2016年12月20日 星期二

看戲參悟五味人生:下

繼續講埋下半part……另一個放假日又早起,吃了早餐再去荷里活(似乎變了VIP熟客仔),因為想睇埋另一齣《怒》。



這套日本片卡士幾強,上映前已是話題之作,應該好多人都有入場睇過,劇情也不用多談,全片主要由3個故仔交織而成,表面上好似同一宗命案都有關,主題都是講人與人之間的信任……



很多人說較喜歡妻夫木聰的一段,因為拍得比較完整細膩(縱使結局幾慘);渡邊謙宮崎葵的一段慶幸最後得到團圓;廣瀨鈴的一段則最令人有點「怒」,醉酒小男友在公園袖手旁觀不敢救人最令人費解……



吉田修一的小說之前好似都有揭過,幾十萬字的推理小說改編成2小時電影或許有篇幅限制,所以基爾有空的話都想睇返《怒》的原著,遲下電影落了畫無咁hit時再去圖書館借來看看吧!



另一天休weekday,當然不能錯過靜靜地睇下午場的好時機,基爾最愛喜歡揀這類「無人時段」看戲,感覺似包場特別爽。喱次睇了另一套日本片《深夜食堂2》,之前基爾有追看這套由著名漫畫改編的電視劇,搬上大銀幕後分別也不大,都是講食客間的小品式人情故事。電影版也沒特別加長,而是由3個小故事合併而成,即係好似一次過睇3集電視版一樣。



好值得讚下家陣睇戲經常有喱類leaflet領取,而且製作和印刷都做得相當精美和認真,基爾間中見到靚的都會拿來留念,例如《深夜食堂2》喱張仲印埋戲中3段故事提及過的3味菜式食譜,材料和步驟都寫很詳細絕不求其馬虎,如果有心機跟住做應該真係可以煮得出來。



講返喱3味菜,基爾覺得首部曲的「豚肉湯」比較輕鬆有趣,原來這味也是食堂老闆的招牌靚湯;第2部份的「炒烏冬」寫母子情也很細膩,母親對兒子的忘年戀前後態度360度轉變也令人絕倒;第3味的「燒肉定食」就最感人,講老婆婆夕起子挾積蓄巨款遠道由九州博多坐JR來到東京,卻誤墮電話騙案(原來日本也有電騙)!幸而獲得食堂老闆小林薰、心地好的美少女食客多部未華子和警員小田切讓關顧,還圓了婆婆多年來想見見兒子(失散多年)的夢想,也讓她終可放下屈藏心底幾十年的愧咎,結局尾段婆婆在車上偷看兒子一家的幸福生活確令人動容(紙巾位)……p.s.很慶幸今次揀的3套電影都很好看,總算沒白費了時間!

70 則留言:

  1. 應該日本都好多電話騙案,
    有不少日本電影都有提及的... :(
    如 東京家族(山田洋次),一開始老爺(橋爪功)在車站比電話媳婦,被誤會是騙徒...
    龍三和七個心腹們(北野武)都是由電話騙案開始...

    回覆刪除
    回覆
    1. 原來如此.......日本人都唔係想像中個個咁純品守法,總會有犯法的壞人!!!之前去日本行過警署便利店門口又或者車站,好多時都貼有全國通緝犯的照片海報睇到@@

      刪除
    2. 警署..你都參觀.... :%
      我都唔太明白點解日本超多刑警劇, 推理劇...

      刪除
    3. 有時去啲旅行景點都有路過啲警察局㗎喎.....
      通常係推理小說改編,日本係超級流行推理小說,而且有勁多著名的流行作家

      刪除
    4. 更正
      東京家族/山田洋次, 是向小津安二郎致敬的新版本,
      後來山田拍(麻煩家族)是一變奏版,
      才是一開始橋爪功在打高爾夫球,
      打電話給媳婦想說不回家吃飯,
      橋爪功開口聲聲說:係我啊, 係我啊!
      媳婦就以為是電話騙案,還罵他...
      是我把兩套電影弄錯了...
      昨晚把(麻煩家族)重看,仍覺得幾好笑!

      刪除
    5. 至於推理劇, 近日看了:
      法月綸太郎推理作品:一的悲劇
      宫部美幸:模倣犯

      刪除
    6. 模倣犯我好似有看過套戲

      刪除
    7. 麻煩家族我都有睇喎,做阿爸果個同佢幾個仔女都幾好笑,溫馨的家庭戲^^

      刪除
  2. 深夜食堂, 我有睇過漫畫, 不過後來無再追, 無左以前追柴門文同弘兼憲史個左狂熱
    講開有關食, 記唔記得N年前有套叫蒲公英, 好似ATV播過

    回覆刪除
    回覆
    1. 唔記得喎,係咪卡通片?
      講煮食我只記得味皇XXXD

      刪除
    2. 深夜食堂 電視劇好看的,
      正在看第四季...
      今季每次的片尾曲是不一樣的, 是呼應該集..

      刪除
    3. 我只係睇大台播,只看了第一和第𠄞season咋
      Really~~~~咁等我留意下先,thx^^

      刪除
    4. 蒲公英, 伊丹十三作品, 講拉麵架
      佢另一套查之女, 都好睇, 有機會睇下

      刪除
    5. 嘩~~~~上網search睇咗段trailer,役所廣司好後生呢@@

      刪除
  3. 我最怕睇啲悲劇㗎,浪費我嘅心情和感情囉XD

    回覆刪除
    回覆
    1. 間中睇下啲慘情嘢就覺得生在福中丫嘛hahahaha....

      刪除
  4. 回覆
    1. Good Morning,王子!!!咁早嘅今日^^
      豚肉湯太肥膩我唔食;炒烏冬就成日煮成日有得食;燒肉就有時初一十五去燒臘檔斬料會食到XXXXD

      刪除
  5. 您有食譜卻沒有跟著煮,粉絲們好失望架,哈哈哈
    冬至愉快!

    回覆刪除
    回覆
    1. Wakakakaka....果3樣如果要煮出來就唔係太難,不過燒肉同豚肉湯我實在麻麻地XXXD
      Merry Christmas~~~~~!!!!hohohoho.....^^

      刪除
  6. 深夜食堂真係長做長有,不過我有時會開始覺得悶,拍得多啲劇情開始有啲雷同

    回覆刪除
    回覆
    1. 拍多幾個season我諗都有啲難度嘅,因為來來去去都係果啲食客小故事,sell世態人情果類故仔

      刪除
  7. 我以前都好喜歡看日本電影,看你介紹,我都想睇下。

    回覆刪除
    回覆
    1. 唔知落咗畫未呢?
      近排都有啲日本戲和動畫幾值得一看

      刪除
  8. 兩套都無睇,只有睇電視深夜食堂,唔講真係唔知日本都有電話騙案^^

    回覆刪除
    回覆
    1. 係呀我都係睇戲先知有!!!
      原來日本人唔係想像中咁純品wakakaka....

      刪除
  9. 我少睇日本戲。早日才睇左阿信電影,拍得好,不過覺得電視劇仲好,細膩D。

    回覆刪除
    回覆
    1. 電視劇一定好睇啲,因為可以拍成幾十集,阿信係跨越咗好多唔同年代,一定要夠長篇先好睇

      刪除
  10. 我少睇電影,覺得電影劇情節拍很快,如果外語片很可能追不上。
    但睇電影的確是很好的享受!

    回覆刪除
    回覆
    1. 科幻果類sell特技多,有時故事情節都未必要太深究,反而純劇情片如果太草草了事就有點打了折扣
      可以靜靜地睇戲個零兩個鐘都不失為幾好的消閒娛樂吧

      刪除
  11. 深夜食堂這部漫畫幾好睇,我都想睇返真人版!

    回覆刪除
    回覆
    1. 我只看過電視劇和電影版,反而漫畫版沒看過呢

      刪除
  12. 回覆
    1. 第時如果電視播,不妨留意下啦,不過深夜食堂好多時都真係好深夜先做,要捱眼瞓睇:P

      刪除
  13. 你睇既戲好有深度,我都未睇過(深夜食堂有睇電視劇)
    不過近排某套戲令我睇左幾次@@

    回覆刪除
    回覆
    1. 係喎你去咁多次日本,有冇試過在日本入戲院睇戲?
      某套戲令我睇左幾次====>係乜戲咁吸引?

      刪除
    2. 冇丫,曾經諗過,不過唔識日文冇睇...
      你估下?今晚又去睇啦@@

      刪除
    3. 嘩~~~~~到底乜戲咁吸引呢???
      唔通係Office Christmas Party.....XXXD

      刪除
    4. 唔係啦,哈哈~
      Merry Christmas~

      刪除
  14. 對怒有D興趣,但未有時間睇。

    回覆刪除
  15. 最近有多部日本電影都很好看!

    回覆刪除
    回覆
    1. 對呀,阿摩要介紹多啲好戲畀我^^

      刪除
  16. 怒呢套真係無聽過呢..可能澳門無上~
    深夜食堂就之前有睇電視同漫畫~成日覺得佢整d野食好好味架~~
    預祝你聖誕節快樂呀~~

    回覆刪除
    回覆
    1. Really~~~~!!!我仲以為HK上,澳門一定會上添?!!@@
      好似睇佢煮就唔算太高難度,係可以跟到煮果類
      Merry Christmas~~~~!!台灣玩開心啲^^

      刪除
  17. 回覆
    1. Merry Christmas~~~~!!有冇去外地過節呀^^

      刪除
  18. 以前看過很多的日本片集,有什麼雪什麼子、什麼郎,福山雅治。印象深刻,名字也忘記了。看幕府家族的戲,感覺十分的悲情,現在也不會看了。

    回覆刪除
    回覆
    1. 我又好少睇日本古裝片,好多時睇睇下都無乜心機睇:P
      Happy Boxing day~~~~!!!

      刪除
    2. 以前的日本片集,好多都是時裝片嚟嘅。有偵探片,有家庭倫理片,有講法律內幕的,很有吸引力。

      刪除
    3. 以前仲有好多體育勵志劇,依家好似都唔興了:P
      Happy New Year~~~~~!!

      刪除
  19. 😊將會去柬埔寨,也祝你假期愉快,開開心心

    回覆刪除
    回覆
    1. 正喎柬埔寨,係咪去吳哥?
      Happy Boxing day~~~~!!!

      刪除
  20. Merry Christmas~假期玩得開心.

    回覆刪除
    回覆
    1. Happy Boxing day~~~~!!!
      有冇去露營呢?

      刪除
  21. 日本戲我真係好少睇。另外,你上次介紹既Café Society,我早幾日響飛機上睇左,可能你真係講得太「平淡」,我睇反而覺得有驚喜,覺得幾浪漫丫,30年代爵士樂應記一功,由於我睇時無戴眼鏡,矇矇地,仲覺得KStew幾靚添。

    回覆刪除
    回覆
    1. 浪漫嘅係去參觀名人大宅?wakakaka.....
      夜總會那場景拍得幾靚
      KStew好似唔屬於Woody慣常用的那種女演員style

      刪除
  22. HKGael 晚上好,
    在下都好耐冇入戲院喇,

    回覆刪除
    回覆
    1. 行山也是不錯的消閒活動呢^^

      刪除
  23. 電話騙案,係日本應該都唔少,早前用三國誌遊戲於列車些來呼籲添,不過好奇嘅係犯案係乜嘢人種。

    回覆刪除
    回覆
    1. 我都係睇戲先知原來日本都興......三國誌宣傳電騙又幾新鮮喎!!!@@

      刪除