2017年12月7日 星期四

散策郵誌@哥本哈根:上

近排睇電視見Do姐同農夫去了丹麥shopping,基爾醒起係時候又可以寫下D郵誌攝下時間喎!咁一於照跟……帶住郵票再遊一轉哥本哈根吧!


紅底白十字丹麥國旗果行就係丹麥郵票

好辛苦先爬到入床下底拎返本歐洲區的古董郵票簿出來……冇聽錯係「歐洲區」,基爾諗返都好佩服自己小學雞時代竟然咁有心機將所有郵票分開美洲歐洲亞洲非洲咁擺放,事隔咁多年依家重新睇返都仲好整齊好靚。頂果3張摩納哥郵票之前都有post過,中間果行係愛爾蘭,最尾紅色人像和馬車連同下面維京船果行就係丹麥郵票,係呀丹麥郵票唔算太多咋!紅色人像果張上面有丹麥皇室徽號;維京船一望就知好有北歐風情;面值丹麥克朗1KR的那張Niels Stensen是17世紀該國著名解剖學家和地質學家,獲譽為「地質學之父」。


2006年10月中出發,坐漢莎飛德國法蘭克福轉機去哥本哈根;左上圖是酒店雪櫃有好多丹麥品牌的啤酒汽水大開眼界;左下圖是哥本哈根街頭的單車徑

印象中北歐國家好多都保留用返自己的克朗,沒有加入歐元區,不過丹麥克朗同歐元有聯繫匯率機制(情況係咪同港元和美元掛勾差不多?)……Anyway講返當年去丹麥,數數手指驚訝已經係11年前的事,翻查照片資料才記得是2006年10月中去的,由於那時仲未開始在yahoo寫大典blog,咁當然也沒有寫旅行網誌了,即使睇返旅行相好似好多都無晒印象唔記得邊度打邊度,希望靠今次寫返個簡略郵誌重新喚起返少少陳年回憶吧!


下榻的酒店印象中好似都幾近市中心舊城區

跟據照片附載非常簡短的筆記所寫,原來那次出發時都幾論盡,原本是坐芬航先飛赫爾辛基再轉去哥本哈根(香港無直航丹麥),去到機場才知遇上芬航罷工,臨時改坐漢莎經法蘭克福轉飛哥本哈根……睇到喱度,基爾又醒返起當年在法蘭克福入境再飛奔去轉機的喪跑情景,中間轉機時間少於1小時未試過咁驚!


阿美琳堡宮Amalienborg Slot;皇宮廣場上騎住馬好威風的是菲特烈五世銅像;右圖是Verdensmissionssondagen大教堂

輾轉頻能咁去到哥本哈根check-in上埋酒店房都成11點幾,不過可能有jet lag又唔算睡好長時間,第二朝晨早起身出去行下,先感受一下北歐寒風,友人係教徒記得仲陪佢入去酒店附近間大教堂做早禱。之後食了早餐,再去行了一轉丹麥皇宮。


街邊掛在牆上的紅色郵筒,有丹麥皇室徽號,霎眼睇落係咪有D似英國郵筒

喱座位於舊城港口附近的阿美琳堡宮Amalienborg Slot,印象中唔係好大,似縮水版的梵爾賽,朝早來無乜人最適合任影唔嬲……


遊人駐足觀看皇宮廣場上的皇家衛兵換班儀式

阿美琳堡宮由4座宮殿構成,中央是八角形的皇宮廣場,王宮入口有御林軍把守,平日如果丹麥女王瑪格麗特二世在家,可以看到丹麥國旗升起,宮內收藏了1863年以來皇室的珍藏品,包括珍禽異獸標本,東方瓷器古董及軍火武器等。


嘉士伯啤酒廠博物館

睇完皇宮仲有去睇啤酒廠,雖然基爾極少飲啤酒,不過喱間懷舊味十足的啤酒釀製廠都好值得參觀,本身就是間嘉士伯的歷史博物館,廠房裏保留了昔日拉啤酒運貨車的馬匹(高頭大馬好大隻)和馬廄,還有重現百年前工人返工時的塑像。


嘉士伯原來都出左好多唔同product line,大部份基爾都無見過,可能只限歐洲甚至丹麥出售


運送啤酒的古董馬車


參觀完仲有得試飲,印象中橙色果杯似果汁多過啤酒

53 則留言:

  1. 回覆
    1. 去完旅行返來靈舍醒啲喎果然.....wakakaka!!

      刪除

    2. 我都係N年前去渡過哥本哈根,都冇乜印象

      刪除
    3. 係咪SD佢地都未出世^^

      刪除
    4. Sonny Dearest 個時未到一歲 ^^

      刪除
    5. 嘩嘩嘩...咁都真係幾耐以前喎^^

      刪除
  2. 我無去過丹麥呢
    不過係機場狂跑轉機, 我又試過喎, 都係怪自己攪錯閘口, 轉機又要過安檢, 唯有厚臉皮問人俾我打尖得唔得, 好在人地又好人肯俾我過

    回覆刪除
    回覆
    1. 你近好多喎,會唔會趁聖誕去走一轉^^
      每次急嘅時候好多時偏偏就遇上安檢人龍.....XXXD

      刪除
  3. 嘉士伯除了做生意,仲可有埋的歷史博物館,真係好棒!

    回覆刪除
    回覆
    1. 香港天氣多潮濕,床下底放郵票仲保全得好好,好叻啊!

      刪除
    2. 歐洲好多酒廠都好似係興咁樣做埋展覽館.....
      擺多啲防潮劑,同埋其實我都好少開箱拎出來嘅^^

      刪除
  4. 我1988年去丹麥,只記得睇過美人魚,同山長水去Legoland樂團,當時全世界只得一個。你應該放多啲相上來嘛。

    回覆刪除
    回覆
    1. 80年代去歐洲你應該都係資深旅遊人了,好犀利,當時係咪仲有東歐鐵幕?有冇去柏林睇下?
      仲有下集㗎,就係因為唔想太長悶親大家咪分上下集寫^^

      刪除
    2. 當時蘇聯尚未解體,我老伴有去過柏林,我返而未去過。

      刪除
    3. 我諗果陣政治氣氛都仍然幾緊張,始終有圍牆分隔吧.....

      刪除
  5. 以為只有郵票睇,原來主要係遊記。

    回覆刪除
    回覆
    1. 丹麥郵票好少咋,咁連埋遊記寫可以寫長少少嘛:P

      刪除
  6. 原來你咁細個已經開始集郵。我都係咁上下時間去哥本哈根喎,可惜大家無遇上。

    回覆刪除
    回覆
    1. oic!oic!!.....咁果陣你過咗去UK未?定係由HK飛過去玩?
      原來大家都曾經這麼近那麼遠wakakaka....
      除咗哥本哈根仲有無去埋其他地方呢?

      刪除
  7. 嘉士伯的歷史博物館
    廠房裏保留了昔日拉啤酒運貨車的
    馬匹(高頭大馬好大隻)和馬廄

    回覆刪除
    回覆
    1. 节假日中不影响装卸工班的开工....

      刪除
  8. gael兄早年都有好多遊誌,點解現在少了…就趁今個聖誕假plan吓外遊…

    回覆刪除
    回覆
    1. 應該剩餘的假唔多…只係plan本地遊~~
      咁預祝你旅程愉快…充電放鬆~~

      刪除
    2. 咁記得寫下啲好去處好食肆介紹下畀我知喎^^
      多謝森兄,希望到時有機會update下個blog!
      預早同森兄祝福句Merry Christmas先^^

      刪除
  9. 很多年前,香港人很喜歡喝加士伯啤酒。
    但就唔記得邊個時候這隻牌子便沒那麼流行了?這當然是有其它品牌入佔市場外,原因可能就是她做得太濫,便給別的牌子趕過!
    再講些題外笑話,我已往去旅行,都曾與個「哥」字沾上些邊,去歐洲在荷蘭認識了一個從哥本哈根來的女生,在澳洲游水時又識到個哥倫比亞的美少女,而去越南,那處的女性也興叫男仔做亞哥…好似是曬命,其實我是想跟你打趣一下,別介意的呀!

    回覆刪除
    回覆
    1. 係喎,記得以前嘉士伯啲廣告都好勁下,依家好似少咗!
      以前仲有盧雲堡、藍帶、健力士黑啤果啲都常常在電視睇到賣廣告,依家係咪都無乜人飲變咗懷舊文物??^^
      近年係咪A字頭日本啤最潮?
      勁喎ShuSiu哥,睇你啲旅行舊照片以前咁靚仔,有咁多艷遇都好正常嘅!!!!!XXXD有空就記得寫多啲晒多啲畀我睇下喎wakakakaka.....

      刪除
  10. 每到一處都買啲郵票係好好既紀念方法,好過買啲唔等駛嘢.

    回覆刪除
    回覆
    1. 都係㗎,郵票一張紙仔咁算係最易收藏㗎啦^^

      刪除
  11. 回覆
    1. wakakakaka......咁大唔大過你啲珍藏??

      刪除
  12. 北歐我又未去過喎,團費太貴喇,而且冬天特別凍,
    你淨係去咗丹麥,其他北歐地方冇去過?

    回覆刪除
    回覆
    1. 咁會唔會等第時退休後有多啲時間,就可以夏天去一次囉^^
      夏天去唔會凍,日照長,可以玩得盡啲....
      那次最後都係經返芬蘭走,佢地罷完工XXD

      刪除
  13. 作者已經移除這則留言。

    回覆刪除
    回覆
    1. 基爾真好記性. 11年前的旅行都記得. 勁!!!
      北歐我去過芬蘭同瑞典, 北歐物價真的好貴. 我當年都係窮遊.
      北歐看來是時候再PLAN

      刪除
    2. 睇返啲相會有幫助記得返少少,大約五六成左右:P
      芬蘭個雪景好難忘,隻腳插入雪度會去到𦡀頭咁深,果陣我未見識過咁深的積雪覺得好盞鬼,但超級凍,不能在戶外停留hea太長時間XXXD
      一,二月算唔算淡季?會唔會平啲?

      刪除
  14. 乜冇安徒生童話
    美人魚都冇條仲有曾經的港產王妃
    乜趕轉機要跑餐懵咩,有電動車嘛🙄

    回覆刪除
    回覆
    1. 有在門口影不過費事post啦....XXD
      下集先啦咁鬼心急wakakakaka
      王妃好似話離咗婚係咪?
      人地初出茅蘆人生路不熟邊有你咁醒唧:P

      刪除
  15. 丹麥地大建築靚, 但行人路卻像窄了點!

    回覆刪除
    回覆
    1. 仲要係好多人踩單車,成日失驚無神在身邊飛過都幾鬼驚㗎XXXD

      刪除
  16. 下集...係咪輪到美人魚出場?美人魚之外,唔知有沒有美人兒呢?=P

    回覆刪除
  17. Very systematic collection of stamps by dividing into different areas. I also do this by dividing the stamps into different countries.

    回覆刪除
    回覆
    1. 以前做落的功夫沒有白費,依家摷返出來睇就好方便....^^

      刪除
  18. 即使睇返旅行相好似好多都無晒印象唔記得邊度打邊度<--所以我一直堅持著打遊記~
    基爾,下次再出發不如打個詳盡遊記給自己來過回味吖!

    回覆刪除
    回覆
    1. 尤其係你啦一年走幾轉更加容易唔記得,寫遊記可即時記下旅行感受,將來如果有機會再出書都可以有料寫啦^^
      詳盡版本可能真係要視乎時間,同埋希望google喱度長寫長有啦:P

      刪除
  19. 果然係郵票大皇~套郵票真係好靚.

    回覆刪除
    回覆
    1. 好多年前貯落,依家都未必會買到了^^

      刪除
  20. 郵票豐富到可以分唔到地區,細細個都識集郵真好~

    回覆刪除
    回覆
    1. 對!那个年代小學生沒太多玩意,郵票應算是其中的熱門活動吧^^

      刪除
  21. 聽說北歐在冬天會好凍! 有親友冬天去英法多國,回來大嘆室內的暖氣令人吃不消,跟團一大班人空氣不流通,容易患感冒。可能夏天去好些吧。
    *
    基哥你啲節票都幾舊吓喎,和我的有得揮。
    你把郵票解述得很詳細,謝謝你的分享!

    回覆刪除
    回覆
    1. 對呀北歐冬天很凍!尤其我們始終南方人對十度以下天氣確有點吃不消,室內暖氣又覺太悶焗乾,日照短!我想夏天再去可看看午夜太陽^^
      那些都是小學年代貯下來的了,都有咁上下歷史了....

      刪除