2017年8月18日 星期五

九十風華帝女花@中大圖書館

之前睇新聞才知中大圖書館搞了個任白珍藏展,上網check展期原來到7月底就結束,基爾趁最尾果日剛好有假期就趕上了尾班車。



第一次來到中大圖書館,原來地方都幾大喎!加上正值暑假,圖書館內人影唔多見,在大門口做過簡單登記就可以入去展廳。



任白珍藏展廳其實就在圖書館ground floor,不用搭電梯,按圖書館工作人員指示轉個彎就見到,不會太難找。



與常規博物館的展覽廳有點分別,這裏的展廳採用開放式設計,基本上是劃出大堂一角就用來擺設展品了,感覺上很寬敞開揚,展廳旁邊已是圖書館的閱覽廳空間,如果看展覽看得累了就可過去坐坐稍休。



展題之所以叫做「九十風華」是因為今年正好是白雪仙的九十大壽。展品中大部份是仙姐和任白慈善基金捐贈予中大圖書館的珍貴藏品,例如上面這本古董《紫釵記》劇本。



至於上面這本任姐用過的《再世紅梅記》泥印本也很珍貴,按照展覽場刊的介紹,昔日粵劇團的泥印本一般只會印製十幾份,是戲班台柱、打鑼、提場等主要工作人員的專用劇本。



另外最吸引基爾的是五六十年代仙鳳鳴舞台演出的劇照。紫釵記帝女花蝶影紅梨記等任白戲寶,基爾只曾看過電影版,這次還是第一次看到真真正正舞台上演出的大戲劇照呢!



除了劇照外,仲有唔少任白與唐滌生梁醒波任冰兒和雛鳳一眾弟子的生活舊照,就像瞬間回到了六十年代的黑白粵語長片時代一樣,任姐仙姐的打扮在當年來說都非常之潮!



同場仲有展出唔少珠釵頭飾之類,都是手工非常精巧而且保養得完好無缺的藝術珍品,不少傳統手工技藝相信已經失傳。如果嫌唔夠喉的話,仲可以再去文化博物館,那裏珍藏了更多昔日粵劇大老倌的戲服髮釵裝飾,如果是戲迷一定看得更滿足吧!

「九十風華帝女花」
地點:香港中文大學圖書館
展期:27.3.2017 - 31.7.2017

83 則留言:

  1. 我不喜看大戲,但任白戲寶就例外…

    回覆刪除
    回覆
    1. 證明今時今日佢地依然有好多fans^^

      刪除
  2. 我尾班車都冇上,幸好有你分享,謝謝!

    回覆刪除
    回覆
    1. 唔知將來仲有冇機會再展出呢?

      刪除
  3. 估唔到你咁有興趣,珠釵好靚
    紫釵記劇本好實在,好有價值

    回覆刪除
    回覆
    1. wakakaka.....去八卦下啫^^
      劇本好有文物feel!!!

      刪除
  4. 今次我錯過了展期,希望下次有機會睇到啦。
    謝謝你的分享!

    回覆刪除
    回覆
    1. 這些展品都捐了給中大,可能將來仲有機會再展出的^^

      刪除
  5. 我還以為九月先結束,錯過了。謝謝分享

    回覆刪除
    回覆
    1. 唔係呀,七月尾就結束了......

      刪除
  6. 正呀!呢啲絕對係好珍貴嘅文化古蹟!👍

    回覆刪除
    回覆
    1. 電影資料館唔知會唔會搞返個任白戲寶展呢?

      刪除
    2. 如果唔搞我覺得就真係抵打屁股啦!呢啲嘢就真係可以代表到我哋香港文化喇!😆

      刪除
  7. 我最記得任劍輝個套新梁山伯祝英台, 佢係做祝英台

    回覆刪除
    回覆
    1. Really~~~~~做祝英台??!!!@@
      我只睇過任劍輝同芳艷芬做的梁祝恨史....

      刪除
    2. https://youtu.be/29n-lamM0qo

      刪除
    3. 嘩@@~~~~~~~~!!!真係勁到爆!!@@
      我真係未睇過喱套戲.....也從來未睇過任姐唱子喉呢(原來都唱得好掂喎)!!!!
      仲要係時裝古裝穿越劇喎!!!好少見任姐女裝扮相的電影,仲要穿婚紗,驚喜驚喜^0^

      刪除
  8. 回覆
    1. 仲有好多你唔知啦.....XXXD

      刪除
    2. 以基仔的中文根底,鍾意戲曲話劇都唔出奇呀!

      刪除
    3. 中文水皮所以要睇多啲大戲惡補下.....XXD

      刪除
  9. 回覆
    1. 第時西九個粵劇場開咗可能會多啲大戲做......

      刪除
  10. 我只識唱一首粵曲卡拉OK,就係帝女花之香夭 :P

    回覆刪除
    回覆
    1. 劍合釵圓菲臘哥應該都懂唱兩咀吧?!!^^

      刪除
  11. Li Silver2017年8月19日 下午9:29
    我同你都一樣只睇過電影版,因為以前仙遊咗的嫲嫲經常翻睇又翻睇呢兩套粵劇,我又被迫睇埋一份,而我嫲嫲雖然經常睇但就唔知劇情🤣🤣🤣
    以前小朋友當然唔鍾意睇啦,但現在人大咗,加上鍾意旅行,認識到文化承傳的重要性。雖然未至於會鍾意睇粵劇,但會留意多咗。

    回覆刪除

    回覆刪除
    回覆
    1. 帝女花紫釵記太出名所以我諗好多即使唔常睇大戲,都一定熟悉當中一兩段折子戲的....
      大戲都係好特別的文化遺產,好值得保留及發揚!!!

      刪除
  12. 仙姐對粵劇的醉心和使命,係我萬分敬佩o既!

    回覆刪除
    回覆
    1. 對呀,任白都係非常出色的粵劇大師.....

      刪除
  13. 原來展期咁長到7月底就快完結,有機會真係應該去睇下!

    回覆刪除
    回覆
    1. 展覽結束咗啦,將來希望會再有機會展出^^

      刪除
  14. 其實呢個展覽都好值得睇,任白我地細細個已經聽佢個名…

    回覆刪除
    回覆
    1. CU圖書館其實有少少隔涉,將來有機會再展可以選擇去文化博物館可能更多人可以方便參觀到......

      刪除
  15. 真是想不到基哥這麼年青,也看過任白的電影! 而且是那麼的欣賞任劍輝。這個展覽我都錯過了。在小時候我常跟姐姐們去看任白的戲寶電影。
    也在 K場裡必點唱一兩首他們的歌。
    對於Ah Mo 提供的影片,我都好想去欣賞一下。
    *
    我在今年4月14日的網誌:仙姐九十華誕
    http://autumnleaf90.blogspot.hk/2017/04/blog-post_14.html
    對仙姐的戲劇事業,有一個介紹,若有興趣和時間,可以來看一下。

    回覆刪除
    回覆
    1. 有呀,其實我細個時已經睇好多粵語長片......XXD
      喱啲展品已經捐咗畀CU,我諗之後都仲有機會展出嘅^^
      唱K我又未試過唱大戲喎,因為太長實畀人投訴wakakaka...
      好值得去欣賞下,好少見任姐演女角!!!
      好呀,一陣過你度八卦下^^

      刪除
    2. 看了,就是這個展覽了^^

      刪除
    3. 謝謝基哥到訪。剛才只顧住睇Ah Mo 介紹嘅任姐女裝戲,睇晒都不止,又睇埋黃超武周坤玲的生平,好吸引。
      在 K場喜歡唱粵曲的人不多,所以多年來只得一位外地的網友和我趣味相投:粵曲、國粵金曲、歐西金曲,一唱5、6小時,不亦樂乎!

      刪除
    4. 多謝ahmo推介齣咁好嘅戲wakakaka....
      黃超武係咪就係做任姐老公果個?
      都唔係㗎,我諗都幾多人會唱粵曲,否則就無得點播啦^^

      刪除
    5. 黃超武就係飾演梁山伯嗰位先生了。在無線深夜的黑白粵語殘片裡,有時會見到周坤玲,好靚女。
      又係你話唱粵曲會畀人投訴嘅。其實唱粵語對答曲,就不會悶場啦。唱獨唱曲時,喜歡的樂意聽,不喜歡的會走夾唔抖。

      刪除
    6. oic~~~~!!
      對呀,最緊要找到志同道合的同你一齊唱就無問題啦,最緊要一大班朋友enjoy就ok^^

      刪除
    7. 邊有一大班朋友喜歡聽粵曲咁好彩吖? 喜歡聽粵曲的,又不喜歡聽歐西金曲。好像The Righteous Brothers 唱的 Unchained Melody; Patti Page 唱的 How Much Is That Doggie In The Window;
      B.J.Thomas 的Raindrops keep fallin'on my head.經典好歌! 唔係人人都識唱。

      刪除
    8. 咦,你講喱三首歌我都聽過喎~~~~!!Doggie有狗仔吠好盞鬼XXD

      刪除
    9. 奇嘞! 基哥咁年青,都聽過呢啲歐西金曲? 不過呢啲歌好熱門,
      一聽就難忘架。

      刪除
    10. 屋企都有好多舊歌碟成日聽㗎^^

      刪除
    11. 咁好彩! 呢啲都係古董嚟架啦。多年前我在某商場展銷時,買到兩盒原版原唱的金曲,好滿意! 可惜當時沒買齊四盒(一套兩盒,兩套四盒) 但係已經有好多首了。
      不是原唱者的,始終不夠味道。家中都有些古老時代曲。

      刪除
    12. 原版原唱好聽好多......不過依家難唔難買到cassette機/walkman播?

      刪除
    13. 不是cassette帶,是鐳射牒,用DVD機播就得了。題名:
      Very Best Of Everlasting Originals
      Supreme Favourites Collection . 若有時間Po出來網誌上看看。

      刪除
    14. oic~~~~~~係喎以前係好興出喱類Originals精選碟,可能以前改編歌多....

      刪除
    15. 我已經打造了最新的網誌:風雨交響曲。後半段就有“Very Best Of Everlasting Originals
      Supreme Favourites Collection ”我的珍藏了。
      若有空閒,歡迎到訪。

      刪除
    16. 好啊,你果然好有效率喎,寫blog寫得好快手^^

      刪除
    17. 一時時啦! 有時十多廿天才出一篇。做得好慢。主要是照片少的,就會快手啲。

      刪除
    18. 隨心而寫就好了,有時太忙也未必有空,有空就寫多幾篇囉^^

      刪除
  16. 估唔到你對粵劇既展覽都有興趣喎~你係咪咩展覽都鐘意睇架?

    回覆刪除
    回覆
    1. 又唔係喎,要啱時間地點先得囉,主題反而無乜所謂,當係長知識吧^^

      刪除
    2. 0我~原來係睇時間同地點~
      咁其實你睇展覽既主題都可以好廣下~
      去外地旅行時唔知你會唔會放重d時間係博物館同埋展覽度呢~

      刪除
    3. Timing & location好重要^^
      乜都有興趣睇下囉!
      外地啲博物館一般都幾貴,唔係經常會去,但皇宮果類會去睇下.....
      係喎,你依家點呀~~~!!!睇新聞澳門好大鑊,你有冇水沖涼?百五蚊兩支水好癲喎,同埋停電有冇影響你返工?

      刪除
  17. 他朝西九戲曲中心建成,好應該有一個有關任白的常設展覽館。

    回覆刪除
    回覆
    1. 希望會有個常設展廳啦,反正都用咗咁多公帑去起:P

      刪除
  18. 我對戲劇就無咩興趣,不過見到D頭飾整得好精緻好靚!

    回覆刪除
    回覆
    1. 手工好精細,唔知依家仲有冇師傅識得整呢?

      刪除
  19. Gael 晚上好,
    原來有個咁嘅珍藏展都唔知,走咗寶添,

    回覆刪除
    回覆
    1. 文化博物館都有唔少關於戲曲的展品,是常設展館不妨去一看

      刪除
  20. 噢 >.< 愛看任白粵劇的 Sky ~ 今次是咗雞了 @ 無得睇啊 !

    回覆刪除
  21. 這些展覽值得看,可惜太忙了。

    回覆刪除
    回覆
    1. 希望你可以快啲忙完,咁就可以寫返多啲古仔我睇啦^0^

      刪除
  22. 啲珠釵頭飾好靚。
    上次去中大都有去圖書館,但,只匆匆轉了一圈,
    不知道原來有展覽睇,是否定期有展覽呢?

    回覆刪除
    回覆
    1. 對呀,我諗好多手工藝都已失傳了,依家唔係咁多師傅識整....
      我諗佢地訂期都會有啲展覽搞下,無謂浪費咗個咁大又咁舒適的場地吧^^

      刪除
    2. 「九十風華帝女花」
      地點:香港中文大學圖書館

      刪除
    3. 求師於武林羅太無,而得劉、張、李三家之秘

      刪除
  23. 噢, 完全唔知添, 我淨係睇過沙田嗰個粵劇文物館

    回覆刪除
    回覆
    1. 文化博物館果個其實都幾大型,唔知第二時西九果個粵劇場落成後會唔會搬過去呢?

      刪除
  24. 我年少時, 隔鄰的大媽/大叔好喜歡聽粵劇戲曲.
    我好像有看過任白電影紫釵記,
    哈哈,年化不久遠, 都忘了.....

    回覆刪除
    回覆
    1. wakakakakaka.....咁我原來已經榮升到了大叔級XXXXXD
      紫釵記任白和雛鳳都有拍過電影版,兩套都好睇,雛鳳版是彩色的呢!

      刪除
  25. 我對佢哋比較陌生 , 不過好支持粵劇戲曲 , 見依家好多小朋友都學唱曲 , 造手同造型都好唯妙唯肖 , 一定可以延續落去呢~!!

    回覆刪除
    回覆
    1. 始終係一種文化藝術值得承傳......

      刪除