2017年5月20日 星期六

遺忘的唱盤時光@梁漢文

前幾篇寫鹽田梓還是初春時節,轉個眼已經到初夏五月天,近排工作太忙幾乎都沒空寫blog,不過忙裏也要偷閒,又來轉動一下個舊唱盤。



CD和Cassette帶不知不覺間幾乎都進了博物館,而且依家即使去行街,都真係好難先搵到間唱片店逛,基爾也忘了最近什麼時候逛過CD舖和買過邊張CD……不過奇就奇在,依然好記得自己第一張買的CD,就係上面這張梁漢文的《壹精選》。



基爾唔算係佢粉絲,歷來買他的CD就只此一張而已,也忘了為何當年在CD舖芸芸眾多歌手當中會揀中這張來買。唔知係咪當年讀書時代幫人補習(定還是第一次做暑期工)出糧之後,第一次擁有自己賺來的錢,咁橋又剛好行過唱片店,咁就買了這張CD吧!



翻查網上資料這張碟是發行於1994年,收錄的13首歌(為何當年的精選碟都興13首)都是梁漢文華星年代初出道時比較hit的作品,例如第一位、一世一次戀愛、想著你等著你、不願一個人等等,當然某月某夜、纏綿遊戲和流離夜雨都是不可缺少的代表作。記憶中隻碟當年都唔算貴大約一百蚊以內,不過由於是第一隻買的CD所以就一直保存至今。你又記唔記得第一隻買的CD是什麼呢?

69 則留言:

  1. 第一隻買o既CD真係唔記得係邊隻。

    回覆刪除
  2. 我覺得梁漢文很有實力。可惜香港的娛樂圈是k型。

    回覆刪除
    回覆
    1. 初出道時確實發展不俗,可惜後來遇上好歌的機會不太多,又少了令人耳目一新的突破吧

      刪除
  3. 香港的樂壇越來越萎縮。

    回覆刪除
    回覆
    1. 好多人都咁講,但其實聽廣東歌的人都有過億,市場不細!!

      刪除
  4. 梁漢文樂壇資歷也不淺,又是好歌之人,不錯!

    回覆刪除
  5. 我記得佢有隻同楊千嬅嘅合唱歌, 首歌唔係幾好聽

    回覆刪除
    回覆
    1. 係咪「請你滾....滾出去....」果首?
      華星三寶以前都幾多合唱歌,好似大激想果類快歌

      刪除
    2. 唱K最hit果陣係幾多合唱歌....

      刪除
  6. 第一隻買o既CD真係唔記得係邊隻,第一隻唱片我就記得^_^總之歌聲就是帶給大家美好的回憶。

    回覆刪除
  7. 我記憶中...最近一次買CD喺..93年

    回覆刪除
    回覆
    1. 嘩~~~~比我買的這張第一張還要早!!@@

      刪除
  8. Sky 都唔得第一隻去買的 CD 歌手是誰了 !?

    回覆刪除
    回覆
    1. 會唔會都離不開係譚詠麟梅艷芳張國榮張學友陳百強等紅星?

      刪除
  9. 我唔記得囉,不過應該都係90年代,不是我後生,而是落後,聽了很多年錄音帶。

    回覆刪除
    回覆
    1. CD最初出果陣都好貴,依家就算平啦

      刪除
  10. 嘩 ! 其實佢的歌真係唔差, 可惜總係紅歌唔紅人 !

    回覆刪除
    回覆
    1. 佢比較少拍戲,可能拍埋戲會紅少少

      刪除
  11. 又一個經典~
    幾乎連佢把聲都遺忘...

    回覆刪除
    回覆
    1. 近排好似又有搞演唱會,依家歌手都係要搞騷先賺到錢,單單出碟我諗係無錢賺...

      刪除
  12. 可能梁漢文的歌唔係好啱自己聽,自己個歌庫都冇乜佢嘅歌…
    你講得啱,而家想買CD都唔係咁易,如果我要買就要去到葵芳先有!可能都要學識在網上買…

    回覆刪除
    回覆
    1. 以歌論歌其實佢歌底本身唔錯,希望佢遇到多啲好歌!!
      依家我諗無乜齋賣CD的唱片店,維唔起皮...不過事實上依家都好少買碟,新歌手無乜留意,大部份收音機聽過就算不會有衝動去買,至於聽舊歌就可以去圖書館借囉!

      刪除
  13. 我印象係買Kelly 既, 因為我係佢粉絲, 每隻碟都有..hahaaaaa

    回覆刪除
    回覆
    1. 依家佢忙湊仔唔得閒唱歌XXD

      刪除
  14. 你架機好似還可播 cassette 吧? ... 第一張 CD 好難記得起 ... 梁詠琪吧!

    回覆刪除
    回覆
    1. 係呀喱架可以,因為仲有好多古董cassette帶間中會拎出來播下嘅!
      咦,話時話我好似無買過佢嘅碟添:P

      刪除
  15. 其實佢仲係唔係响娛樂圈,好似非常少有佢消息,蘇永康都好似係咁,啲消息大多數同工作無關

    回覆刪除
    回覆
    1. 佢遲D好似開演唱会!
      苏康依家忙湊仔啦^^

      刪除
  16. 個時梁漢文啲歌真係幾好聽,佢現時就無物新歌囉!

    回覆刪除
    回覆
    1. 懶音歌都几得意
      我覺得佢可試多D唔同風格歌!

      刪除
  17. 梁漢文就是弱化版的許志安,我第一張買的CD冇記錯應該是李克勤的Purple Dream。📀

    回覆刪除
    回覆
    1. 我都鈡意听Andy Hui唱快歌多啲,感覺power勁啲!
      Purple Dream个封面我都有啲印象喎

      刪除
  18. 記得我第一張買的唱片,是Carpenter的Close to You. 當時木匠的妹妹Karen Anne Carpenter 死於厭食症,她甜美的歌聲從此告別人間。
    我第一張買的卡式盒帶是陳伯強的“喝采”。陳伯強的歌聲很清新。
    其實,我也很喜歡官恩娜和鄧紫棋的一些熱情奔放的歌曲,聽得很爽。

    回覆刪除
    回覆
    1. 很多原唱的中、西金曲都已經製成CD或VCD,這真是歌迷的一個大喜訊! 我哥哥的唱片機都可以塵封了。

      刪除
    2. Carpenters我都鍾意,我有隻精選CD都係時不時會聽的呢!喜歡Close to You,仲有Yesterday Once More都好經典,好彩依家有得上網睇返啲MV,Please Mr.Postman好似是在迪士尼拍的!
      喝采套戲有冇睇過?Danny啲歌依家聽一樣不會過時,First Love好好聽!!
      官恩娜係唱得唔錯,不過婚後好似無再唱,GEM就多數去了賺人仔XXXD

      刪除
    3. 黑膠係比較難保養,始終CD無咁易跳線,經常拎出來聽都不怕有損耗,黑膠就收埋當係珍藏囉^^

      刪除
    4. 是的,Carpenters的Yesterday Once More確是很動聽。
      “喝采”這部電影我沒看過,只是在電視播映時看過,好像是翁靜晶當主角的。這歌的曲和詞都很好,是這歌引了我。
      哥哥收藏了很多的黑膠和橙膠唱片。有很多都唱花了啦,不值錢啦。

      刪除
    5. 更正:是這歌“吸”引了我。

      刪除
    6. 花了都唔好掉啊,當係珍藏懷念一下昔日聽黑膠的歲月也不錯呢^^

      刪除
    7. 聽說坊間都有專門收買舊紅酒,和黑膠唱片。我就唔會賣gar!
      *
      記得很多年前當cd剛面世,就有人掃走的唱機碟,真係好冇情呀!

      刪除
    8. 對,以前就收舊電器,依家見過有些擺街收買佬會收酒、唱片和錶等等....
      可能無地方擺啦,黑膠大隻又比較難保養吧

      刪除
  19. 知就好啦!上一篇係初春了,就嚟仲夏。。。
    娘炳!?有時讀書時買野唔會知點解架~ 由其是我地返學時cd咁hit。咦!咁我第一隻買嘅cd又係邊個呢。。。

    回覆刪除
    回覆
    1. Wakakaka...銀哥都係啦要寫密少少,等到啲blog友頸長XXD
      以前CD算係貴價品,好多時要考慮好耐先會買,又或者問啲有錢同學借來聽下就算囉:P

      刪除
  20. 第一張CD﹖ 太遙遠了!
    最新買的……「王菀之+張敬軒」(EP)
    梁漢文華星年代的一些慢歌都幾好聽,之後我比較喜歡是《七友》那張唱片……

    回覆刪除
    回覆
    1. 咁會係中文定外文碟呢?
      王菀之果首新歌突然一生人真係幾好聽,係咪收錄在這張新EP?林夕的詞真寫得好:突然一低頭 歲月壓兩肩;驟然一舉頭 沒時候掛牽.....
      某月某夜至今仍是佳作,佢幾啱唱這類Jazz味濃的歌!

      刪除
    2. 第一隻CD,應該係中文碟。
      《突然一生人》不是收錄在這張碟。這張EP是他倆翻唱對方的歌。
      王菀之是我近年很喜歡的歌手。

      刪除
    3. oic......
      醒起之前聽過佢地唱友誼的小船

      刪除
  21. 梁炳以前係我偶像嚟呢~!!

    回覆刪除
    回覆
    1. Really~~~~有冇去睇佢演唱會^^

      刪除
  22. 回覆
    1. 有冇假音唱纏綿遊戲先....XXD

      刪除
  23. 我唔識唱假音。。。。不過好鍾意唱果D唔知乜文嘅前奏。。。:p

    回覆刪除
    回覆
    1. 立即上網check過,原來那是德文,來自貝多芬的短曲Ich Liebe Dich.....

      刪除
    2. Yes. 當年超鍾意唱! 😀

      刪除
    3. 下次唱埋果段德文歌啦wakakaka.....

      刪除
  24. 你仲記唔記得梁漢文有首歌叫「仍然是我 仍然是你」?剛出一排日日都聽到,之後就完全無人提過,但我反而好有印象。

    回覆刪除
    回覆
    1. 嘩~~~~喱首都真係好sidetrack喎!@@
      我都無乜印象,網上MV都唔多見有

      刪除