇宮這邊的大噴水池影幾張相留念,可能天氣真有點冷吧!



少人D其實仲好啦!基爾點都要冒住食西北風之苦再行遠一點, 路兩旁種了一排排整齊的大樹(是白樺樹嗎?),全部都有幾十米高,唔知係咪已經有幾百年歷史呢?



好可怕!極目望過去,這路真係好似無窮無盡咁長,係咪仲長過彌敦道?!喱個時間如果有輛單車踩下就perfect了!



好不容易走到這處「邊沿國度」,由這裏望出去就是一大片草原,會唔會以為自己已經穿過了叮噹的隨意門,去到Montana的天然牧場呢?



最後又凍又累之下還是要棄權了……沿路行返上去皇宮那邊的大水池,始終都係喱邊人氣比較旺盛一點。



反正夜晚留在梵爾賽也沒什麼東西看,還是趁before sunset前返回巴黎吧!途中路經這處架空鐵路天橋,唔知係咪就係杜魯福電影《Jules et Jim》裏那幕經典的狂奔場景所在地呢?定還是巴黎有數之不盡這類鐵路天橋……



再次來到人來人往旺過旺角的這條市中心大街,遠望老佛爺外的聖誕燈飾也著實華麗非凡,與香港油尖區常見的聖誕卡通燈飾風格迥異。更特別是那整條百貨商店街的聖誕櫥窗裝飾,精美得來部份還有機動設計,即使齋睇唔買也是件樂事。



火樹銀花的Champs-Elysees,今年或許依然璀璨,卻多添了幾分哀愁吧!

103 則留言:

  1. 摩納哥皇妃的確美麗, 記得還有位出的女兒, 公主少女時代經常見報 ... 家簇新聞、遊艇風波都好出位 ... 好有娛樂姓! XD

    祝聖誕快樂!

    回覆刪除
    回覆
    1. 遊艇風波係咩?忘記了:P

      刪除
    2. 都係資產風波之類 ... 都唔係好記得了! :D

      刪除
  2. 來日方長,總有機會再出發!!
    境由心做,留香港都可以過一個愉快的佳節啫~~

    回覆刪除
    回覆
    1. 如果有得揀都係揀出埠開心啲XXXD

      刪除
  3. 這段時間,假期竟然不獲批。那麼,老闆不是很討論您,就是您對老闆很重要。哈哈哈
    祝聖誕愉快!

    回覆刪除
    回覆
    1. 可能佢想我睇埋你本小說先囉XXXD

      刪除
    2. 哈哈哈,原來您老闆是我的超級fans!
      (HK Gael,能者多勞呀......)
      Happy New Year~~~~~~ 呵呵呵!

      刪除
    3. 或者會以為我埋頭埋腦望住個mon做緊嘢XXXXXD
      實際上通常係卒仔多勞啦:P
      新年快樂~~~~並祝靈感滿瀉,好故仔寫不完^^

      刪除
    4. 出年您 Boss 一定有良心補返數!
      萬事順利啦!

      刪除
  4. 聖誕快樂!
    記唔記得 Stéphanie de Monaco 做過歌星出過碟架, 當年佢係家中反叛一員

    回覆刪除
    回覆
    1. 我記得好N年前港台有個法國歌節目有播。

      刪除
    2. 真係唔知原來佢有唱過歌出過碟喎@@

      刪除
    3. https://www.youtube.com/watch?v=EGIxihIHPEk
      可以一聽架

      刪除
    4. 好明顯無阿媽咁靚,所以好難撈娛樂圈喱行啦.....:P

      刪除
  5. Merry Christmas!
    年尾各個請假,公司就來變空壳 LOL 今年無得放,展望明年飛遠 d :D

    回覆刪除
    回覆
    1. 聖誕快樂~~~^^
      唔緊要啦聖誕普天同慶,係要放假開心下嘅!!!
      未知來年有冇得飛遠啲喎:P

      刪除
  6. 回味都不錯,年輕人大把時間去旅遊,凖備下年吧!佳節愉快!

    回覆刪除
    回覆
    1. Merry Christmas!
      也希望明年你有多啲旅行分享^^

      刪除
  7. 原本打算去邊?
    凡爾賽宮氣派不凡!

    回覆刪除
  8. 聖誕快樂!凡爾塞宮到過……但由於跟團沒仔細地走!

    回覆刪除
    回覆
    1. Merry Christmas!!!!
      如果係想去逛逛歐洲的皇宮,喱度應算最有代表性吧

      刪除
  9. 摩納哥套郵票好靚, Grace Kelly我都鍾意, 有種高貴氣質^^
    我係03年去Versailles, 當時都未開始寫blog

    回覆刪除
    回覆
    1. 祝基爾兄聖誕快樂!
      唔記得讚基爾添, 呢篇都好睇, 唔覺得係炒雜錦

      刪除
    2. 以前啲明星不論男女好似都特別有氣質,同平凡百姓有點分別!!!
      我都未呀,果陣好似都未興....
      祝Venus與husband也聖誕快樂~~~~~來年有冇plan去邊度遊呢?預告一下^^

      刪除
  10. 祝你聖誕快樂~假期玩得開心.(Merry Christmas!)

    回覆刪除
    回覆
    1. 祝細佬大佬大小姐和肥貓也聖誕快樂^^

      刪除
  11. 假期不批, 咁幾時可以放? 最憎上頭唔批假。

    回覆刪除
    回覆
    1. 至少要等同事放完maternity leave,細部門二人部隊係咁

      刪除
  12. 到可以放時搵過啲旅行腳囉.
    聖誕快樂!!

    回覆刪除
    回覆
    1. 我啲旅行腳已經買少見少,要習慣獨行先得:P
      Merry Christmas!!!!王子今年有冇搞大食P?

      刪除
  13. MERRY X'MAS AND HAPPY NEW YEAR ^^
    奇怪, 何解我用手機留言不能看見.....

    回覆刪除
    回覆
    1. 聖誕快樂新年進步^^
      咁奇?~~~我去搵下先.......

      刪除
  14. 唔批聖誕可能批新年/復活節都唔定呢

    回覆刪除
    回覆
    1. 又或者同事又放假我就無份架啦:P

      刪除
  15. Gael大師:Merry Christmas to you !:)
    假期不批,咁咪同女友留港消費振興香港經濟囉!:P

    回覆刪除
    回覆
    1. 新年快樂呀師太^^
      已經振興咗啦,不過要靠kaka師太再發功先得XXXXD

      刪除
    2. 祝Gael大師新的一年萬事如意、身心健康!
      Happy new year!:)

      刪除
    3. 祝kaka師太新年快樂普渡眾生^0^

      刪除
    4. 咁...Gael大師可唔可以普渡眾生呢??:P

      刪除
    5. 好明顯同kaka師太比就完全未夠班啦XXXXD
      但今朝都好乖咁買咗支旗出一分綿力
      要繼續向師太學習先得wakakakaka....

      刪除
    6. 買咗一支旗出咗一分綿力咋?咁真喺有排先可以普渡眾生囉!kakakaka...

      刪除
    7. 所以咪話要多多向師太學習囉XXD

      刪除
    8. 大師級嘅Gael邊駛向我學習呀?
      我連一支旗都無買喎...更何況我又唔喺師太!!:P

      刪除
    9. 你寫多幾篇發人深省blog已經夠普渡眾生^^

      刪除
    10. "有花假" 定喺 "冇花假"呀?@@

      刪除
  16. 1956年超過一甲子郵票,勁!Merry Christmas^^

    回覆刪除
    回覆
    1. 你果啲珍藏漫畫好多都有半世紀歷史啦^^
      Happy new year~~~~!!!

      刪除
  17. 基爾D郵票好珍貴呀!
    上次去法國無去巴黎,而梵爾賽我只係當年讀歷史時見識過⋯
    你媽媽去左邊度玩呀? 而你又原本諗住去邊度長線遊?

    回覆刪除
    回覆
    1. 有啲都好耐歷史,係啲長輩傳畀我嘅...
      咁下次再同銀嫂去二度蜜月囉^^
      去了南半球呀佢,原本就係諗住同佢一齊去丫嘛

      刪除
    2. 第二度蜜月?諗諗先~
      講開集郵,我爸爸一聲我去莫桑比克即刻話識,佢話以前集郵有同學仔爸爸行船,係莫三鼻給比D郵票佢集郵

      刪除
    3. 莫桑比克郵票我都有喎^^
      係呀~~~Bingo!!

      刪除
  18. 回覆
    1. 都知道JJ喱類後生女一定無乜心機睇,出去夜蒲好過啦XXXXD
      Happy new year~~~!!過三日又可以去fever啦你^0^

      刪除
    2. 固守的思維會否有日更新呢?

      刪除
  19. 嘉莉絲姬莉這位摩納哥皇妃,真是當代女神,現在也有不少影迷記得。
    Merry Chsistmas !

    回覆刪除
    回覆
    1. 雖然佢拍戲唔多只有十套八套,但都贏過一次奧斯卡影后,可見當年係好紅.....
      Happy new year~~~!!^^

      刪除
  20. 今次唔批假留待下次囉,有基爾媽傳相給你預看景物,將來你去會更加投入喇.
    祝你聖誕快樂!新年住步!

    回覆刪除
    回覆
    1. 我都係鍾意自己親身去好玩啲XXXD
      也祝ak與相公happy new year~~~!!

      刪除
    2. 哎呀唔好意思打錯字添.
      呢個祝福才真,祝你加倍加倍...新年進步!

      刪除
    3. 多謝ak!!
      也祝你與相公天天happy^^

      刪除
  21. 除左郵票,原來基爾大大都鐘意舊電影:D
    梵爾賽宮一望無際,大得好離譜@@
    基爾大大聖誕快樂~

    回覆刪除
    回覆
    1. 非常喜歡看舊戲^0^有空我也會講多啲希望不會悶親matthew....
      係呀非常大,好難可以每個角落走勻:P
      也祝你happy new year~~~!!有冇plan定過年去邊玩?!!

      刪除
  22. 真可惜假期無批....本身基爾想去邊度過聖誕架?
    梵爾賽宮真係實在太多人了~

    回覆刪除
    回覆
    1. 果度你都有去過架啦^^
      我諗依家仲多人,因為多咗好多大陸團吧

      刪除
    2. 咁神秘~~~~~~~雖然我去過唔算多地方~但都好難估^^~
      我上幾年去都超級多人~都有好多亞洲人面孔~~拿~佢唔出聲我唔知佢係咪中國遊客架~~~~~~

      刪除
    3. wakakaka~~~~袋鼠國呀!!
      唔出聲有時都認得出㗎.....我試過奧斯陸有個妹妹店員走過來問我係咪HK人,我答係,跟住佢就好興奮咁同佢另一妹妹同事打眼色,可能佢地輸賭緊我係來自PRC定HK啩?!!我當時衣著寒酸又齋睇唔買嘢,所以估我係HK人機會大啲嘅XXXD

      刪除
    4. 0我~~係喎~聖誕去又真係唔錯~
      wakakakakaka~原來係咁~~~~~~~~其實我都成日齋睇唔買喎~~唔買仲影相當留念..仲衰~
      Happy new Year~~身體健康~

      刪除
    5. 新年快樂~~~身體健康^^
      台灣跨年記得玩盡興啲影多啲盞鬼靚相回來看看....

      刪除
  23. 歐洲令人神往, 但旅遊時, 找廁所好煩.... 多年前, 還要早備零錢

    回覆刪除
    回覆
    1. 係呀喱樣都煩,希望第時可用八達通就方便好多^^
      廁所問題在日本就方便好多,容易解決XXD

      刪除
  24. 祝願你有個順利美好新的一年!!

    回覆刪除
  25. 新一年新開始~Happy new year.2016

    回覆刪除
  26. 2016年新年快樂!
    健康如意!一切順利!常䝉主恩!

    回覆刪除
    回覆
    1. 大家咁話~~~~身體健康,長做長有^^

      刪除
  27. 新年快樂, 祝你身體健康, 心想事成!!

    回覆刪除
    回覆
    1. You too^^
      最緊要人人都身體健康萬事如意(有點似提早農曆新年拜年XXD)

      刪除
  28. Gael,郵票顯示地方特色,摩納哥皇妃是當代女神...讚啊!

    回覆刪除
    回覆
    1. 昔日的明星都有獨特星味呢

      刪除
  29. 回覆
    1. 如果想行晒我諗至少要用成日啦

      刪除